Chapter 32

Simula ng makilala ni Nathalie ang kanyang tunay na ama ay hindi na niya nagawa pang lumabas sa kanyang silid. Galit siya at hindi niya matanggap na ganito ang ginagawa sa kanya ng sarili niyang ama. Ang buong akala niya ang mabuti itong tao. Pero nilinlang lamang siya. At ngayon ay mukhang nililinlang rin nito ang kanyang asawa.

Kasalukuyan siyang umiiyak ngayon dahil sa nakikita niya. Kasama ng kanyang asawa ang babaeng kamukha niya. Ang babaeng impostor, talagang kamukha niya ito at halos wala silang pinagkaiba.

"Honey, hindi ako 'yan. Sana maramdaman mong hindi ako 'yan." Umiiyak na kausap ni Nathalie habang nakatingin sa screen ng tv.

"Senyorita, kumain na ho kayo?" Saad sa kanya ng isang katulong na may dala-dalang tray.

"Hindi po ako nagugutom." Walang ganang sagot ni Nathalie at pinunasan ang mga luha niya.

"Pero hindi pa po kayo kumakain buong araw."

"Please po, gusto kong mapag-isa. Hayaan niyo po ako." Pakiusap niya sa babae.

Kaagad namang lumabas ang kanilang katulong at na