Kabanata 59

Pagsapit ng biyernes, nakilala na nilang lahat ang bagong manager sa branch office. Si Justine Peres ay sa publicity department, at si Jenna Martinez naman sa design department.

“Akala ko ba galing sa department natin?” naguguluhang tanong ni Lovi kay Lira habang nasa may gilid silang dalawa nakatayo.

Awkward na napangiti si Lira. “Baka mali ang chismis nila sa akin.” sagot naman ni Lira bago ito nagpaalam kay Lovi na magbabanyo muna.

Bumaba si Easton para batiin silang dalawa ng pormal.

Sa loob ng dalawang linggo, nakita na ulit ni Lovi si Easton. Halata rin sa mga mata nito ang pagod. Mukhang ilang araw na itong walang maayos na tulog.

“Ms. Jenna, your office is over here.” sabi ni Assistant Ren, at sumunod naman sa kanya si Jenna.

Huminto si Easton sa may tapat ng workstation ni Lovi, at hindi na siya sumunod kina Assistant Ren papunta sa bagong office ni Jenna.

Si Lira na kababalik lang ay nagulat nang makita niyang may isang lalaking umupo sa upuan ni Lovi, kaya dali-dali siyang