Kabanata 18

Kanina pa gising si Lera subalit ang isip niya'y lumilipad sa panibagong problema. Madali lamang sana itong desisyunan kung wala si Lucas sa eksena.

Maayos niyang itinutupi ang damit nila ng anak sa laundry area ng mansyon, habang iniisip ang naging pag-uusap nila ng kan'yang amo. Binigyan na lamang siya nito hanggang bukas upang bumalik sa trabaho. Napakahaba na nang kan'yang bakasyon.

"Ang lalim yata ng iniisip mo. Pati underwear ni Sir Lucas ay tinutupi mo na," aniya katulong. Saka niya napagtantong hawak-hawak niya na pala ang brief nito.

Nanlaki ang kan'yang mata na ibinalik iyon sa basket.

"Si sir ba iniisip mo?" tudyo nito sa kan'ya.

Sa pananatili niya sa mansyon ay mas nakasundo niya ang mga katulong doon. Marahil na rin siguro sa pagkakapare-pareho ng kanilang estado sa buhay. Isa pa'y palagi siyang tumutulong sa mga gawain nila.

"Hindi, tungkol sa trabaho ko. Kailangan ko na kasi'ng bumalik kun'di sisisantihin na ako."

Kinuh