Chapter 4

Renrem's Pov

4:10 pm na at pauwi na ako. Pinuntahan ko kasi si Mika dahil 8th monthsary namin ngayon at nag- celebrate kami. Nagpunta lang kami sa isang amusement park para magsaya at sumakay sa mga rides. Kumain rin kami sa mall at syempre after nun hindi mawawala kung ano man 'yang iniisip niyo hahaha.

Biglang tumunog ang cellphone ko na nasa bulsa ko, kaya agad ko itong kinuha para sagutin ang tawag.

"Hello!" Sagot ko sa tawag.

"Hello, hindi kana nagpaparamdam sa'kin. Magtatampo na ako."

Shitt si Jane!

"Naging busy lang ako sa trabaho," palusot ko.

Naku naman umiiwas na nga ako eh. Tapos hinahabol pa rin ako, tsk!

"Miss na kita. Kailan mo ba ako pupuntahan?" tanong nito sa mapang- akit na tono.

Tukso please layuan mo na ako, please!

"Busy lang ta--"

Hindi ko na natapos ang sasabihin ko dahil namatay bigla ang phone ko, lowbat.

Hayss save!

Binaba ko ang phone ko at nagpatuloy sa pagda- drive.

So nandito na rin tayo, kwento ko na kung sino si Jane. Siya lang naman yung niligawan ko for almost 5 years pero hindi naman ako sinagot bagkus iba ang sinasagot niya. Oh 'di ba nagpaka tanga ako at nabaliw sa loob ng limang taon. Nag ubos din ako ng pera sa kaniya. Buti nalang nakilala ko si Mika, siya yung nagpabago ng lahat sa akin. Pinaramdam niya sa akin kung paano mahalin, alagaan, pahalagahan. Mika really appreciate small and simple things na hindi kayang gawin ni Jane sa akin. Even I and Mika have a 5 years age gap, tinanggap niya ako ng buo at hindi niya ako iniwan kahit na ilang beses ko na siyang nasasaktan at napapa iyak.

Kaya nung naging kami ni Mika ay habol na ng habol sa akin si Jane. Siya rin ang dahilan ng mga selos at away namin ni Mika. Pero sobrang layo sa akin ni Mika kaya nadadala ako sa tukso, dati nakaka iwas ako dahil abot kamay ko lang si Mika, pero kasi ngayon sobrang komplikado na.

"Hayyys Mika." Wala sa sarili kong sambit.

Habang busy ako kakaisip sa mga nangyare kanina at kasama ko si Mika, napansin ko na malapit na pala ako sa daanan papunta sa kanila. Nakita ko na nasa labas ng bahay ang papa at kapatid niyang bunso na nakaupo. Nang medyo malapit na ako ay bigla silang tumayo at hindi nila namamalayan ang isang SUV na padating mula sa likuran nila. Nagpatuloy sila sa paglalakad kaya mas binilisan ko ang andar ng sasakyan ko para maunahan ang SUV at maharangan ang papa ni Mika at kapatid niya.

Nang makalapit na ako ay pinikit ko nalang ang mata ko tyaka humarang sa SUV. Isang malakas na dagungdung ang bumalot sa lugar, sandali akong nawalan ng malay at nagising na lamang sa malakas na sigawan at pagtawag sa pangalan ko.

"Na-iligtas k-ko ba si-la?" Wala sa sarili kong tanong.

Napatingin ako sa katabi kong bintana at nakita ko doon ang papa ni Mika na tila kinakatok ang bintana ng kotse ko. Hindi ako makasagot dahil sa sakit na nararamdaman ko, naramdaman ko na din ang likido na tumutulo mula sa noo ko. Tumingin ulit ako sa papa ni Mika na patuloy pa rin sa pagkatok sa pinto ng kotse ko. Ramdam ko na din ang pagdami ng tao sa ilang segundo palang. Bumangga pala ang kotse ko sa isang malaking puno pagkatapos akong banggain ng SUV, ang SUV naman ay nakaharang na sa kalsada.

Unti- unting bumibigat ang pakiramdam ko at pumipikit ang mga mata ko. Lumalabo na rin ang paningin ko, nakita kong basag na ang bintana ng kotse ko na nasa tapat ko at nilalabas na nila ako. At ang lahat ay tila dumilim na.