Chapter 10.2: Rekindled Fire

GABI na at hindi pa din bumabalik sa penthouse si Mathis. Tapos na silang kumain ng hapunan dalawa ni Giselle dahil may natitira pa namang imbak ng mga pagkain sa refrigerator at yun na lang ang niluto niya. Sa tingin niya, ilang araw na lang ang itatagal ng mga pagkain bago nila ito maubos at paniguradong yun ang magiging problema nila. Nasa peligro pa rin ang buhay ni Venus at masyado na niyang nadadamay pa si Mathis at Giselle. Gusto niyang makausap ang lalaki at dapat magkaroon sila ng matibay na mga plano kaso hindi siya nagkakaroon ng lakas ng loob na makausap ito matapos ang nangyari sa kanila doon sa kusina kanina.

"Where's Uncle Mathis, mom?" Tanong ni Giselle at humiga na ito sa kama kasama niya. "Gabi na po. Sunduin niyo na po si Uncle Math, mommy..."

Napatingin naman si Venus sa kanyang anak. Nababasa niya ang pag-aalala sa mga inosente nitong mga mata at natitiyak niyang napalapit na sa bata ang lalaki.

"Okay. I'll go and get your Uncle Mathis home, just stay here. Do y