Kabanata 21

Pagkarating sa isla ay pinakiusapan ko siya na hayaan muna ako na kausapin saglit ang anak ko.

Hindi rin kami nakaligtas sa mata ng mga mangingisda na ngayon ay nag-aayos ng bangka at lambat. Mayroon ding nakadungaw sa kani-kanilang mga bintana pero hindi iyon alintana kay Aki at tuloy-tuloy pa rin sa paglalakad.

“Ate Ning, sila Nanay ho, nasaan?” tanong ko kay Ate Ning na naglilinis sa kaniyang bakuran.

“Tumungo roon sa Hagdan kanina pa, maya-maya nandito na rin sila,” sagot niya. Nagpasalamat naman ako sa kaniya at inaya si Aki na pumasok sa loob.

“Nasa kabilang barangay pa raw sila, hintayin na lang natin. May gusto ka bang kainin?” tanong ko habang pinapapagpagan ang upuan na uupuan niya.

“Nothing, I’m full,” kaprasong sagot niya.

Tumungo ako sa kwarto para magpalit ng damit dahil amoy pawis na ako kanina pa dahil sa suot kong uniporme. Habang nagbibihis ay narinig ko ang pagdating ni