Chapter 4

Kasalukuyan nasa canteen sina Leina at Sarah dahil Lunch Break na nila

"Ano nang kwento? Paano mo nasabi na break na sina Matt at Ria?" ani ni Sarah kay Leina pagkaupo nila

"Kasi nung weekend, nagbar kami ng mga pinsan ko, nakita ko si Matt na lasing na lasing, as in, ayun hinatid ko sa kanila at dun niya naikwento na wala na nga sila ni Ria"

"Teka, parang merong mas interesting kesa sa break up nila" ngingiti ngiting ani ni Sarah

"Ha?"

"Sabi mo lasing na lasing si Matt, at inihatid mo siya sa kanila, umamin ka sa akin Leina, siguro nirape mo si Matt noh?"

"Gago mo, ako talaga ang mangrerape? Hindi ba pwedeng siya?"

Nanlaki ang mga mata ni Sarah "May nangyari sa inyo?"

"Ang tungek mo, wala noh"

"Eh bakit sabi mo hindi ba pwedeng siya ang nangrape? Sus umamin ka na, sige na"

"Tse! Sabi mo kasi nirape ko si Matt"

Tawang tawa naman si Sarah "Joke lang, pulang pula ka na o"

Hinawakan ni Leina ang magkabilang pisngi "Tarantado ka kasi"

"Hindi nga, seryoso na, break na sila?"

"Oo nga"

"Eh bakit daw?"

"Hindi ko alam, walang sinabi si Matt, pero parang si Ria ang nakipagbreak, kasi ang dami niyang tanong, kung panget raw ba siya, mabaho ba siya o bad breath, mga ganun"

"Malamang nga, kasi hindi naman siguro magtatanong si Matt ng ganun diba? Sayang naman sila, mukhang mahal na mahal pa naman ni Matt si Ria"

"Oo nga"

"Uy baka sumama ang loob mo sa akin, pero tanggap mo naman diba? Yung tungkol kay Matt at Ria"

"Oo naman, wala naman ako sa kalingkingan ni Ria"

"Ay sobra siya, hindi noh, nagkataon lang na siya ang mahal ni Matt"

"Oo, mahal na mahal ni Matt yun, ramdam ko yun nung nag-uusap kami"

"Yaan mo na, makakahanap ka rin ng para sayo"

"Hindi naman ako nagmamadali noh"

Sa isang coffee shop naman nagpunta sina Aldrin at Matt, dun sila nag-usap

"So, talagang nakipagbreak si Ria sayo? At wala raw third party?" ani ni Matt

"Sabi niya wala raw, parang hindi na raw siya masaya"

"Hayaan mo na muna siya, malay mo makapag isip isip siya, at marealize niya na hindi pala niya kayang mabuhay ng wala ka"

"Sana nga"

"Wag kang mag-alala... sabi mo nga pala hinatid ka ni Leina sa condo?"

"Oo, nakita niya ako sa bar na lasing na lasing"

"Alam mo para kayong pinagtatagpo ng tadhana"

"Siraulo ka" nangingiting ani ni Matt

"Hindi nga... what if ligawan mo si Leina, malay mo mabilis mo makalimutan si Ria"

"Mahal na mahal ko si Ria, hindi ko siya kayang kalimutan"

"Malay mo naman, kung hindi magwork eh di magbreak kayo, eh paano kung magwork di ba? Sexy kaya ni Leina, balita ko nga parang pinupuntirya ni Sir Carlo yun, at saka maganda kaya siya at komedyante, nakakatawa nga siya minsan kasi para siyang siraulo" natatawang ani ni Aldrin

"Eh di ikaw manligaw"

"Ikaw type nun, alam mo naman yun diba?"

"Ewan ko Aldrin"

"Try mo lang, baka masyado ka lang kasing focus rin kay Ria kaya hindi mo na napapansin ang ibang babae, malay mas magclick kayo ni Leina"

"Hindi ba ako magiging unfair nun?"

"Hmmm, in some way siguro, pero tingnan mo na lang yung positive side"

"May positive side nga ba? Baka masaktan ko lang yung tao, baka magkasakitan lang kaming dalawa"

"Tingin mo ba hindi pa nasasaktan yun? Gusto ka niya pero ikaw may mahal na iba, sasaya pa yun pag niligawan mo kasi magkakachance na siya sayo" ani ni Aldrin, hindi naman na nakakibo si Matt

Oras nanaman ng uwian, nag-aabang ng masasakyan sina Sarah at Leina nang madaanan sila ni Matt at Aldrin, binaba ni Aldrin ang bintana sa side niya

"Leina, Sarah, lika na" ani nito

"Sure kayo?" ani ni Leina, siya namang silip rin ni Matt

"Sakay na, sabay na namin kayo" ani ni Matt, sumakay naman ang dalawang babae sa backseat ng kotse

"Hirap sumakay ngayon" ani ni Aldrin

"Oo nga eh" ani ni Leina

"Buti hindi niyo naiisipan na magbook ng motor"

"Ayoko sa motor, takot ako"

"Ikaw Sarah?"

"Ayoko rin, nakakatakot"

"Sabagay nga pero mas mabilis yun, di bale, buti nadaanan namin kayo ni Matt, gusto niyo kain muna tayo tapos ihahatid na lang namin kayo" napatingin naman si Matt kay Aldrin, hindi niya alam na magyayaya ito, napatingin si Leina kay Matt kasi halata niyang mukhang nagulat ito sa suggestion ni Aldrin

"H-Hindi na, thank you na lang Aldrin, kasi baka lalo tayong matagalan" ani ni Leina, napatingin naman si Matt kay Leina sa may salamin

"Okay lang, sige na kain na tayo, para naman tayong hindi magkakaopisina niyan, at saka kami nang bahala maghatid sa inyo" ani ni Matt

Nagkatinginan naman sina Sarah at Leina "Ano?" halos pabulong na ani ni Leina kay Sarah

"Ikaw, okay lang sa akin"

"Narinig ko yun" ani ni Aldrin "Matt sa mall tayo" ani pa nito

"Wow, driver mo ako?" natatawang ani ni Matt, napangiti naman sina Sarah at Leina

"Okay lang ba? Hahaha"

"Baliw ka"

Nakarating sila sa mall at kumain sila sa isang fastfood chain na kilala sa mga burgers

"Ahm, Leina si Matt o" ani ni Aldrin

"Ha?" namumulang tanong ni Leina

"Wag mong intindihin yan Leina" ani ni Matt "Baliw yan eh" ngumiti naman si Leina at nilaro ulit ang daliring may band aid "Anong nangyari dyan?"

"Eto? nagupit ko kanina"

"Mag-iingat ka kasi" ani ni Matt sabay kuha sa kamay nito na may band aid, nanlaki naman ang mata ni Leina, napangiti naman si Aldrin

"Masyado akong nasisikipan dito" ani ni Aldrin "Lika Sarah lipat tayo sa kabilang table"

"Sige lipat tayo" ani rin ni Sarah sabay tumayo ang dalawa at lumipat sa kabilang mesa

"Mga baliw talaga" ani ni Leina

"Wag mo na ngang intindihin ang mga yun" ani ni Matt "Next time mag-iingat ka"

"Oo"

"Hatid kita mamaya, unahin ko na ihatid yung dalawa, gusto kong bumawi sayo, parang hindi pa ako nakakabawi sa tulong mo sa akin"

"Wala yun, alangang pabayaan kita sa bar"

"Kahit na, hindi mo naman kailangang gawin yun"

"Anong hindi? Friends naman tayo"

"Oo nga naman" ani ni Matt "Basta ihahatid kita sa inyo mamaya"

"Sige ikaw ang bahala"

Maya maya ay dumating na ang order nila, kwentuhan sila habang kumakain, iniiwasan naman ni Leina na mabanggit ang pangalan ni Ria, maya maya ay nagdesisyon na rin sila na umalis na.