CHAPTER TWENTY-FIVE

NAGPLANO na nga ang bawat pamilya namin para ituloy ang dapat ay noon pang engagement. Pina-delay ko lamang upang hindi matuloy dahil ayaw ko ngang matuloy.

Nakaupo kaming dalawa ng mom ko sa sofa at magkatabi habang ang dalawa na si Mister Bellevera at ang anak niyang si Ezekiel Bellevera ay magkatabi ring nakaupo at nakaharap sa amin. Nasa loob sila ng aming bahay nang umagang iyon at mukhang wala na ngang makapipigil sa engagement naming dalawa ni Bellevera.

Pasado alas nueve nang dumating silang mag-ama sa bahay para pag-usapan ang engagement namin.

Kitang-kita ko ang pagngisi ni Bellevera na pinasasabi sa akin na siya na ang nagwagi sa sandaling ito.

“Let’s start about the dress,” my mom started.

Halata sa mukha ng mom ko na gusto niyang magarbo ang engagement kahit hindi naman iyon ang wedding.

Pumalakpak ng isang beses si mom at dumating ang maid na may bitbit ng limang klase ng magazine. Inilapag niya ito sa center