"Kamahalan, saan pa kayo tutungo?" tanong ni Tamara nang mapansing humiwalay ng direksiyon si Prinsesa Aleyah.
"Mauna na kayo sa Vireo, may pupuntahan lamang ako."
"Kung iyon po ang inyong nais, mag-iingat ka prinsesa."
Ang totoo ay napukaw ang atensiyon ng prinsesa ng isang malaking usok na bumabalot sa kalangitan sa di-kalayuan. Agad siyang nagtungo sa pinanggagalingan ng maitim na usok hanggang sa makarating siya sa isang kabayanan. Ngayon lang siya napadpad sa lugar na iyon. Lubha itong malayo sa kaniyang pinagmulang palasyo. Doon ay napagtanto niya na napadpad na pala siya sa lugar ng mga ordinaryong tao kaya agad niyang inalis ang isang makinang na balabal na kaniyang suot upang maitago ang kaniyang pagiging maharlika at prinsesa.
Ang usok na kaniyang nakita ay nagmumula pala sa isang nasusunog na bahay kung kaya't nagkakagulo ang mga tao. Kani-kaniy
Samantala, nagkakagulo sa Palasyo ng Vireo dahil ang ilan sa mga tauhan ni Prinsipe Zeus ay nasawi sa pag-atakeng ginawa ng mga tauhan ni Prinsesa Alora. Sa ngayon ay hinihintay ng konseho ang pagdating ni Prinsesa Alora upang mapag-usapan ang gulong nangyari. Labis na nagwawala ang panganay na prinsipe sa mga kaganapan."Hindi ko mapalalagpas ang kalapastanganang ito. Paano niya nagawang ipag-utos na ipapatay ang ilan sa aking mga tauhan!""Mahal na prinsipe, mukhang labis talaga ang pagnanais ng iyong kapatid na mapabagsak ka!" dugtong ni Aztec."Ngunit kamahalan, sigurado ka na ba na ang mga tauhan nga ni Prinsesa Alora ang may kagagawan ng pag-atake?" tanong naman ni Arum, nais muna kasi niyang makasigurado bago magbigay ng konklusyon."Hindi na siya maaaring tumanggi dahil may mga saksi sa nangyaring pag-atak
Sa labas ng kaharian, kung saan naninirahan ang mga mamamayan ng Vireo ay laganap ang mga usap-usapan."Nagkakagulo na sa loob ng palasyo at may hidwaan pa sa pagitan ng mga anak niyang prinsipe at mga prinsesa. Paano na ang ating lungsod kapag inatake na naman tayo ng mga bandido at mga kalabang kaharian?" nag-aalalang sambit ng isang matandang babae na malungkot namang dinugtungan ng kaniyang anak na lalaki."Malaking dagok ang kinakaharap ng ating kaharian magmula ng mamatay ang ating hari.""Sana lang ay huwag hayaan ng mahal na reyna na mismong ang kaniya pang mga anak ang magsimula ng digmaan, kumakalat at lumalaki na rin ang hidwaan sa pagitan ng apat niyang anak na maharlika." nadidismayang tugon ng isa pang lalaki. Hanggang sa dumami na ang mga nag-uumpukan."May isa pa akong nasagap na balita,
Kasalukuyang naglalakbay si Prinsipe Zeus at ang kaniyang pangkat kasama ang hukbo ni Duke Flavio. Ang kanilang misyon ay hanapin ang isang asul na diyamante na nagtataglay ng isang malakas na kapangyarihan. Marami ang nagsasabing kathang isip lamang ang diyamanteng ito, pero ang nagpatotoo ay ang namatay na si Haring Vireo. Naniwala si Prinsipe Zeus na nakita ito ng kaniyang ama noong ito ay nabubuhay pa. Kaya naman, kasama niya ngayon ang duke upang ito ay hanapin. Nagsama lang sila ng tig-dalawampung mahuhusay na mandirigma dahil ang totoo ay lubhang mapanganib ang kanilang misyon."Mahal na prinsipe, paano kung mahanap na natin ang diyamante, sino sa ating dalawa ang magmamay-ari nito?" tanong ni Duke Flavio sa prinsipe."Maaari tayong magkaroon ng kasunduan na kung sino ang unang makakita ang siyang mangangalaga at mag-aangkin sa diyamante.""Bwahahaha! Magandang ideya,
Samantala, sa Kaharian ng Vireo ay nagkaroon ng pag-uusap ang dalawang miyembro ng konseho.Ang mensaherong si Lancelot at ang kanang kamay ng reyna na si Luna."Ang ibig mo bang sabihin ay may mga taksil dito sa kaharian?"hindi makapaniwalang sambit ni Luna."Mukhang ganoon na nga. Hindi mo ba napapansin ang maraming pagbabago nang mamatayang ating hari?""Maraming nagbago, Lancelot at inaamin ko na humina ang ating kaharian, pero wala namanakong napapansin na kakaiba bukod roon.""Hindi mo ba napansin ang hindi patas na paghahatol sa hukuman noong mga nakalipas naaraw?""Sinasabi mo bang may mga taksil sa konseho na ating kinabibilangan?"nababahalang tanong ni Luna. Pabulong naman itong sinagot ni Lancelot.
Samantala sa Vireo ay payapa ang kalangitan. Nagpapahinga na ang lahat dahil gabi na maliban kay Prinsesa Aleyah na may malalim na iniisip. Kasalukuyan siyang nasa silid ng kaniyang namatayna ama. Sa pagdaan ni Carlile ay napansin niyang nakabukas ang pinto ng silid at nakita niya roon ang prinsesa."Mahal na prinsesa. Hindi ka pa ba magpapahinga?""Maya-maya ay magpapahinga na rin ako. Kayo po, bakit gising pa kayo?"malumanay na tanong ng bunsong prinsesa."Sapagkat nalaman kong wala ka pa sa iyong silid, alam mo namang ako ay nababagabag sa tuwing nakikita kong hindi ka pa natutulog ng ganitong oras.""Ganun po ba? Maaari mo ba muna akong samahan.""Oo naman anak. Ano ba ang iyong ginagawa sa silid ng iyong ama?""Wala lang, inaalala ko lang ang m
“Maaari ba akong makinig sa inyong pulong?” mahinahong tanong ng ikatlong prinsesa.“Oo naman anak. Pumasok ka rito.”“Mahal na reyna, nakababahala po ang nakita ni Lancelot. Ayon sa kaniya ay may mga bandido siyang nakita sa labas ng kaharian na wari niya’y nag-eespiya.” sambit ni Punong Carlile na pinatotohahan kaagad ng mensahero at espiyang si Lancelot.“Tama po iyon kamahalan, paano kung may binabalak na naman silang pag-atake? Ang ating pwersa ay hindi pa handa sa anumang uri ng pagsalakay.”“Ang malaking katanungan ay kung ano ang kanilang pakay sa ating kaharian.” usal naman ni Luna na tila ba malalim ang iniisip.“Marahil ay nais na naman nilang magnakaw. Kailangan nating mapaghandaan ang kanilang pagsugod nang hindi tayo na
Sa lugar ng mga ordinaryong tao ay naglalakad-lakad ang grupo ni Zuko upang masigurong maayos ang kanilang bayan. Madalas nila itong ginagawa at gaya ng inaasahan ay may naabutan na naman silang kaguluhan.Isang babae ang binabastos ng mga kawatan na dati na nilang nakasagupa at iyon ay ang grupo ni Lazaro. Mahigit sa dalawampu ang kanilang miyembro at sila ang pinakamabagsik na grupo ng mga kawatan sa lugar.“Bitiwan niyo na ako! Maawa kayo!” umiiyak na sigaw ng isang babae na nasa kamay ngayon ng grupo ng mga kawatan.“Awa? Wahahaha! Wala kaming awa.” bungisngis na sagot naman ni Lazaro na dinugtungan ng isa pa niyang tauhan na si Vito.“Boss ang mabuti pa dalhin na natin iyang babae na ‘yan!”“Huwag! Huwag po. Maawa kayo!” nagpupumiglas ang babae mula sa mahigpit na pagkakakapit sa kaniya ng mga mapagsamantalang grup
Habang wala si Duke Flavio ay lihim na nakipagkita si Althea sa kasintahan niyang si Olrick. Alam kasi nila na tututol ang duke sa kanilang pag-iibigan.“Althea, bakit hindi pa natin sabihin sa iyong ama ang tungkol sa ating dalawa?” tanong ni Olrick.“Gustuhin ko man Olrick ay hindi maaari! Siguradong tututulan niya ang ating pag-iibigan at paglalayuin tayo.” nag-aalalang pahayag ni Althea.“Pero kahit gawin iyon ng iyong amang duke ay lalapit pa rin ako sa ’yo. Hindi niya tayo mapaghihiwalay.”“Natutuwa akong marinig iyan sa 'yo Olrick, subalit hindi talaga maaari. Handa ka pa rin bang ipaglaban ang ating pagmamahalan kahit buhay mo man ang maging kapalit?”“Oo naman Althea. Ang mahalaga, sinubukan nating magpakatotoo. Ayokong haba