Chapter 35

Kyoko POV

Nanlumo ako sa narinig ko. Hindi aabot si Rafael sa panganganak ko. Hindi ko maitago ang aking dismaya.

“Malungkot ka ba, Misis? Kailangan ko pang ayusin ang Construction Firm ng asawa ni Mama. May sakit ang stepdad ko at kailangan kong pansamantala na mag-proxy sa pamamahala ng negosyo n’ya,” paliwanag ni Rafael.

Wala akong magawa. Hindi ko naman pwedeng pigilan si Rafael dahil ang mamanahin niya sa mga ito ay siyang gagamitin niya para sa project niya sa Isla Esmeralda.

“Payag naman ako. So, bakit ako malungkot? Nanghihinayang lang ako na wala ka sa panganganak ko. Siya nga pala, may narinig akong tsismis na nandyan si Ate Fiona sa Brazil.”

Binantayan ko kung paano nag-iba ang mukha ni Rafael. Naging balisa siya at hindi makatingin sa akin. Nakikita kong alam ni Rafael na naroon nga si Ate Fiona. Napahawak siya sa kanyang sintido at napabuga ng hangin.

“Actually, Misis ngayong araw ko lang din nalaman na isa siya sa mga modelo na naka-sign under kay Mama,” mahinang saad