CHAPTER 26 - THE TRUTH 5 YEARS AGO

BLAZE’S POV

Tahimik ang buong biyahe namin ni King pauwi ng kanyang mansion na binili bago kami umuwi dito sa pilipinas. Alam kong masama pa rin ang loob niya ngayon dahil sa mga nasaksihan niya sa aming dalawa ni Zed kanina.

“King,” mahina kong tawag sa kanya habang nagdadrive siya. Hinawakan ko ang kanyang kamay, ngunit pakiramdam ko wala siyang plano na kausapin ako.

"Not now, Blaze, please. I felt exhausted." malungkot ang kanyang mga mata, habang naka focus lang ang tingin sa daan. Kahit sa sagot niya sa akin, alam kong iniiwasan niyang mapag-usapan namin ang mga nangyari kanina.

Di nagtagal ay pumasok na ang aming kotse sa loob ng magarang mansion na pag-aari ni King. Kusa na akong bumaba sa kotse, hindi na ako naghintay pa na pagbubuksan niya ako ng pinto, dahil alam kong pagod din siya kanina sa pag entertain sa aming mga bisita. Nakita ko siyang kinuha si Ziane Blake, ang anak ko na ngayon ay mahimbing na ang tulog sa likurang upuan ng kotse. Maingat niya itong kinarga papaso