Kabanata 37

Niyakap ni Yi Jinli ng mahigpit si Ling Yiran, na parang balewala sakanya ang mabahong amoy na sinabi nito, at dahil mas matangkad siya, dahan-dahan niyang ipinatong ang baba niya sa leeg nito.

Sa isip ni Yi Jinli: 'Sobra-sobra ang ginawa sayo ni Hao Yimeng ngayong araw, pero nandito na ako, okay?'

"Ate, kahit ano pang amoy mo, hindi mo kailangang umiwas sakin." Pabulong na sabi ni Yi Jinli.

"Ah.. pero..." Hindi sigurado ni Ling Yiran kung sa amoy niya ba o sa higpit ng yakap ni Yi Jinli, pero parang lalo siyang nahiya at gusto niyang kalasin ang yakap nito.

"Diba nangako tayo na aalagaan natin ang isa't-isa, kaya bakit kailangan mong umiwas? Ibig ba sabihin kapag ako rin naging mabaho, iiwasan ako ng ate ko?"

Tinamaan si Ling Yiran sa sinabi ni Yi Jinli kaya matagal bago siya nakasagot, "Oo, naiintindihan ko. Sorry, hindi ko na uulitin."

Dahil sa sagot ni Ling Yiran, abot-tenga ang ngiti ni Yi Jinli. Dahan-dahan siyang bumitaw sa pagkakayakap, at hinawakan ang kamay nito, sa