Chapter 7

Napakagat sa labi ang bata habang pinagmamasdan ang lalaki.

"Ang gwapo naman ng lalaki na 'yon. Ang astig pa ng dating niya."

Huminto siya sandali bago marahang ngumiti.

"Pero... mas gwapo pa rin ako nang kaunti."

Mabilis maglakad ang lalaki at may isang magandang dalagang halos takbong sumusunod sa kanya.

Napansin ni Jeff na bahagyang nakakunot ang noo ng lalaki. Hindi man lang ito lumingon o naghintay sa babaeng pilit humahabol.

Mukhang nakakaawa naman ang babae.

"Xavier, alam kong mali ang ginawa ko. Nagpanggap akong si Kuya para mapa-book ang restaurant at mapapunta ka rito. Pero malapit na akong umalis papuntang ibang bansa para mag-aral. Hindi mo ba ako pwedeng samahan kahit isang hapunan lang?"

Nakanguso ang babae habang nangingilid ang luha sa kanyang mga mata.Ngunit nanatiling malamig ang lalaki.

“Wala sa ugali ko ang makipag-dinner sa mga babae.”

Diretso pa rin ang kanyang paglalakad, ni hindi man lang lumingon. Biglang sumigaw ang babae.

"Mahal kita!"

Maraming tao sa harap ng restaurant ang napahinto at napatingin sa kanila.Katatapos lamang ni Althea sa kanyang tawag kaya napalingon din siya.Ang nakita lamang niya ay ang umiiyak na babae at ang matangkad na lalaking nakasuot ng itim na coat.Papasok na sana siya sa sasakyan nang marinig niya ang malamig at mayabang na boses ng lalaki.

"Wala akong interes sa'yo." Isang diretso at walang pag-aalinlangang pagtanggi.

Hindi napigilan ni Althea na muling tingnan ang likuran ng lalaki.

Tinatayang halos anim na talampakan ang taas nito. Perpektong bumagay sa matipuno nitong katawan ang mamahaling itim na coat. Napakalakas ng kanyang presensya kaya maging ang mga dalagang balak sana siyang kunan ng litrato ay natakot lumapit.

"Thea, ano'ng tinitingnan mo?" bungad ni Sofia nang makarating ito sakay ng kotse. Muli siyang lumingon, ngunit wala na ang lalaki.

Napakurap ang babae bago marahang ngumiti.

"Wala naman, tara na?."

Pero nagulat siya sa sarili.Hindi niya akalaing matitigilan siya sa simpleng pagtingin sa likuran ng isang estranghero.Bago tuluyang sumakay ng sasakyan, biglang lumingon ang bata sa kanyang ina.

"Mommy..." Malambing ang boses nito.

“Hindi ba nakita mo rin kanina yung astig na lalaki na mas gwapo kaysa sa’kin.”

Napailing siya.

"Tandaan mo ha, bukod kay Baby Jeff, bawal kang magkagusto sa ibang lalaki."

Halos mabilaukan ang babae sa sinabi ng anak.Apat na taon na ang nakalipas, nang malaman niyang buntis siya, una niyang naisip na ipalaglag ang sanggol.

Ngunit sinabi ng doktor na bihira ang uri ng kanyang dugo. Kapag nagpalaglag siya, maaaring mahirapan na siyang magbuntis muli o kaya'y paulit-ulit siyang makunan sa hinaharap.

Matagal siyang nag-isip. Sa huli, pinili niyang buhayin ang bata.Hindi naging madali ang maging isang single mother.

Habang nasa ibang bansa, sabay niyang inalagaan si Jeff, ang kanyang may sakit na ina, at tinapos ang kanyang pag-aaral.

Akala niya ay unti-unti nang bumubuti ang kanilang buhay.Ngunit isang buwan na ang nakalipas, parang muli siyang gumuho.

Na-diagnose si Jeff na may leukemia. Ang kuya ni Sofia ang isa sa pinakamahusay na doctor sa sakit na iyon. Kaya naman nag desisyon si Althea na umuwi ng Pilipinas kasama ang kanyang anak, upang dito ito ipagamot.

...

St. Lukes Medical Center

Tinawag ni Dr. Christian si Althea sa kanyang opisina.

"Sa ngayon, stable pa naman ang kondisyon ni Jeff. Nagpapahanap na ako ng compatible bone marrow sa bone marrow registry at cord blood stem cell bank."

Sandali siyang tumigil bago nagpatuloy.

"Pero habang naghihintay tayo, mas mabuti kung makapunta rito ang ama ng bata para makapag pa-bone marrow matching din. Kung sakaling siya ang pinakamagandang donor."

Biglang bumilis ang tibok ng puso ng babae.

“Wala na ho bang ibang paraan?”

“Kung patuloy tayo na maghihintay sa isang compatible donor niya, para lang tayong nag hihintay sa isang butas na inflatable pool na mapuno ito. Hindi sa sinasabi ko na wala ng pagasa pero mas malaki kasi ang chance na ang ama niya ang maaaring match sa kanya.”

“Ganun po ba, sige po maraming salamat po.” agad siyang lumabas ng opisina ng doctor at dahan-dahang naupo sa mga bench sa labas ng clinic. 

Ilang minuto niyang pinrocess sa utak niya ang mga sinabi ng doctor.

Ama ni Jeff? Gustuhin man niyang humingi ng tulong dito para sa anak nila, pero paano? Eh hindi nga niya alam kung sino ito. Paano niya hahanapin ang lalaking minsan lang niyang nakasama sa apat na taon na ang nakalipas?

Para mas mabantayan ang kalagayan ng bata, sinuggest ng doctor na manatili muna ito sa ospital kung saan may mga professional nurse na mag-aalaga rito.

Hindi biro ang gagastusin sa gamutan at sa magiging operasyon. May naipon naman na si Althea sa loob ng apat na taon, pero ngayong nakabalik na siya sa bansang ito. Panahon na para bawiin ang lahat ng nararapat sa kanya at sa kanyang ina.