CHAPTER 4. “D’ YOUNG DON’s BAR”

---

September 15. 7:00 PM. QC.

Nakatayo si Bella sa tapat ng D’ YOUNG DON’s BAR.

Hindi na siya yung basang-basa at nagmumukhang pulubi nung isang linggo.

Dalawang linggo siyang nag-grind. Tutor sa umaga. Sideline sa gabi. Namasukan rin siyang crew sa isang fastfood resto. Kumain ng sapat sa araw-araw upang makabawi ang katawan mula sa isang linggong pagkalugmok.

Para dito… Para sa gabing ‘to.

Isang simpleng black dress. Hapit sa katawan, kita ang mapuputing binti at balikat. Bagong bili. Hindi ganon ka mahal pero ngayon lamang siya nakapag suot ng ganoong ka sexy na damit. Pinili niya talaga ‘yon hindi para magpa-impress kay Oliver kung hindi para ipakita na mabuti ang lagay niya ngayon at hindi nag tagumpay ang mga ito na wasakin siya bagkus nakatulong pa upang lalo siyang mag pursigi.

Nakasuot rin siya ng bagong sandals. May kaunting heels. Nakaladlad ang alon alon na buhok hanggang baywang na lalong nag pa lutang sa magandang hubog ng katawan niya.

Konting lipstick at face powder lang pero lumabas agad ang tunay niyang ganda. Hindi siya sanay pero nagustuhan niya ang kabuoan ng ayos niya.

Alam niyang balak siyang ipahiya ni Andrea at Oliver kaya naman di siya papayag na ganoon nga ang mangyari.

Huminga siya ng malalim. Itinulak ang p***o.

Maingay. Maliwanag. Magkahalong amoy ng mamahaling pabango at alak.

Lahat ng batchmates niya nandun sa inupahang private suite ng bar, Naka-dress. Naka-heels. Naka-relong mamahalin. Sumisigaw ang karangyaan ng pamumuhay.

Pumasok siya.

Tumahimik saglit ang isang sulok.

"Bella?! Ikaw ba ‘yan?!"

Si Trisha, Naka silver dress, Sa tabi nito ay si Mark bahagyang naka nganga ang bibig at hinahagod ng tingin ang kabuoan niya. “Woooow bella, you look stunning as always!”

Tipid lang siyang ngumiti sa mga ito, hanggang sa namataan niya ang mainit na titig sakaniya ng dalawang taong papalapit sa gawi niya.

Nakasukbit ang kamay ni Andrea sa braso ni Oliver. Magaganda rin ang mga suot nito. Kinapa niya ang sarili kung may sakit pa siyang nararamdaman habang nakatingin sa pigura ng dalawa.

“W-wala na.. medyo okay na ako.. hindi na ganon kasakit” Saad niya sa isip.

“Ohh hi bestie!” Lumapit si Andrea at pakitang taong b****o sakanya at bumulong “Kahit anong pagpapaganda mo, nasaakin na si Oliver..”

Ngumiti si Bella. Matamis. Hindi niya maunawaan pero hindi na siya nakakaramdam ng selos kung ayun ang gustong palabasin ni Andrea. Kung tutuosin nga’y mas nasusuka’t nandidiri siya sa mga ito.

“Ah ganon ba bestie? Sige. Kung ganon ingatan mo si Oliver ha? Baka kasi mapunta pa sa iba, ang malas naman ng makakapulot.”

Pagkasabi non ay binigyan niya ng pang asar na ngiti si Andrea at nilagpasan maging ang nasa likod nitong si Oliver na malagkit ang titig sakanya.

Dumiretso siya sa ibang mga ka-klase at nakipag usap sa mga ito.

Lalong nag ngit-ngit sa galit si Andrea dahil hindi ito ang plinano niya.

Kabaligtaran ang nangyayari, nakuha ni Bella ang atensyon ng karamihan kagaya parin ng dati at hindi niya nagugustuhan iyon.

“Pwede ba Oliver stop staring Bella! Kala mo ba hindi kita napapansin mula nang dumating ang babaeng yan hindi mo na ako tinignan!”.

Siniko ni Andrea si Oliver pero hindi parin natinag ang lalaki. Pasimple parin itong sumusulyap kay Bella na masayang nakikipag kwentuhan sa iba.

Sa inis ni Andrea tumayo ito nang padabog at umalis sa tabi ni Oliver.

“Hi Bella.. Wala ka paring pinag bago, mas lalo ka pa ngang gumanda. Balita ko wala na kayo ni Oliver, so ibig sabinin pwede na akong manligaw diba?”.

Nawala ang ngiti ni Bella at napalingon sa taong nasa likuran niya. Si Jason Balderama, dating manliligaw niya pero kailanman ay di niya ito nagustuhan dahil bukod sa mayabang ang lalaki ay ubod ng babaero.

“Oo nga Bella! Pero kung ayaw mo kay Jason.. mamili ka nalang samin ni Eli.” Saad naman ni Jasper na nasa tabi ni Jason sa kaliwa. Kakaiba ang ngiti at titig sakanya.

“Stop bruh! Malay mo gusto ni Bella tatlo tayo, pwede naman…” Singit ni Eli, suot ang nakakalokong ngisi na lalong nagpa wala ng mood niya.

Hindi parin nag babago ang mga ito, lalo yatang yumabang at bastos porket mga negosyante na at magaganda ang trabaho.

Dahil dito nawalan siya ng gana, tumayo siya at inayos ang sarili. Sa isip-isip niya ay okay na siguro ang gabing ‘yon, naipakita na niyang hindi siya nag mukhang kawawa.

Para sakanya ay ayos na iyon..

“Oh san ka pupunta miss all pure.. or should i say, miss virgin?”

Hinawakan ni Jason ang braso ni Bella upang pigilin ito sa pag alis.

“Pwede ba Jason, Kung wala ka rin namang magandang sasabihin bitawan mo ako.”

Mahinahon niyang pakiusap dito, ayaw niyang umagaw ng atensyon o mag simula ng gulo.

“Okay.. okay.. bibitawan kita, malaya kang makaka alis pero inumin mo muna ito. Kung hindi mo ‘to tatanggapin ay iisipin naming hindi ka parin nakaka move-on kay Oliver.”

Ini-abot ni Jason ang isang wine glass sakanya, kilala niya ang lalaki. Hindi siya nito titigilan.

Inisip niyang hindi naman siya agad malalasing sa isang lagok lang.

Kinuha niya sa kamay nito ang alak at sinimsim iyon ng mabilis. Hindi niya nagustuhan ang lasa pero tiniis niyang ubusin para makaalis na siya sa lugar.

“Yowwn! Alright! Verygood naman pala si miss virgin eh!”

Hiyaw ni Jason at nagtawanan pa ang mga kasama nito, na parang nagbubunyi sa pag payag niyang inumin ang alak.

“Siguro naman pwede na akong umalis?”

Seryoso niyang tinitigan si Jason.

Ikinumpas nito ang kamay na parang pinadadaan na siya, tumabi rin sa gilid sina Eli at Jasper upang tuluyan siyang makadaan.

Nagmartsa siya paalis, at malaya siyang nakalabas sa private suite.

Hindi pa man siya tuluyang nakaka layo sa suite ay nakaramdam kaagad siya ng hilo. Parang ambigat ng ulo at mata niya. Hindi niya maunawaan pero sobrang init ng katawan niya.

Napahinto siya sa paglalakad ng makita ang CR. Pumasok siya doon at nag hilamos.

“Anong nangyayare sakin? H-hindi ako gaanong makahinga..”

Bulong niya sa sarili habang hawak ang dibdib. Humakbang siya at kumapit sa pader pero may pwersahang humablot sa bewang niya.

“Oh bakit Bella? Tumalab ba agad yung drugs na nilagay ko sa inumin mo?.”

Nilingon niya ang lalaki. Si Jason, kasama parin si Eli at Jasper. Pawang mga naka ngisi at halatang may hindi magandang gagawin.

“A-ano? Anong niligay mo sa alak? B-bitiwan mo ako..”

Gamit ang buong lakas na natitira ay nagpupumilit siyang itulak ang lalaki.

“Huwag ka nang magpakipot Bella! Kaya ka iniwan ni Oliver kase sobrang pakipot ka!”

Nagtawan ang mga ito at hinawakan ang mag kabilang kamay niya upang siguraduhing hindi na siya makakalaban pa.

“A-nong ginagawa nyo.. B-bitaw.. b-bitawan niyo ako..”

Mahinang tutol niya, sobrang nahihilo na siya at nawawalan na rin ng lakas. Gusto niyang sumigaw ngunit may isang palad na nakatakip sa bibig niya.

Tumunog ang damit niya dahil sa pag punit na ginawa ni Jason. Halos makita na ang kabuoan ng dibdib niya.

Dama niya ang pag agos ng luha sa mga mata niya habang patuloy na pumipiglas sa mahihigpit na hawak ng mga lalaki.

“Tulong..” saad niya sa isip.

Nararamdaman niya ang pag umpisa ni Jason na halikan ang leeg niya, nadidinig niya rin ang tawanan ng mga ito.

Unti-unti ay nawawalan na siya ng ulirat sa mga nangyayari.

“Diyos ko.. tulungan mo po ako..”

Ipinikit niya ang mga mata kasabay ng mga luha, sa huling lakas, naramdaman niya na wala na siyang magagawa.

Hanggang sa…

"GET THOSE FUCKING HANDS OFF HER!"