Kabanata 24

Isang linggo na akong kinukumbinsi ni Aki tungkol sa pagpapalipat kina Nanay at Ali dito sa apartment na tinutuluyan ko pero paulit-ulit ko lamang itong tinatanggihan.

“Hindi nga pwede ‘yang gusto mo,” pagod na sabi ko sa kanya.

Mababakas sa mukha niya ang pagka-irita sa bawat pagtanggi ko sa gusto niyang mangyari.

Saglit kaming binalot ng katahimikan nang napagpasyahan niyang magsalita. “Talaga bang ipagkakait mo sa’kin ang anak ko?”

Mabilis ko itong binalingan ng tingin. Kitang-kita sa mga mata niya ang kaseryosohan at may kaunting bahid ng lungkot.

“Hindi sa gano’n, Aki...” nag-aalalang sambit ko. Hindi ko naman talaga intensyon na ipagdamot sa kanya si Ali pero sobra na ang gusto niyang mangyari.

“There’s a lot of chances to take away Ali from you but I never did. This is the least you can do for me, Kari. ‘Wag mo na sanang ipagdamot pa,” dama ang lungkot at pa