Nanghihinang nakahiga si Stella sa hospital bed. Hindi pumayag ang doctor na hindi siya ma-confine dahil delikado ang kalagayan niya.
"Hija, hindi mo ba tatawagan ang asawa mo upang may magbabantay sa iyo?" untag ng doctor na babae kay Stella.Pilit na ngumiti si Stella sa doctor, "na text ko na po."Nakangiting tumango ang doctor sa dalaga. Nakaramdam ito ng awa sa bagong pasyente at halatang hindi naalagaan ang katawan.Napabuntonghininga si Stella nang wala na ang doctor. Muli niyang hinaplos ang impis na tiyan at kahit papaano napangiti siya. Sa wakas, magkakaroon na sila ng anak ng asawa. Magkaroon na ng dahilan upang mahalin siya ng asawa at mabuo na ang pamilya nila.Mabuti at naagapan ang ipinagbubuntis niya. Hindi niya alam na five weeks pregnant na pala siya. Ang kailangan niya ngayon ay ibayong pag-iingat upang hindi mahulog ang anak na nasa sinapupunan na niya."Ipapaalam ko na po ba—"Mabilis na nilingon ni Stella ang lalaking kanina pa niya kasama at umiling. "Maari ka nang umalis, tatawagan kita kapag kailangan ko ang tulong mo."Nagyuko ng ulo ang lalaking kahit may edad na ay matikas pa rin. Agad na sumunod sa utos ng dalaga at tahimik na nilisan ang silid.Muling napangiti si Stella nang mapag-isa na lang sa silid. Kinuha ang cellphone na nakapatong sa maliit na lamesa at tiningnan kung may reply ang asawa. Ngunit sa halip na message mula sa asawa, ang nag message sa kaniya ay si Sophie. Mabilis na nabura ang ngiti sa labi niya nang mabasa ang message."Huwag mo nang abalahin ang kapatid ko dahil dumating ang pinakamamahal niyang babae. Mas mahalaga si Elizabeth kaysa buhay mo."Napahigpit ang hawak niya sa cellphone matapos mabasa ang message ni Sophie. Talagang masukista siya sa sariling damdamin at binuksan pa niya ang video clip na kalakip ng message ng hipag.Kusang tumulo ang luha sa mga mata habang pinapanood ang video. Mapait siyang napangiti nang makitang ngumiti si Charles sa babae nito. Kung kaharap niya lang ang babae ay tiyak na nahila niya ang buhok nito. Napahagulhol na siya ng iyak nang hinalikan nito sa labi si Charles at hindi manlang umiwas ang asawa niya. Ang sakit, hindi lang ang puso niya kundi pati ang tiyan niya. Mukhang ramdam ng anak niya ang sakit na nadarama ng kaniyang puso.Putol ang video sa tagpong hinalikan ni Elizabeth ang asawa niya. Kilala niya ang babae, ito ang ingawan niya noong pakasalan siya ni Charles. Nagmakaawa pa ito sa kaniya noon na huwag nang sundin ang utos ng abuelo ni Charles. Ngunit mahal niya ang binata kaya natuloy ang kasal.Ang akala niya ay nakuha na niya ang loob ni Charles sa loob ng tatlong taon na pagsasama nila nito. Nagtiis siya at nagpakumbaba para lang mahalin siya nito. Nang magawa siyang angkinin ay sobrang saya niya noon kahit lasing ito. Naulit pa ng ilang beses pero pinaiinum siya ng gamot upang hindi mabuntis."Kaya ba madalas ay hindi na siya umuuwi ng bahay?" umiiyak na tanong niya sa sarili.May isang buwan nang nabalitaan niyang nakabalik na ng bansa si Elizabeth. Ang akala niya ay nagawan ng paraan ng Don na hindi na muli makabalik ng bansa ang babae. Ngunit nakabalik ito at sa tulong tiyak ni Charles. Sa takot niyang manlamig na sa kaniya ang asawa nitong mga nakaraang buwan ay palihim niyang tinatapon ang pills."Anak, patawarin mo ang mommy. Nabuo ka dahil sa panlilinlang ko. Patawad at mukhang hindi na kita mabigyan ng buo na pamilya." Hinaplos niya ang sariling tiyan at hinayaan ang masaganang luhang dumaloy sa makinis niyang pisngi.Isa pang buntonghininga ang ginawa niya at pilit na pinakalma ang sarili. Ayaw niyang pati ang anak ay mawala sa kaniya. Ngumiti siya para sa anak. Bawal siya ma stress kaya kailangan niyang magpakahinahon. Ipinangako sa sarili na huling luha na niya ito para sa asawa. Ngayong may buhay na kailangan niyang pangalagaan, kailangan niyang pairalin ang utak ngayon at hindi ang puso.....Babe, obvious na pinagtataksilan ka ni Stella. Marahil ay nabalitaan na niyang bumalik ako kaya naghanap agad siya ng lalaking sasalo sa kaniya mula sa kahirapan!"Madilim ang anyo habang pinakatitigan ni Charles ang larawang kuha ng katulong mula sa labas ng kanilang bahay. Naka side view ang asawa niya sa larawan at inaalalayan ito ng lalaki papasok sa magarang sasakyan."I told you, kuya, mukhang pera ang babaing iyan. Nakahanap agad siya ng matandang lalaki at mapera." Inis na humalukipkip si Sophie sa harapan ng kapatid.Blanko ang mukha na tumayo si Charles at tinalikuran ang tatlo. "Gabi na, magpahinga na kayo."Mabilis na hinawakan ni Magda sa braso si Sophie upang pigilan na sa pagsunod sa kapatid nito. "Tama na, hija. Hayaan muna nating makapag-isip ang kapatid mo."Nakasimangot na naipadyak ni Sophie ang isang paa dahil sa inis. Hindi siya kuntinto sa nakikitang reaction ng kapatid sa larawan.Tumayo na rin si Elizabeth at hinarap ang kaibigan. "Kilala niyo ba kung sino ang lalaking nasa larawan?"Sandaling natigilan si Magda at ngayon lang din naisip ang tanong ni Elizabeth. Pinakatitigan niya ang larawan. Hindi biro ang presyo ng sasakyang sumundo kay Stella. Pinagmasdan niya ang mukha ng lalaki. Nakasuot ito ng tuxedo at mukhang kagalang-galang pero hindi pamilyar sa kaniya ang mukha nito."Mom, isa ba siya sa inutusan mo upang sirain sa mga mata ni Kuya ang babaing iyon?" tanong ni Sophie sa madrasta."Hindi ko siya kilala. Wala akong alam na may kamag anak din siyang mayaman kaya hindi ko alam kung sino ang lalaking iyan.""Never mind, huwag na po natin pag-aksayahang isipin kung sino ang tumulong sa kaniya. Ang importante ay napaniwala natin si Charles na may lalaki ng iba si Stella." Ngumiti si Elizabeth sa dalawa."Tama! Ang kailangan nating gawin ngayon ay siguraduhing wala nang awang maramdaman si Kuya para sa babaing iyon!" Inakbayan ni Sophie ang kaibigan at inakay na ito patungong silid na para dito.Sa hospital, tulalang nakatitig lang si Stella sa kisame. Nagninilay sa kung ano na ang gagawin sa buhay. Iniisip pa lang na mamuhay na malayo sa asawa ay naiiyak na siya. Pakiramdam niya ay umiiyak na rin pati ang puso."Kapag nalaman niyang buntis ako, tiyak na pipiliin niya ako," kausap niyang muli sa sarili. Naalala niyang mahalaga sa pamilya nito ang anak."Tama, hindi niya hahayaang magkaroon ng bastardong anak kaya mapilitan siyang manatili sa tabi ko!" siya na rin ang sumagot sa sarili at napangiti.Unti-unting pumikit ang mga mata na may ngiti sa mga labi. Kinalimutan na muna ni Stella ang unang pangako sa sarili kanina. Gusto niyang maging masaya ang anak paglaki nito at buo ang kanilang pamilya.Hindi alam ni Stella kung ilang oras siyang nakatulog. Nagising na lang siya na maliwanag na ang paligid. Pagtingin niya sa cellphone ay naka off iyon. Pa empty na ang battery niyon kagabi at wala siyang dalang charger."Good morning, kumusta ang pakiramdam mo?" bati ng doctor pagkapasok ng silid.Ngumiti si Stella sa bata pang doctor. Mabait ito sa kaniya pero hindi nagbibigay ng buong information niya rito. "Maayos na po, doc, puwede na po ba akong lumabas?"Sinuri muna ng doctor ang pulso ng dalaga pati ang dextrose nito. Paubos na iyon at maayos na rin ang heartbeat ng pasyente at bata na nasa sinapupunan nito."Resitahan kita ng gamot na pampakapit sa bata at vitamins. Sundin mo ang mga bilin ko at kailangan mong bumalik dito next week.""Opo, maraming salamat po!""Wala pa rin ang asawa mo?" Inilibot ng doctor ang tingin sa paligid.Pilit na ngumiti si Stella sa doctor, "parating na po siya at susunduin niya ako. Maraming salamat po muli."Sandaling napatitig ang doctor sa dalaga bago ngumiti. "Alalahanin mong bawal kang ma stress. If you need someone to talk, maari mo akong lapitan."Pinigilan ni Stella ang mapaluha at nakangiting tumango sa manggagamot. Alam niyang totoo ang concern nito sa kaniya kahit hindi naman sila close at kahapon lang nagkakilala."Iwasan mo ang maging emotional lalo na ang malungkot dahil nararamdaman iyan ng anak mo."Marami pang sinabi ang manggagamot at payo sa kaniya na kaniya namang tinandaan. Pati ang maging mabuting ina ay itinuro rin sa kaniya. Mukhang ramdam nitong hindi maganda ang relasyon niya sa asawa.Mabagal ang bawat hakbang na lumabas siya ng gusali ng hospital. Nilanghap ang hangin at isang buntonghininga ang pinakawalan sa bibig bago pumara ng taxi. Nagpahatid siya sa bahay nilang mag-asawa at umaasang maayos na ang relasyon nila ni Charles. Pagkapasok niya ng bahay ay si Magda ang sumalubong sa kaniya. Mukhang doon natulog ang mga ito at hindi niya nagustohan ang tingin nito sa kaniya."Saan ka galing? Ang kapal ng mukha mo at nagawa mo pang magpakita rito matapos mong matulog sa labas kasama ang bago mong lalaki!""Magdahan-dahan po kayo sa pananalita at wala akong ibang lalaki." Pilit siyang nagpakahinahon at iniisip ang anak."Deny mo pa rin kahit may ebedensya na?" nang-uuyam na segunda ni Sophie.Lumingon si Stella sa sala kung saan nakatayo ang hipag. Saka niya lang napansin ang asawa na nakaupo sa sofa. Agad na bumalatay ang sakit sa kaniyang mukha nang makita ang babaing katabi nito. Kung ganoon ay doon din natulog ang babae. Malinaw na sa kaniya ngayon na wala talaga siyang halaha sa asawa kahit nalaman nitong nasa hospital siya. Parang bigla siyang nanghina at hindi magawang ihakbang ang mga paa. Maging ang pagbuka ng bibig ay hindi niya rin magawa.Napatikhim ang abogado na naroon nang mapansin ang aura sa mukha ni Stella. Bigla siyang naawa rito pero wala siyang magawa. Wala ang abuelo ni Charles at nasa ibang bansa dahil doon nagpapagamot. Alam ng lahat na naikasal ang dalawa dahil sa hiling ng abuelo ni Charles na may sakit. Ang akala nga nila ay mamatay na ang matanda noon. Pero nadugtungan pa kahit papaano ang buhay nito at pumayag na magpagamot sa ibang bansa nang maikasal ang dalawa.Madilim ang aura ng mukha ni Charles habang nakatitig sa mukha ni Stella. "Kung kailangan mo talaga ng pera ay dapat nagsabi ka. Hindi mo manlang hinintay na makapirma ng divorce paper bago humanap ng ibang maperang lalaki."Daig pa ni Stella ang sinasak sa puso dahil sa mga paratang ni Charles. Alam niyang mukhang pera ang tingin nito sa kaniya pero nasaktan pa rin siya ngayon dahil iyon ang tingin sa kaniya."Total ay nagmamadali ka rin lang sa paghahanap ng ibang lalaking mas mapera kaya tapusin na natin ang ugnayan sa pagitan nagting dalawa ngayon araw ding ito."Sabay na napangiti sina Sophie at Magda habang hinihintay matapos sa pagsasalita ni Charles. Si Elizabeth ay pinigilan ang pagngiti at nagbubunyi ang kalooban.Pakiramdam ni Stella ay dinudurog na ang puso niya. Kahit anong pagmamatigas ng puso niya ay alam niyang bumalatay pa rin ang lungkot sa kaniyang mga mata."Bumalik na rin si Elizabeth kaya kailangan na nating mag-divorce." Iniwas ni Charles ang tingin sa mga mata ni Stella at parang dinadaya na naman siya ng sariling paningin. Tumayo siya at sininyasan ang abogado.Tumayo si Daniel at lumapit kay Stella na mukhang natuod na sa kinatayuan. "Ms. Stella, ito po ang kailangan niyong pirmahan. Huwag kayong mag-alala at kapalit ng divorce paper na ito ay ang halagang limang milyon at ang bahay na ito upang hindi kayo maghihirap sa buhay."Tulalang napatitig si Stella sa papel na inaabot sa kaniya ng abogado. Dalawa iyon at ang isa ay para sa makukuha niyang pera at bahay. Sa halip na mapaiyak ay napangiti siya. Natawa siya dahil sa sinapit ng kaniyang buhay ngayon. Marahil ay isipin ng nakatingin sa kaniya ngayon na natuwa siya sa maaring makuha. Pero lintik lang, talagang nasasaktan siya at dinadaan na lang niya sa tawa. Pag-angat niya ng mukha ay nagsalubong ang tingin nila ni Charles. Muli siyang napangiti, ang guwapo pa rin nito kahit malamig ang tingin sa kaniya. Gusto niyang ipakita rito sa huling paghaharap nila na masaya siya para dito. Masaya siya dahil maging masaya na ito sa piling ng babaing totoong mahal nito.Napalunok si Stella ng sariling laway at parang biglang nanuyo iyon bago tuwid na tumingin muli kay Charles. "Gusto ko lang malaman kung nagkaroon ba ako ng puwang diyan sa puso mo kahit kaunti lang?"Blangko ang tinging ipinukol ng binata kay Stella. "Alam mong pinakasalan lamang kita dahil sa abuelo ko. Kunin mo ang perang habol mo sa akin kaya mo ako pinakasalan kapalit ng kalayaan ko.Pilit na sinupil ni Stella ang paghulma ng mapait na ngiti sa kaniyang labi. Hindi niya masisi ang asawa kung iyon ang nasa isip hanggang ngayon. Wala siyang maidahilan noong tinanong siya kung bakit gusto niyang magpakasal dito. Naidahilan niya ay noon pa niya pangarap makapag-asawa ng mayaman. Isa pa ay kahit hindi iyon ang isagot niya noon ay talagang mukhang pera ang tingin nito sa kaniya. Pero sobra siyang nasasaktan ngayon dahil hindi manlang siya nagawang mahalin ni Charles sa loob ng tatlong taon nilang pagsasama. Mahinang buntonghininga ang pinakawalan niya at marahang tumango sa asawa."Kun
"Babe, good morning!" Masiglang bati ni Elizabeth sa binata nang maabutan ito sa kusina at nagkakape.Nangunot ang noo ni Charles nang makita ang dating nobya. Inilibot niya ang tingin sa paligid at mukhang namali ng bahay na tinulugan."Dito na ako natulog kagabi kasama si Sophie. Ayaw mong magpa isturbo kaya hindi ko na naipaalam." Ngumiti siya sa binata habang nagpapaliwanag."Have a sit."Mabilis na tumalima si Elizabeth at umupo sa tabi ng binata. Ngayong wala na si Stella, siya na ang makasalo ng binata sa hapagkainan simula sa araw na ito. Walang mapagsidlan ng tuwa ang puso niya dahil ramdam niyang muli na kaniya na si Charles. "Marimar, gisingin mo na rin si Stella upang makapag almusal."Hindi naituloy ni Elizabeth ang pagdampot sa tinidor at hindi makapaniwalang napatitig kay Charles."Sir, mula nang umalis kahapon si Ma'am Stella ay hindi na siya bumalik." Nag-aalinlangang sagot ng katulong. Kahit hindi maayos ang pagsasama ng dalawa ay hindi maaring hindi sabayan ito sa
"Wala pa rin bang balita?" naiinip na tanong ni Charles kay Roy."Sorry, sir, lahat ng hotel maging small apartments ay pinatingnan ko na pero wala siya roon."Galit na binitawan ni Charles ang hawak na pen at masama ang tinging ipinukol sa tauhan. "Wala na ba kayong ibang paraan upang mahanap siya at maibalik sa bahay?"Napayuko ng ulo si Roy, kapag ganoong tumaas na ang timbri ng boses ng binata ay nawalan na ito ng pasensya. Gusto nitong ibalik sa bahay na ibinigay nito ang dating asawa bago pa dumating ang abuelo nito."Get out!" muli niyang bulyaw sa tauhan nang wala na itong maisagot na tama sa kaniya.Ilang araw na rin ang lumipas at hindi niya makuntak si Stella. Ang ikinagagalit niya ay kinuha lang nito ang pera pero hindi sinunod ang isa sa kasunduan na nasa kasulatan. Nakalakip doon na kailangan pa rin nitong magpakita sa abuelo niya at tulungan siyang makumbimsi ang matanda na naghiwalay sila ng maayos. Na walang third wheel namagitan kaya nakipag divorce siya.Nahulog sa
"Ngayong malakas ka na, ano ang balak mong gawin?" tanong ni Lauro sa anak.Nakangiting hinaplos muna ni Stella ang maliit na pisngi ng anak bago nilingon ang ama. "Sa ibang bansa po muna kami. Saka na ako babalik pagdating ng takdang napagkasunduan."Napatitig si Lauro sa mukha ng apo. Ang guwapo ng bata at matangos ang ilong. Mukhang wala manlang nakuha mula sa dugo nila. Ayaw pa rin ng anak na ipaalam sa abuelo nito kung sino ang una nitong naging asawa. At siya ay nanatiling tikom ang bibig at hindi pinapangunahan ang anak. Mahal niya ang kaisa-isa niyang anak kaya lahat ng gusto ay ibinigay niya. Ang isa lang pagkakamali ay hinayan itong mamuhay mag-isa noon. Huli na nang malaman niyang nagpakasal ito sa isang lalaki at hindi naman ito mahal."Ipaayos ko na ang papelis niyong mag-ina.""Salamat, dad! Puwede mo po kaming dalawin doon madalas."Nakangiting tumango si Lauro bago hinalikan sa noo ang natutulog na apo. Masaya na siya para sa anak dahil may makasama na ito hanggang sa
Napaiyak si Stella nang makatanggap ng balita mula sa Pilipinas. Nanghihinang napaupo siya sa sofa at dahan-dahang binalingan ng tingin ang abuelo."Ano ang nangyari at sino ang kausap mo?" tanong ni Fausto sa apo.Lalong napaiyak si Stella at halos hindi maibuka ang bibig. Ilang ulit na bumuka ang bibig ngunit walang salitang lumalabas."Stella, tell me what happened?" Sinigawan na ni Fausto ang apo at kinakabahan sa nakikitang pagluha nito."Lo-lolo, si Daddy..."Napatiim bagang si Fausto at unting-unting bumagsak ang mga balikat. Umiling-iling siya habang hindi hinihiwalaya ang tingin sa umiiyak na apo."Wala na po si Daddy, lolo!" Napahagulhol na siya ng iyak at nanghihinang bumalik sa kinaupuan.Mabilis na nilapitan ni Fausto ang apo at niyakap ito ng mahigpit. Biglang namanhid ang puso niya at hindi magawang lumuha."Lolo, ano na po ang gagawin ko ngayong wala na si Daddy? Bakit po nagkaganito? Kanina lang ay kausap ko pa siya at papunta na siya rito." Pati balikat niya ay yumug
Excited na nagkita sa isang shop ng mga branded na damit sina Elizabeth at Sophie. Kinalimutan muna nila ang tungkol sa paghahanap kay Stella. Inuuna nila ngayon ay ang pagbili ng magandang damit para sa event na dadalohan sa sunod na lingo."Sa tingin mo, maging kaibigan natin siya?" tanong ni Sophie sa kaibigan. "Of course, sa ganda nating ito? Kapag naging kaibigan natin siya ay tiyak na marami lalo ang mainggit sa atin." Liyad ang dibdib at kumindat si Elizabeth sa kaibigan. Halos ang nasa pahayagan ngayon ay ang tungkol sa apo ng isang pinakamayang negosyante, hindi lang sa kanilang bansa kundi sa labas din. Nasa balita rin na namimili ng kaibigan ang babae at masungit. Natigilan si Stella sa pagpili ng dress nang marinig ang dalawang babaing nag-uusap. Alam niyang siya ang pinag-uusapan ng mga ito. Pamilyar sa kaniya ang boses ng dalawa kaya nakinig pa siya sa mga ito. Kababalik niya lang ng Pinas pero walang ibang nakakaalam maliban sa kaniyang abuelo."Miss, bibili po ba k
Unang tingin pa lang ay alam agad ng manager na maling tao ang nahusgahan ng kaniyang staff. Galit na tingin ang ipinukol niya sa tauhan bago lumapit sa babaing simple lang manamit. "Ma'am, pasensya na po sa ginawa ng staff ko."Lalong nagulat sina Sophie at Elizabeth dahil sa ginagawa ng manager."Hey, ano ang ginagawa mo? Alam mo bang hindi lang ang staff niyo ang ginawan ng hindi maganda ng babaing iyan?" sita ni Sophie sa manager.Sandaling nagpalipat-lipat ang tingin ng manager sa dalawang babae. Biglang nag-alinlangan sa sunod na gagawin. Kailangan niyang e priority ang good customer dahil business is business. Inilahad ni Stella ang kamay sa harap ni Alex at agad naman nitong ibinigay ang gold card. "Puwede mong panoorin ang kuha sa surveillance camera upang malaman mo kung sino ang totoong may kasalanan dito.""Huh, ang yabang mo talaga! Sino ang ipinagmamalaki mo, ang matandang iyan na kalaguyo mo?" nang-iinsultong tanong ni Elizabeth kay Stella.Umangat ang isang sulok ng l
"Inutil! Paanong hindi niyo ma trace kung nasaan na siya? Malinaw na nasa paligid lang siya at hindi lumabas ng bansa!" Galit na naihampas ni Charles ang hawak na forlder sa lamesa.Si Sophie na tahimik lang sa loob ng opisina ng kapatid ay napapiksi dahil sa galit ng kapatid. "Sorry, sir, pero kahit ang record niya sa pagbili ng damit ay hindi available." Nakayuko ang ulo ni Roy at kinakabahan.Muling napukpok ni Charles ang lamesa gamit naman ang kamao dahil sa galit."Kuya, sa tingin ko ay mas malaki ang connection ng taong ipinagpalit sa iyo ni Stella. Marahil ay pinalitan niya rin ang pangalan niya upang itago sa pamilya ng ipinagpalit sa iyo ang kaniyang background."Matalim pa rin kung maningin na binalingan ni Charles ng tingin ang kapatid. Maaring tama ang kapatid at hindi matanggap iyon ng kaniyang ego. Pakiramdam niya ay naisahan siya ng dating asawa at ginawa siyang tanga. Hindi na nakapagtaka noong pinirmahan nito ang divorce paper. Marahil ay matagal nang napaghandaan