Chapter 24: She’s Back

Patuloy lang sa pag-inom ng red wine si Amos habang pumapalakpak ang mga bisita bilang pagbati sa bagong kasal. Nasa reception siya ng pinsan niyang si Alliah na kinasal kay Justin. Katulad noon, mapait pa rin siyang napangiti subalit hindi dahil bitter na naman siya sa bride at groom kundi dahil sa puso niyang winasak ni Zein halos apat na taon na ang nakararaan.

Gusto lang naman ni Amos bumuo ng isang masayang pamilya katulad ng ibang tao pero dalawang beses na iyong pinagkait sa kaniya. Kung kailan sigurado na siya kay Zein, saka naman ito umalis.

Pagkatapos ng proposal niyang hindi tinanggap ng dalaga, hindi muna siya umuwi ng Maynila. Nanatili siya sa kaniyang rest house sa Batangas para indahin ang lahat ng sakit. Gusto niya munang mapag-isa noong mga panahong iyon dahil hindi niya alam kung paanong aayusin ang puso niyang dinurog ng dalaga.

Gusto niyang habulin ito ngunit masyado siyang nasaktan at baka kung ano pang magawa niya. Baka hindi niya mapigilang magmakaawa muli r