CHAPTER 3- "I'VE FALLEN IN LOVE"

HEATHER BLAZE POV

Kanina pa ako naghahanap ng kakantahin sa youtube, pero wala pa rin akong mahanap na pwedeng kantahin. Tiningnan ko ang orasan na nakasabit sa loob ng wall ng Recreation area, one hour na lang magsisimula na ang program.

"Blaze, ano nangyari sayo, Bakit hindi maipinta ang pagmumukha mo? Tanong sa akin ni Janice.

"Ewan ko, parang wala kasi akong gana na kumanta ngayon. Claire, pwede bang ikaw na lang ang kumanta?" tinatamad akong tanong kay Claire.

"Ano? Ako ang kakanta? Nababaliw ka na ba Blaze? Kaya nga ikaw ang pinili ng presidente na kumanta dahil ikaw ang champion sa singing contest taon-taon. Kung may talent lang ako sa pagkanta katulad mo, sa tingin mo ba hindi ako kakanta? Isa pa, kailangan mong kumanta, malay mo mainlove sayo ang may-ari nitong university dahil sa ganda ng boses mo. Alam mo ba na busy lahat ng mga kababaihan sa pagpapaganda ngayon?" saglit pa siyang napangiti sa naisip. "Oh my gush! nakita ko siya kanina, super gwapo ng may-ari, friend. Napatili si Claire sobrang kilig.

"Wala akong pakialam kung gwapo man siya. Mas gwapo pa rin si Zed para sa akin." tinatamad ko paring sagot sa kanila.

"Oo na. Mas gwapo na yung boyfriend mo na laging wala sa sarili." mataray namang sagot sa akin ni Claire.

Nakasimangot ako na tiningnan sila, na ngayo'y busy na, sa paglalaro ng chess. Hindi na ako sumagot pa sa pang-aasar ni Claire. Naghanap na lang ulit ako ng pwedeng kantahin mamaya.

"Miss Blaze, pinapatawag ka na ni sir Greg. Kailangan mo na daw pumunta sa backstage dahil 30 minutes na lang mag-umpisa na ang program." narinig kong sabi ng junior student na inutusan ni sir Greg. Agad akong napatingin ulit sa orasan at sakto ngang 6:30 p.m na."Sige, pakisabi susunod na ako." sagot ko sa junior student. Hindi naman ito nagtagal at umalis na kaagad.

Ilang sandali pa'y lumabas na rin kaming lima sa recreation area. Diretso na ako sa backstage, samantalang sina Janice, Claire, Myrtle at Jaya ay nakita ko naman na dumiretso na sa mga boyfriend nila na sa harapan ngayon ng stage. Bigla kong naramdaman ang hindi maipaliwanag na kaba, ng makapasok na ako sa pintuan ng backstage. Nakita ko si sir Greg at ang ilang mga Faculty staff na natataranta, waring hindi alam kung ano ang gagawin.

" Sir Greg, may problema po ba? Hindi pa ba handa ang lahat? Sabihin niyo lang po sa akin baka may maitutulong po ako." nag-aalala na tanong ko. Nakita kong agad na lumingon sa akin si sir Greg.

"Naku Blaze, mabuti at nandito ka na. Oh, ito ang Bouquet, ibibigay mo yan mamaya kay Mr. Ford." Ayusin mo ang pagkanta ha, mainit pa naman ang ulo nun ngayon. Mula ng dumating siya kanina mainit na ang ulo." sabay abot sa akin ni sir Greg ng pumpon ng iba't-ibang klase ng bulaklak. Nalilitong kinuha ko rin kaagad mula sa mga kamay niya ang bouquet.

"Bakit naman mainit ang ulo niya sir Greg, may negative feedback ba siya tungkol sa mga estudyante?" nalilito ko pa ring tanong.

"Ayun nga ang hindi namin maintindihan sa kanya eh. May hinahanap ang kanyang mga mata mula pa kanina. Hindi naman niya sinasabi kung ano or sino ang hinahanap niya. Akala nga namin noong una, sinusuri niya lang ang paligid ng buong university, pero napagtanto namin na may hinahanap pala siya dahil in iisa-isa niya ang bawat rooms. Kapag tinanong namin, kung sino ang hinahanap niya para matulungan namin siya, hindi naman sumasagot. Pinagalitan pa niya kami. Mahirap talaga intindihan si Mr. Ford, kaya ayusin mo mamaya, dapat mapasaya mo siya." mahabang paliwanag ni sir Greg sa akin.

"Masungit pala ang may-ari nitong university sir Greg. Baka mamaya, ipatigil niya ang pagkanta ko dahil hindi niya nagustuhan." nakasimangot kong sagot.

"Bakit ano ba ang kakantahin mo?"

"I've, Fallen for you" wala sa sariling sagot ko.

"Teka, bakit yan ang napili mong kantahin? Wala bang pang welcoming remarks na kanta?" diskumpyado na tanong niya.

"Eh, wala kasi akong mahanap na kakantahin sir Greg. Alangan namang Lupang Hinirang ang kantahin ko, eh di mas lalong nagalit yun. Pabalang kong sagot. Nakita kong napa kamot sa ulo si sir Greg dahil sa sagot ko.

"Kahit kailan talaga Blaze, ang pamimilosopo mo hindi mo nilalagay sa lugar. Humanda ka sa akin kapag tuluyang magalit si Mr. Ford mamaya. Isang linggo kitang suspendehin sa klase." pagbabanta ng matanda sa akin.

"Bakit na man sir Greg, kasalanan ko ba yon kung hindi niya magugustuhan ang kinakanta ko? Kung gusto niya, dapat siya na lang ang kumanta." Nakita ko ang nagpipigil sa galit si sir Greg.

"Bahala ka na nga. Pupunta na kami sa stage, tinatawag na ang pangalan namin. Ayusin mo mo lang Blaze, makakatikim ka talaga sa akin mamaya." nagbabantang wika niya sa akin habang papaalis sa aking harapan.Di nagtagal, ay narinig ko na ang boses niya na nagsasalita sa mikropono.

"Good Evening, everyone. On behalf of St. Ford University, I warmly and respectfully welcome its owner, the most renowned cardiologist in the country. Let's welcome Dr. Zane Ford.

Narinig ko ang masigabong palakpakan ng lahat.

"Sir, ang gwapo mo!" "Sir, taken ka na ba?" "Akin ka na lang, sir."

Halos nagkasabay-sabay na tili at sigaw ng mga estudyanteng babae ang naririnig ko. Naririndi na ako sa mga tili-an nila.

"Good Evening everyone. Sad to say, I'm already taken." Narinig kong sagot ng isang lalaki mula sa mikropono. Malamang siya na ang sinasabi nilang may-ari nitong university. Biglang tumigil sa pagtilian ang mga babae, at napalitan ng panghihinayang ang kanilang reaksyon.

Subalit, agad akong nakaramdam ng kaba ng mapansin na kaboses ni Dr. Zane Ford si Zed. "Pero impossible." Nasa malalim ako ng pag-iisip ng marinig ko na tinatawag na ni sir Greg ang pangalan ko, para sa welcoming remark song ko na ihahandog kay Dr. Zane.

Agad na pumailanlang ang instrumento ng "I've Fallen for You" sa sound system. Kahit kinakabahan, inayos ko pa rin ang aking sarili at nagsimula nang kumanta, habang lumalabas sa entablado at hawak-hawak ang bouquet na ibibigay ko sa guest na si Dr. Zane.

Blaze:

"What is this I'm feeling? I can't explain,

When you're near, I'm just not the same.

Ganun na lang ang pagkagulat ko ng sumingit sa pagkanta si Dr. Zane. Nakita ko siyang tumayo mula sa kanyang Inu-upuan at malapad ang mga ngiti na naglalakad papunta sa aking kinatatayuan, habang kumakanta sa isa pang mikropono.

Dr. Zane:

"When you said hello, I looked into your eyes

Suddenly, I felt good inside

Namumula ang mukha ko sa sobrang hiya ng mapansing kinuha niya ang bouquet mula sa aking kamay. Ang galing ng boses niya. Kahawig niya ang boses ni Zion ang sikat na singer ng bansa.

"I will give it back to you. You're my special guest for tonight." Agad na sabi nito habang binabalik ulit sa akin ang pumpon ng bulaklak."Hala, anong klaseng kadramahan ang ginagawa ng lalaking ito? Buti sana kung si Zed siya, pwede kung patulan ang kaek-ekan." sa loob-loob ko.

"Oh my, Dr. Zane sana ako na lang!" agad akong nakabawi ng marinig ang patay malisyang nagtitiling sigaw ng isang babae.

"Sorry girls, but as what I have said, I'm already taken." Sabay tingin sa akin ni Dr. Zane, at binigyan ako ng pilyong ngiti.

Nakakunot ang noo ko habang tumitingin sa kanya, ngunit hindi ko talaga mabasa kung ano ang tumatakbo sa isip niya. Akmang tumalikod na ako, ngunit agad niyang hinawakan ang aking kamay at hinila papalapit sa kanya.

"Kiss.. kiss.." sigaw ng mga estudyante sa harapan ng stage. Nanlaki ang mga mata ko ng marinig ko na mas malakas pa ang sigaw ng apat kung mga traydor na kaibigan kaysa ibang estudyante. Kahit kailan pasimuno talaga ang mga ito sa lahat ng mga kalokohan.

"Ang tanong papayag kaya siya?" Agad kong siniko ang tagiliran ni Dr. Zane pagkatapos marinig ang sinabi niya. Nahagip naman kaagad ng mga mata ko ang nagbabanta na mga tingin ni sir Greg nang makita niya ang ginawa ko. Nagpapahiwatig ang mga tingin nito na wag akong gumawa ng bagay na pwedeng ikagagalit ni Dr. Zane.Lihim akong napasimangot at hinayaan si Dr. Zane sa mga kadramahan niya.

"May I know your name, please?" tanong niya sa akin."Heather Blaze." wala sa loob kong sagot."Hmmm.. nice name. Are you taken?" nakakairitang tanong naman niya ulit sa akin."Yes." Balewalang sagot ko. Nakita ko ang pagsalubong ng kanyang kilay."And who's the lucky guy?" nalilitong tiningnan ko siya sa mga mata. "Ano ang tingin niya sa event na ito, Miss Q & A tapos siya ang judge?" sa loob-loob ko.

"A crazy man." pag-aamin ko sa kanya.

"Dr. Zane, ang baliw yata sa labas na si Zed yung tinutukoy niya!" narinig kong sigaw ng isang estudyante na nakatayo sa harapan ng stage.

"Really?" ang di makapaniwalang tanong sa akin ni Dr. Zane.Hindi ko alam kung bakit parang tuwang-tuwa pa ito ng marinig na inamin kong taken na ako ng isang baliw.

"Yes." pag-aamin ko ulit sa kanya.

"Would he mind if I kiss you?'' agad na ring nagsalubong ang mga kilay ko sa huling tanong niya. " Yan kung may balak po kayong makipag kompetesya sa isang baliw sir, he would'nt mind." nakakalokong sagot ko rin sa kanya. Ngunit nagkamali pala ako sa aking sinagot dahil naging hudyat yon para tuluyan niyang gawin ang binabalak niya.

"Sure." agad niyang sagot, pagkatapos tinawid na niya ang pagitan ng mga labi naming dalawa. Sobra akong nagulat, dahil pakiramdam ko si Zed ang humalik sa akin, dahil sa paraan ng paghalik niya. Agad akong napabalik sa aking sistema ng marinig ko ang tilian ant hiyawan ng mga estudyante.

"One more, One more!" sigaw ng mga ito.

Ramdam ko ang pamumula ng aking pisngi dahil sa sobrang hiya. Gusto ko nang maghukay at ibaong ang sarili ko sa loob. Nang tiningnan ko si Dr. Zane, seryoso itong nakatingin sa akin, waring inaaral ang aking magiging reaksyon pagkatapos niyang mahalikan ang labi ko. Hindi ko alam kung bakit sa tuwing tumitingin ako sa kanyang mga mata, parang si Zed ang kasama ko. nung hinalikan niya ako, si Zed ang nasa isip ko.

"Talagang bang na mimiss ko na si Zed?" tanong ko sa aking sarili. Para akong maiiyak na umalis sa tabi ni Dr. Zane, at tumakbo patungong backstage.

Walang ibang laman ang isip ko ngayon kundi ang hanapin si Zed at amining mahal ko na rin siya.