Kabanata 65

Nang maramdaman ni Avery na pababa si Elliot, nagmamadali siyang tumakbo pabalik sa kwarto niya.

Nahihirapang huminga si Rosalie at pakiramdam niya ay malalagutan siya ng hininga anumang oras, pero nang makita niya si Elliot, medyo gumaan ang pakiramdam niya.

“Elliot… Anak…”

Pinilit ni Rosalie na lumapit kay Elliot, na siya namang nagmadaling saluhin ang ang nanay niya.

“Divorce… makipag divorce ka na kay Avery Tate… Bukas na bukas… gusto kong magdivorce kayo kaagad.” Tumutulo ang luha sa mga mata ni Rosalie habang hirap na hirap siyang nagsasalita. “Patawad…Patawarin mo ako anak… Nabulagan ako… Hindi ko akalain na masamang babae pala ang ipinakasal ko sayo..”

Pinunasan ni Elliot ang luha ng nanay niya gamit ang kanyang kamay at kalmadong sumagot, “Wag niyo na pong isipin ang tungkol sa amin Avery, Ma. At wag na rin pong intindihin si Cole.”

“Pinutulan ng daliri si Cole…at sobra sobra siyang nasasaktan ngayon! Ang sabi niya, ikaw daw ang may gawin ‘nun… Pero anak alam ko