Chapter 16

MATINDING takot ang lumukob sa aking buong sistema nang mapagmasdan ang maamong mukha ni Philip habang nakahiga sa kama na walang malay. Nasa hospital kami ngayon at kasalukuyang sinusuri ang kalagayan niya. Nasaksak siya ng kutsilyo sa tagiliran kahapon. Pauwi na sana siya nang bigla na lang harangin ng dalawang lalaki ang kotse niya. Mabuti na lang din, hindi isinama si Sam ng mga masasamang loob na iyon.

Hanggang ngayon, iniimbestigahan pa ang totoong nangyari at kung anong motibo ng mga taong gustong pumatay kay Philip.

“Ano’ng nangyari?”

Nabaling ang paningin ko sa taong nagsalita. Hindi ko namalayan ang biglaang pagsulpot ni Cholo sa harapan ko. Lumapit siya sa gilid ng kama kung saan nakahiga si Philip. Mataman niyang pinagmasdan ang kaibigan na tila kinikilatis ang buong katawan nito. Nagtagis ang bagang niya nang mapako ang kanyang mga mata sa sugat ni Philip. Hinaplos-halpos niya ito. Mahimbing pa rin ang tulog ni Philip.

Mayamaya pa ay tumikhim ako para maagaw niya ang ate