Kabanata 6

MAKALIPAS lang ang mahigit treinta minuto ay naisalang na si Purisima sa investigation rights sa ilalim ng kamay ng awtoridad. Mukhang seryosong kaso nga ang inaakusa sa kanya ng lalaking iyon. Ngayon nagsisisi na siya kung bakit nagawa pa niyang pagpantasyahan ang damuhong iyon kanina.

Ito lang pala ang sisira sa araw niya.

“Ano nga kasi sa ‘HINDI AKIN ANG LITRATONG IYON’ ang hindi ninyo maintindihan? Jusko! Nakapag-aral ba talaga kayo o talagang ang cu-cute lang ng utak ninyo?” Namimilipit na sa galit at himutok si Purisima.

Kung hindi lang siya nakaposas sa likuran ay malamang kanina pa niya tinampal ang mga mukha ng dalawang parak na hindi sumusuko hanggang sa may mapigang impormasyon mula sa kanya.

“Miss, umamin ka na lang kung saan mo nakuha ang litratong iyon o kung sino man ang nag-utos sa’yo na subaybayan ang bawat kilos ni Sir Dirus. Huwag na nating pahabain ‘to dahil nakakainip na rin.” Sinadyang ilapit ng pulis ang mukha kay Purisima.

Again, he was obviously attracted to her beauty.

“Pambihira naman, oo. E kung iyong paborito kong teleserye hindi ko nga masubaybayan gabi-gabi, paano pa kaya iyong taong hindi ko kilala? Shunga ka ba?”

“Ikanta mo na nga lang kung sino ang nag-utos sa’yo. Sabihin mo, may kinalaman ka ba sa pagwasak ng limang kotse ni Sir Dirus pati iyong panloloob sa bahay niya last week?”

Tila nakalimutan na ni Purisima ang salitang pasyensya at timpi dahil sa ginagawa sa kanya ng mga ito.

“Wala akong dapat na ikanta dahil bukod sa sintunado ako ay Lupang Hinirang lang din ang alam ko. Tsaka, wow ha? Heavy! Ang bigat naman ng paratang na iyan. Bakit ko naman wawasakin ang kotse ng ibang tao? FYI, nasa tamang ayos pa po ang utak ko. Hindi ako baliw para gawin iyong mga bagay na inaakusa ninyo sa akin.”

“E bakit nasa iyo nga iyong mga litratong iyan? Sino ang nagbigay sa’yo ng mga ito?” Nagpapanting na ang tenga ni Purisima sa paulit-ulit na katanungang iyon.

Ramdam na niya na malapit na siyang mamaos dahil ilang minuto na ba siyang walang humpay na nakikipagsagutan sa mga awtoridad.

“Abutin man tayo ng siyam-siyam dito o otso–otso pero wala talaga kayong makukuhang impormasyon sa akin dahil wala naman talaga akong alam sa mga ipinaparatang ninyo sa akin. I’m innocent.”

Napangisi naman sa kanya ang dalawang pulis. Iyong klase ng ngisi na may masamang binabalak. Kaya naman niyang manlaban kaso lang ay ang palda niya ang magiging kawawa. Nag-iisa lang kasi iyon na corporate attire niya.

Napalunok siya nang muling lumapit sa likuran niya ang isa sa mga ito at marahang hinawi ang buhok niya papunta sa kanyang likuran.

“H—hoy, mamang pulis, hindi na kasama sa investigation rights iyang ginagawa mo. Harassment na iyan.” Fear suddenly invaded her confidence.

“Miss, ang daldal mo.” The agent, who she thought is in his early thirties, murmured under her earlobe. Quickly, she bowed her head over para ilayo ang mukha niya sa agent.

“At ang bastos mo.” Her instinct provoked her to beat the agent up using her head. What they don't know is that she had quite some knowledge in judo.

Martial artist kasi ang tatay ng bestfriend niya noon kaya naturuan siya nito noong kabataan niya. At nagagamit niya ang kaalamang iyon kapag nasa ganitong alanganing sitwasyon siya. Kung ano man ang kahihinatnan ng skirt niya, pagbabayaran talaga iyon ng lalaking iyon.

Kaagad na nakabawi ang agent sa ginawa niya at mabilis siya nitong inipit sa mga braso nito. Kahit nakaposas ay nagawa niyang patumbahin ang dalawang agent gamit lang ang kanyang mga paa. Hindi niya ugali na magsuot ng cycling shorts kaya limitado lang ang atake niya. Mahirap na baka maglakad siyang naka–panty na lang mamaya pauwi.

Gulat naman ang anyo ni Dirus nang madatnan nitong bagsak na sa sahig ang mga nakabantay sa loob.

Ito iyong guwapong lalaking nagpadala sa kanya rito sa kulungan. Pipitpitin niya talaga ang bungo nito oras na makawala siya sa posas na iyon. Kababae niyang tao, ipapaposas talaga siya nito? Walanghiya! Halang ang bituka ng guwapong lalaking ito. Sana mausog niya para mas pagkakataon siyang malawayan ito.

Anak ng putakti! Bakit naiisip pa niya ang bagay na iyon sa kabila ng kanyang sitwasyon?

“What the hell happened in here?” Gawa sa magkahalong gulat at pagkadismaya ang timbre nito sa nadatnan.

Purisima swallowed hard when the man's dark night eyes looked at her intensely darker. They were accusing.

Prente na ngayon siyang nakaupo sa silyang gawa sa metal at hindi pinansin ang lalaking pumasok.

Wala itong maririnig ni ho at ha mula sa kanya. Ha!

Manigas ka!

HIRAP na tumayo ang dalawang agent dahil matindi ang tinamo nitong sakit sa mga sipa’t tadyak na ginawa sa kanila ni Purisima Cruzado.

She's so impossible, anang isip ni Dirus.

“Sir, ikukulong na po ba namin ang babaeng ito?” Unang naka-recover iyong isa at nilapitan si Dirus na ngayo’y mataman lang na nakatingin sa likuran ni Purisima. Partikular sa makinis na mga hita ng dalaga na lantad na dahil sa pagkapunit ng slit ng palda nito. Kunting galaw na lang at makikitaan na ito ng undies.

Fuck! mura ni Dirus dahil nag-iinit na naman siya sa tanawing iyon. Gumalaw na lang kaya ito nang kaunti nang sa ganoon ay maibsan ang paghihirap niya.

“Not yet. Iwan niyo muna kami. I will talk to her by myself.” Dirus ordered at naiwan na silang dalawa ni Purisima sa silid.