Chapter 5

HABANG lumalalim ang gabi ay isa-isa nang nagkakalasingan ang mga kaibigan niya.

Kanya-kanya nang pwesto ng tulog ang mga lalaki sa sala. Habang ang mga babae ay sa kwarto ni Dawn matutulog.

Hindi siya masyadong uminom sapagkat hinihintay niya ngang dumating si Toni.

Napatingin siya sa orasan sa pader.

Alas dose na. At nagkukukot ang kalooban niya sapagkat wala pa rin ang kasintahan.

Swit❤

Sweetheart, nasaan ka na? Twelve midnight na po, Cinderella.

Swit❤

Sweetheart...

Swit❤

Please, magreply ka naman para alam ko kung okay ka...

Swit❤

Galit ka pa ba? Please, huwag naman pong ganyan, nag-aalala na ako.

Swit❤

Sweetheart..

My Sweetheart

Pauwi na ako.

Swit❤

Thank God, nagreply ka rin..Huwag ka nang magalit, please... mahal na mahal kita. Alam mo naman 'yon, di ba?

Swit❤

Sweetheart...

Swit❤

Ingat ka na lng pauwi ha... mahal na mahal kita...

"GREG, pwede bang patulong pumunta sa cr? N-nasusuka ako..."

Nagulat pa siya nang pasuray na lumapit sa kanya si Nicole at muntik pang matumba sa harapan niya.

"Bakit bumaba ka pa? May cr sa kwarto ni Dawn." aniya rito.

"May tao." mahinang sagot nito.

Agad siyang tumayo at inalalayan itong lumakad papuntang cr. Pagdating doon ay nagsuka nga ito nang nagsuka.

Nang mahimasmasan ay naghilamos ito at muling bumaling sa kanya at iniangkla ang braso sa leeg niya upang suportahan ang sarili.

Inalalayan niya itong muli palabas ng cr at iaakyat na sana sa kwarto ni Dawn nang marinig niya ang humintong sasakyan sa harap ng bahay.

"Thank you uli sa paghatid, Kevin. Lloyd... una na ako." narinig niya pang paalam ng kasintahan.

Agad ang pag-ahon ng selos sa dibdib niya.

Bahagya pang nagulat si Toni nang pagpasok nito ay siya agad ang mabungaran.

Lalo na at madilim ang mukha niyang nakatingin dito.

Agad na umangat ang kilay nito at napalitan ng blangko ang ekspresyon nang makita ang ayos nila ni Nicole.

Naka-kapit ang kamay nito sa batok niya, habang naka-alalay naman siya sa baywang nito.

"FUCK!"

Walang kibong pumasok ito ng bahay at nauna pang umakyat sa kanila.

Pabuntong-hiningang ipinag-patuloy niya ang pag-akyat sa hagdan at inihatid si Nicole sa kwarto ni Dawn.

KASABAY ng pag-aalala sa nabungarang eksena ni Toni kanina ay nagpupuyos din ang kalooban ni Greg sa kaalamang si Kevin ang naghatid dito.

Inihilamos niya ang dalawang kamay sa mukha at pabuntong-hiningang tumingin sa hagdan patungong itaas ng bahay ng nobya.

Kinakain ng selos ang puso at isip niya.

Nang hindi na nakatiis ay nilingon niya ang mga naghihilik na kaibigan at nang matiyak na mahimbing na nga ang mga ito ay nagpasya siyang sundan ang kasintahan sa silid nito.

Hindi siya mapapakali hanggat hindi sila nito nagkaka-ayos.

Marami ang maaaring mangyari sa sandaling pagtatampo ng nobya. Mahirap hulaan ang tinatakbo ng isip nito kapag galit. Baka kung ano ang maisipan nito ay magsisi siya sa bandang huli.

"BEZ, bahay na 'ko..." imporma niya sa kaibigan nang tawagan ito.

"Ahh... okay. Sila Lloyd din nasa bahay na eh... kakatext lang." anito. "Kumusta naman ang sitwasyon diyan? Bati na kayo?"

Parehong malagihay ang boses nilang dalawa habang nag-uusap.

Kanina sa bahay nina Tin ay pinayagan sila ni Lloyd na uminom na dalawa ni Tin sapagkat sinabi ni Tin na kaya siya naroon ay dahil masama ang loob niya, ngunit hindi naman nila ipinaalam kung bakit.

Ayaw uminom ni Lloyd sapagkat magda-drive pa raw ito pauwi kaya't hindi na lamang din uminom si Kevin. Binantayan lamang sila ng mga ito. Nang maka-kapwa tig-limang bote na silang Tanduay Ice ay inawat na sila ni Lloyd at sinabing ihahatid na siya ng mga ito upang makapagpahinga na rin ang nobya.

"Hindi, no! Ewan, bahala sila! Magsama silang dalawa!"

"Asuuus! Kunwari pa, 'di mo rin naman matitiis 'yan."

"Not this time. Ang kakapal ng mga mukha nila, dito pa sila naglalandian sa bahay namin! Hindi man lang nahiya... magtataksil din lang, sa bahay ko pa!"

Dahil nga nakainom ay kung anu-ano na ang lumalabas sa bibig niya.

Ang lakas naman ng tawa ni Tin sa kabilang linya.

Lasing talaga 'tong babaeng 'to.

Nakasimangot na sa isip-isip niya.

"Sige na nga! Matulog ka na, lasing ka na!"

Pinagtawanan lang siya nitong muli.

"Sino kaya lasing sa'ting dalawa?" tawa pa rin ito ng tawa.

"Oo na. Goodnight na. Inaantok na 'ko."

"Okay. Goodnight, bez."

Nang mawala sa kabilang linya ang kaibigan ay inilapag niya sa ibabaw ng mesita ang cellphone niya at kumuha ng bihisan saka pumasok sa loob ng cr upang maglinis ng katawan. Paglabas niya ay nagulat pa siya nang makitang nakaupo sa gilid ng kama si Greg na tila hinihintay talaga siya.

Agad na naalarma ang buong sistema niya.

Nasa iisang silid sila ni Greg... parehong nakainom. At manipis lang ang pantulog na suot niya.

Sumulyap siya sa pintuan bago binalik muli ang tingin dito.

"Bakit ka nandito?" malamig ang tinig na tanong niya rito. "Lumabas ka na... baka magising ang ate ko, tiyak na magagalit 'yon kapag nalamang nandito ka."

"Amoy alak ka." pormal na sabi nito.

Kung galit siya ay kita niya rin ang galit sa mga mata nito.

"So, kaya pala hindi mo ako mareplyan, kainuman mo pala ang Kevin na yon?" panimula nito sa malamig ding tinig. "At hinatid ka pa rito ha... ang sweet naman."

Tinaliman niya ito ng tingin.

"Si Tin ang kasama kong uminom at hindi si Kevin, not even Lloyd! Nagmamagandang-loob lang iyong tao. Kaysa mag-taxi akong pauwi, di ba? E, di hinatid niya na lang ako. Besides, nandoon din si Lloyd, so, hindi niya ako solong inihatid." sikmat niya rito sa mahinang tinig. Mahirap na baka magising ang ate niya, tiyak na malalagot siya kapag nalamang nasa loob ng silid niya si Greg.

"Look who's talking?" humalukipkip pa siya sa harapan nito. "Dinatnan kitang nakayakap nang halos sa pink na higad na 'yon!"

"Nahihilo siya, okay? Nagpunta siya sa cr para magsuka, inalalayan ko lang... at hindi ako nakayakap sa kanya, naka-alalay lang ako."

"WHATEVER!" ipinaikot niya ang mga mata at umalis na sa harapan nito. "Iinum-inom... hindi naman pala kaya." bulong niya pa habang lumiligid sa kabilang side ng kama.

Hinubad niya ang tsinelas na suot niya saka hinawi ang comforter at nahiga na. Si Greg ay nanatili namang nakaupo sa kabilang gilid.

"Lumabas ka na. I-lock mo ang pinto paglabas mo, ha. Matutulog na ko.  Nakainom nga ako, 'di ba? Oo nga pala... break na tayo. Magsama kayo ng pink na higad na 'yon." kahit siya ay nabigla sa sinabi niya. Ngunit huli na para bawiin pa iyon. Bumiling siya ng higa, patalikod dito.

Noon pumatak ang mga luha niya.

Naramdaman niya ang paglundo ng kama sa kabilang side niya. Mariin niyang ipinikit ang mga mata upang hindi nito makita ang pagluha niya.

Nanigas ang buong katawan niya nang maramdamang niyakap siya nito mula sa likuran. Patagilid itong nakahiga at nakayakap sa kanya.

Napapitlag pa siya nang masuyo siya nitong halikan sa batok.

"Sweetheart, please... huwag na tayong mag-away. Okay, ako na ang mali. Dapat magpasalamat ako dahil hinatid ka nila dahil gabi na, baka mapano ka sa daan. Sorry na, 'wag ka naman agad magdesisyon ng ganyan. First quarrel pa lang, break na agad?"

Hindi niya napigilan ang pagkawala ng isang hikbi.

Naramdaman niya ang lalong paghigpit ng yakap ng binata sa kanya na sinundan ng mariing paghalik sa ulo niya.

"Sorry na. Hindi ko lng talaga maiwasang magselos. Natatakot ako kasi hindi malayo ang age gap nyo. Natatakot ako kasi mas bagay kayo. Natatakot ako kasi baka maagaw ka niya sa akin." mas humigpit pa ang yakap nito sa kanya na tila ayaw na siyang pakawalan.

"Ako din. Natatakot din ako na baka maagaw ka ni Nicole sa akin." aniya sa pagitan ng paghikbi.

Kinabig siya ni Greg at iniharap dito saka muling niyakap.

"Sweetheart... iyong-iyo ako. Kahit kailan hindi ako magpapa-agaw."

"Baka kung siya ang girlfriend mo ngayon, hindi nyo na kailangang magtago... kasi mukhang okay lang naman sa ate niya kahit maging kayo, eh," parang batang sabi niya habang nakasubsob sa dibdib ng binata. "And twenty na siya... hindi masyadong malayo ang age gap nyo."

"Shh..." iniangat nito ng dalawang daliri ang baba niya at pinagtagpo ang kanilang mga mata. "Sweetheart, mahal kita. Sana paniwalaan mo iyon, at pagkatiwalaan. Hinding-hindi ako gagawa ng isang bagay na ikakasakit mo."

Madamdaming sabi nito bago siya masuyong hinalikan sa noo.

"Huwag na tayong mag-away ha, please..."  hinalikan siya nitong muli sa noo bago mahigpit muling niyakap. "Nakakatakot ka magalit Sweetheart... break agad."

"Sorry. Mahal na mahal lang po kita kaya ako nagseselos."

"At dahil, mahal na mahal din kita, wala kang dapat ikaselos."

"Sorry ulit." mahinang sabi niya na bahagyang lumayo dito at mabiis itong hinalikan sa mga labi.

Naramdaman niya ang paninigas ng katawan nito sa ginawa niya.

Nang makabawi ay bahagya itong lumayo at tumihaya ng higa sabay dipa ng dalawang braso. Nakaunan pa rin siya sa braso nito.

"Urgh! Don't do that again, Sweetheart." tila nahihirapang sabi nito.

"Do what?"

"I'm trying my damndest here to keep my promise." nasa anyo pa rin nito ang paghihirap.

"Promise?" kunot-noong sabi niyang nakatingala rito.

"That is to give you your first real kiss, when you turned, eighteen." malamlam ang mga matang bumaling itong muli sa kanya.

"Ahh..." tumatango pang sabi niya. "In a few months time, eighteen na ako, so, I won't mind, if you are going to give me some preview." nakangising tukso niya.

Saglit na nangunot ang noo nito sa sinabi niya. "Prev--" nang sa tingin niya ay nag-proseso na ang sinabi niya a utak nito ay unti-unti nang nagkahugis ang ngiti sa labi nito.

Natatawang pinitik nito ang tungki ng ilong niya bago hinalikan.

"Loko ka talaga. Sige na, matulog ka na. Baka nga makalimutan ko iyong pangako ko." akmang babangon na ito nang pigilan niya sa pamamagitan ng pagyakap dito.

"Dito ka na lang matulog. Promise, magbe-behave ako. Hindi na kita tutuksuhin."

"Sweetheart, kung ako lang, gustong-gusto ko... pero hindi pwede. Nakainom din ako... baka hindi ako magising agad, malalaman ng ate mo na dito ako natulog. I'm sure you don't want that to happen, right?"

Agad niya namang naintindihan ang sinabi nito kaya't marahan siya tumango at pinakawalan ito.

"Sweeetheart, lasing ka ba?" maya-maya ay tanong niyang nagpakunot ng noo nito.

"Not really, why?"

"Uwi ka na lang kaya?"

Lalong nangunot ang noo nito sa sinabi niya.

"Baka kasi gapangin ka ni Nicole sa baba kapag tulog ka na." nakalabi pang sabi niya.

Mahina itong natawa sa sinabi niya.

"Silly. 'Wag kang mag-alala, sisigaw ako agad."

"Greg!"

Tatawa-tawa pa ring hinalikan siya nito sa noo.

"Goodnight, Sweetheart. Stop thinking too much. I love you."

"I love you, too."

KINALUNESAN ay nagulat pa siya nang makasalubong niya si Kevin sa eskuwelahang pinapasukan niya.

"Hi." nakangiting bati nito sa kanya.

"H-hi.." alanganin ang ngiting sagot niya. "Anong ginagawa mo rito?"

"Enrolled na ako rito. Nag-trasfer ako.." anito sabay nakangising kumindat sa kanya.