Book 3: Chapter 41-Pang-aakit

"Pumasok ka na sa loob at suyuin ang asawa mo. Pero dito kayo matutulog at gusto kong makasama din ang apo ko."

"Maraming salamat po sa unawa, lolo." Nauna pang humakbang si Zion at pumasok sa loob ng bahay.

Nang makita ni Alexa ang asawa ay patalon siyang bumaba ng upuan na mataas ang mga paa. "Babe, paano mo nalamang nandito ako?"

"Bakit ka umalis ng kompanya at iniwan mo pa ang bag sa opisina ko, kasama ang cellphone mo?" Himig galit na tanong ni Zion sa asawa.

"Hindi ko alam kung saan na ang daan pabalik sa opisina mo mula sa exclusive room. Tapos paglabas ko ng pintuan ay may lalaki pang sumalubong sa akin at galit."

"Wait, pag-aari mo ang kompanya kung saan napasok ang mga apo ko?" gulat na tanong ni Simon sa binata.

Nanlaki ang mga mata ni Alexa, ayaw niyang may ibang makakaalam lalo na ang pamilya niya. Hindi sa ikinahihiya niya o ano paman. Baka kasi samantalahin ang kabaitan ng asawa niya. Kilala niya ang abuelo, hindi lang basta negosyante ang nasa utak nito.

"Ahm, o—"

"Ana