CHAPTER 3
“Uy, Nesh. Ano ‘to?” tanong ni Arnaiz nang inabot niya ang maliit na Goldilocks cake.
“Pa-thank you lang para kahapon.”
Nawalan siya ng malay sa comfort room nang umatake na naman ang anxiety niya. Si Arnaiz ang nagdala sa kanya sa klinika.
Hindi napaghandaan ng kanyang sistema ang muling pagtatagpo ng mga landas nila ni Sebastian.
Kahit sa panaginip ay hindi niya hiniling na makita itong muli matapos ang nangyari sa ospital.
Ipinakaladkad siya nito sa security nang gabing iyon at talaga namang kaawa-awa siya.
Ang ama nito ay nakatingin lang sa kanya; walang ginawa para pigilan ang kagaguhan ng anak nito.
Pinakasumpa-sumpa niya ang pamilyang Rocc.
“Wala iyon. Sandali lang—”
“Nesh, pinapatawag ka na ni Sir,” sulpot ni Erika na bagong head ng marketing department.
“Sige, susunod ako. Hindi pa naman alas otso.”
“Ngayon na raw. Magkasalubong na ang mga kilay,” pinanlalakihan siya nito ng mga mata. “Ang sungit pala no’n. Baka madamay kami.”
Napakamut-kamot siya sa ulo. Walang nagawa kundi umakyat sa palapag ng opisina ng CEO.
“You’re late, Ms. Mijares,” asik agad sa kanya ni Sebastian.
Prenteng nakasandal ito sa kanyang mesa. Ang aga-aga, hindi na ma-ipinta ang mukha.
“Pardon, Sir. Hindi pa po eight.”
“My office hours start at seven. You need to be here before me.”
Hindi siya sumagot bagkus, ay dinukot niya ang ginawang resignation letter kagabi.
“What’s this?”
“Resignation letter, Sir.”
Mapang-insultong tumaas ang sulok ng labi nito.
“Ms. Agnes doesn’t know how to keep her word. She has the audacity to ask for numerous favors from Rocc’s Corporation when this company is near bankruptcy."
Hindi niya nagugustuhan ang mga lumalabas sa bibig nito.
“You’re lying. Hindi pa bankrupt ang MedBrain.”
“I see. Nagsinungalin din siya sa ‘yo.” Tumangu-tango ito, hindi pinansin ang pagpipigil niyang sariling sipain ito. “Tell you ex co-workers to pack their things. Wala na silang trabaho.”
“What?”
Itinaas nito ang resignation letter niya. “I’m not satisfied with what she left. Hindi ko rin ibibigay ang mga pabor na hiningi niya.”
Napanganga siya nang isinarado nito ang pinto ng opisina.
Sh!t! Hindi pwede!
Ano na lang ang sasabihin sa kanya ni Ms. Agnes kapag nalaman nitong pinabayaan niya ang kompanyang tinanggap siya kahit hindi siya nakapagtapos ng kolehiyo.
Wala siyang utang na loob gayong nang mga panahong kailangan na kailangan niya ng trabaho ay tanging MedBrain lamang ang sumalo sa kanya.
Kagat-labing binuksan niya ang computer at nagpadala ng IM kay Sebastian.
Ilang sandali lang ay narinig niya na ang malamig nitong boses sa intercom.
“I need my schedule.”
Ayaw niyang makasama si Sebastian pero anong magagawa niya? Siguro naman ay ilang araw lang ang hihintayin niya para makahanap ng bagong sekretarya nito.
Boss na boss ang dating ni Sebastian Rocc sa klase ng pagkakaupo nito sa malaking swivel chair.
Ang lakas pa rin talaga ng karisma ng hudyo.
“At lunch, you will have a meeting with Mr. Volazo for the reconstruction of the laboratory,” wika niya sa pormal na tinig habang nakatayo sa harap.
“Cancel my appointment on Friday afternoon.”
Tumango siya at nilinyahan ang tinutukoy nito. Eksakto, iyon rin ang araw ng event ni Sevi sa eskwela.
“May lakad po kayo, Sir?”
Nagtaas siya ng paningin dito nang hindi ito nakasagot. Kinagat niya ang dila nang makitang nakatitig ito sa kanya habang ang isang kamay ay pinaglalaruan ang hawak na sign pen.
“I-I mean po, if may another meeting kayo somewhere and my presence is needed for assistance.”
“None, Ms. Mijares.” Halos hindi bumuka ang bibig nang magsalita.
Ano bang tinitingin-tingin nito sa kanya? Kung makatitig, ay parang wala itong ginawang kahay upan?
“Imo-move ko na lang po next week ang mga Friday office appointments niyo. The hiring of your secretary nga po pala starts tomorrow. I’ll assist you po if you want to evaluate yourself the applicants.”
“You’ll resign after that,” he said with a smug look on his face.
“Babalik po ako sa marketing department.” Aalis talaga siya pero hindi niya pwedeng sabihin. “May iba pa po kayong iuutos, Sir?”
Umanggulo ang ulo nito. “How’s the baby?”
Lihim niyang nakuyumos ang folder na hawak-hawak. Pekeng-peke ang ngiti niya. “Baby, Sir?”
“Ang pinagbubuntis mo, six years ago. You said it’s mine.”
“Pina-abort ko, Sir.” Hindi niya pinansin ang pagkagulat sa mukha nito. “Tama ka po. Wala naman magandang maidudulot ang batang iyon sa buhay ko.”
Maling-mali ito. Ang laki ng kasayahang ibinigay sa kanya ni Sevi.
Binigyan ng direksyon ng anak niya ang kanyang buhay. Puro at inosenteng pagmamahal ang ibinigay sa kanya ng baby niya.
At kahit kailan, hindi iyon mararanasan ni Sebastian.
Sa kanya lang si Sevi.
Tahimik siya nagpaalam dito na babalik na sa kanyang working station nang mukhang wala na itong sasabihin.
“Nesh, lunch na tayo.”
Maga-alas dose na pala nang tanghali. Masyado siyang subsob sa trabaho na hindi niya namalayan ang oras.
“Susunod na lang ako sa cafeteria.”
“Sa pantry, Nesh. May pina-deliver na pagkain si Sir,” ngiting-ngiting sabi nito bago umeskapo na.
Nagtipa siya ng text message para sa adviser ng kanyang anak. Tinatanong kung kumain na ba ang baby boy niya.
Maya-maya pa ay tumatawag na ito sa kanya.
“I already eat lunch na po,” malambing na wika ng anak niya sa kabilang linya.
“Kumusta ang school?”
“Practice po ako mag-violin.”
“Inubos mo ba ang lunch mo?”
“Opo. Thank you for the yummy food.”
“You’re welcome. I love you.”
“Love you more po.”
Nag-uusap sila ng adviser ni Sevi tungkol sa darating na foundation day ng King Royale’s School nang bumukas ang pinto ng opisina ni Sebastian.
Nakatingin ito sa cellphone na nasa kanyang tainga.
Mabilis naman siyang nagpaalam sa kausap at hinarap ito.
“Yes, Sir?”
“Why are you still here? It’s twelve.”
“Papunta na rin po ako sa pantry.”
“Hurry up,” seryosong wika nito at tinalikuran siya.
Muli sana siyang uupo sa office chair nang nilingon ulit siya nito. Magkakasalubong na ang mga kilay.
“I said hurry up, Miss Mijares. Ipagpapalit mo talaga ang pakikipag-telebabad, sa pagkain? I don’t want any tardiness at my office. Ayaw kong kakain ka sa oras ng trabaho.”
“Ito na po.”
Hinablot niya ang cellphone sa mesa at patakbong sinundan si Sebastian.
Naabutan niya ito sa may pinto ng pantry. Masamang titig muna ang ibinigay nito sa kanyang hawak-hawak na cellphone bago pumasok.
Nilapitan siya ni Arnaiz habang nagsasalita si Sebastian sa gitna.
“Thank you pala sa cake kanina.”
“Welcome. Ililibre rin sana kita ng lunch ngayon—”
“Teka, huwag na,” bulong nito sa kanya. “Hindi naman ako ang nagdala sa ‘yo sa clinic.”
“Let’s eat!”
Bumalik ang tingin niya kay Sebastian nang tumaas ang boses nito.
Nakatingin ng masama sa direksyon niya.
“Kuha na tayo, Nesh?”
“S-Sige.” Lihim niyang inirapan si Sebastian at akmang lalagpasan sana ito.
“Ms. Mijares.”
“P-Po?”
“Get me food.”
“Ako na lang, Sir,” singit ni Arnaiz sa kanyang tabi.
Pinanood niyang luwagan ni Sebastian ang sariling necktie. “I clearly said, Ms. Mijares will get my food. Not you, Mr. Purisima.”
Hinawakan niya si Arnaiz sa braso at tinanguan. “Ako na.”
Aroganteng umismid sa kanila si Sebastian at lumayas na.
“Tulungan na lang kita, Nesh.”
Bilang sagot, ay matamis niya itong nginitian.
CHAPTER 4 Kunot na kunot ang noo ni Sebastian nang makatanggap siya ng text message mula sa kanyang sekretarya na nagtatanong kung pupunta pa ba siya sa opisina. Magpapaalam daw kasi ito na magha-half day lang. Anong gagawin nito ngayong hapon? Makikipag-date sa lalaking pinabantay niya sandali nang madala niya ito sa clinic? Sana pala ay pinalayas na niya si Arnaiz nang sumunod ito sa kanya. Kumuha lang naman siya ng doktor kaya siya umalis ngunit pagbalik niya ay hawak-hawak na ni Neshara ang kamay ng lalaki. Nag-init ang ulo niya nang makita si Neshara na umagang-umaga ay nasa working area ng Arnaiz na iyon at may pabigay-bigay pa ng cake. Are they an item? Dating? Ilan ba ang dine-date ngayon ng babae? Narinig niya pa kanina na may sinasabihan ito ng I love you sa telepono. Sh!t talaga! Hindi pa man lang nga siya nakagalaw, marami na palang nakapila. Neshara Fil Mijares is making him crazy. F ucking crazier than before. “Hindi ka aalis. Double check t
CHAPTER 5 “Sorry, Sevi Baby. Hindi nakaabot si Mommy sa foundation day niyo,” nakangusong nilambing-lambing ni Neshara ang anak. Nakaalis siya sa MedBrain ng alas-kwatro ng hapon at kung minamalas nga naman, naipit siya sa mabigat na trapiko dahil sa banggaan sa highway. Naabutan niya si Sevi sa classroom nito na nanghahaba ang mga nguso. This is the first time she missed Sevi’s school event. Dati naman kasi ay pinapayagan siya ni Ms. Agnes na mag-absent basta para sa anak niya. “I promise hihingi ako ng kopya ng video mo sa lahat ng parents ng classmate mo. Hmn…” “Ms. Mijares,” nakangiting bati sa kanya ng adviser ni Sevi na kapapasok pa lang ng classroom. “Hello po, Ma’am.” “Kanina pa siya ganyan.” “Naku, kasalanan ko, Ma’am. Hindi ako nakaabot.” “Hindi siguro, Ms. Mijares. Kasi kanina naman nagpe-perform siya, maayos naman ang mood niya. No’ng kainan lang nagbago. Ayaw ng umimik at sinusungitan na ang mga kaklase. Ang bibilis talaga magbago ng mood ng mga bat
CHAPTER 6 Ilang linggo matapos nilang maghiwalay, nagkalat na sa telebisyon at mga pahayagan na engage na si Sebastian kay Lolita. Habang nagpapakapagod siya magtrabaho para may ipon siya sa panganganak, ang dalawang iyon ay palaging nakikita ng media na magkasama. Hindi malayong mangyari ang sinabi ni Stephanie dahil kilala niya si Lolita. The woman is a she-devil. Kung siya nga ay binu-bully nito noon na umabot pa sa pagkakakulong niya sa storage room buong gabi, paano pa kaya sa anak niya. “Mommy, give ko raw po sa ‘yo sabi ni Teacher,” wika ni Sevi nang iwinagayway ang papel na kinuha nito sa bag. “Puntahan mo raw po siya paghatid mo sa akin sa school.” “Bakit daw po?” Kinuha niya ang papel kahit may kutob na siya kung ano na naman iyon. “Gawa ka nang assignment mo.” “Tapos ko na po, Mommy. Gusto ko iyong science book ko.” Nakalabing itinuro ni Sevi ang tatlong makakapal na advance science book na nasa mesa. Memoryado na yata ng anak niya ang nilalaman pero
CHAPTER 7 “Mommy, hindi po ikaw nag-say ng hi sa lolo and lola. Rude po,” wika ni Sevi at nginusuan pa siya nang mai-upo niya ito sa loob ng restaurant. “Gutom na kasi si Mommy, Anak. Nagustuhan mo ba ang violin?” “Yes, Mommy.” Pero hindi pa pala tapos si Sevi sa pagdaldal nito tungkol sa dalawang matanda. “Pulot ko po kasi ang wallet ng lola. I’m kind daw po tapos bibili niya ako ng reward. Sabi ko; no, thank you po.” Ngiti ang isinagot niya sa anak. Kahit ang totoo ay hindi niya gusto ang nangyayari lalo pa’t nakita niya ang pagpasok ng mag-asawang Rocc sa bukana ng restaurant. Nakatingin ang dalawa sa kanila—kay Sevi. Gusto niyang itago ang anak. Hilahin paalis si Sevirious at lumayas na sa mall para huwag na silang masundan. Pero kapag ginawa niya iyon, mas magiging mukhang may itinatago siya. Ang mga ito ang may kasalanan sa kanya. Wala siyang ginawang mali kaya bakit siya ang aalis. “Hello po, Lola.” Maligayang kumaway si Sevi kay Florence Rocc nang lumapit ang
CHAPTER 8 “What is it, Mom?” kaswal na tanong ni Sebastian sa ina nang mapansing pasilip-silip ito sa kanya na parang may gustong sabihin. His dad cleared his throat and put down his fork. “What’s your plan, Sebastian?” “Wala akong plano.” Sa pagkakataong iyon ay nagsisimula na naman bumalik ang init ng ulo niya. Kaninang umaga pa, dahil kay Neshara. “You bought a company that’s near bankruptcy.” “I’m now the CEO of Rocc’s Corporation. I know what I am doing.” “Hindi iyon ang ibig sabihin ng daddy mo, Anak,” malumanay na saway sa kanya ng ina. Alam nitong mainitin pareho ang ulo nila ni Roman Rocc. “Then, what?” “You don’t need to stay here. Poseidon is available. Pagala-gala lang naman ang batang iyon. Pwedeng siya ang ipahawak mo sa MedBrain. Rocc’s Corporation is waiting for you at Manila.” Nawalan siya ng gana kahit wala pa siyang naisusubo. Naubos ang oras niya sa paghiwa ng steak sa gigil na paraan. “I want to fix the MedBrain. Ako ang nagdisisyon na bi
CHAPTER 9 (PART 1) “Miss, hindi pa po ba magsisimula?” “I’m sorry po, wala pa kasi si Sir,” hingi niya ng paumanhin sa aplikante na nagtanong. “May inasikaso lang siyang importante. He’s on his way here.” “Sige po. Kahapon pa kasi kami naghihintay.” Awkward na nginitian niya ang mga aplikante na nakahilera sa waiting area Nakapagdahilan nga siyang masakit ang tiyan nang pinapasama siya ni Sebastian sa lunch pero ininis naman siya kinahapunan. Nagdagsaan ang mga aplikante ngayong araw dahil napilitan siyang pauwiin ang mga ito kahapon. Mabuti na lang at dumating na kahapon si Heather mula sa ibang bansa kaya napawi ang pagkabwisit niya. “Sir, nasaan na po kayo?” bungad niya nang sagutin ang tawag nito. “We’re going to Manila, Ms. Mijares. Get yourself ready in ten minutes.” “Po? Sir, maraming aplikante na rito.” “Pauwiin mo na.” “Ako na lang ang magi-interview sa kanila.” Narinig niya ang pag-tsk nito sa kabilang linya. “I instructed the HR to give them ten
CHAPTER 9 (PART 2) “Okay na po kayo, Ma’am?” “Opo. Pero iyong boss natin, siguradong hindi pa okay. Ang arogante ng bwisit.” Hindi siya natakot na baka isumbong siya nito kay Sebastian dahil tumawa ang lalaki at inalalayan siya pababa. Bawat madaanan niyang pasilyo ay may logo ng kompanya. Pitong beses yata ang laki ng nilalakaran niyang mga opisina kumpara sa MedBrain. Siguradong maliligaw siya kapag sinubukan niyang umeskapo para lang makaiwas na sumakay ulit sila sa helicopter pabalik ng Bicol. Nakita niya agad si Sebastian sa dulo ng mahabang mesa nang makapasok sila sa conference room. Prenteng naka-upo ito sa malaking swivel chair habang suot ang reading glasses. Ang seryoso nitong mga mata ay nananatiling nakatingin sa papel na nasa harapan nito. Hindi bababa sa sampu ang nasa loob ng conference room. Hula niya ay tungkol sa financial reports ng korporasyon ang pinapaliwanag sa unahan. Natigilan siya sa paghakbang nang ma-realize niya kung saan siya igin
CHAPTER 9 (PART 3) “S-Sa conference po.” “I’m not old, Neshara Fil.” Gulat na itinuro niya ang sarili. “Kilala niyo po ako?” “Come on, I’ll buy you a drink. Sebastian doesn’t know how to keep you.” Hinayaan niya itong hilahin siya sa elevator. Mukha namang harmless ang lalaki kahit nakaka-intimida ang presensya nito. Maangas ang dating. Lalo na ang guhit sa kaliwang kilay nito na natural na makapal, maitim at mistulang iginuhit sa perpektong linya niyon. “I’m Zech Leon,” wika nito nang inilapag ang isang tasa ng kape sa kanyang harapan. Napangiwi siya nang makitang black roasted iyon. “Neshara Fil. Secretary po ni Sir Seb sa MedBrain.” “Secretary,” he murmured like it was the most stupid word he ever heard. Inanggulo pa nito ang ulo bago ngumisi. “Secretary, my ass.” Kinagat niya ang pang-ibabang labi. Baka tingin din nito sa kanya ay kabit siya ni Sebastian. Mukhang alam nito na may nakaraan sila ng lalaki. “Aalis din po ako sa MedBrain.” Kabadong sumimsim