Kabanata 47

Napatingin siya kay Lucas. Kung siya lamang ang naroon ay baka sinabi niya na sa bata kung ano ang totoo nilang ugnayan.

"Where do you want to eat Arim?" Iniwasan ni Lucas ang usapan. Napabuntong-hininga si Lera, kailangan nilang mag-usap dalawa.

Dumiretso sila sa paboritong kainan ng bata. Walang sawang pinagsilbihan ni Lera ang anak. Hindi yata siya mapapagod na gawin iyon. 

"Lucas, mamaya na ako uuwi. Gusto ko pa'ng makasama si Arim." 

Pinagbigyan siya ng lalaki. Sumama siya dito sa condo unit. Tatawagan niya na lamang si Maris para magpasundo.

Kagaya ng nakagawian noong paslit pa si Arim ay pinagitnaan nila ito ni Lucas sa kama. Nang masigurong tulog na ang bata ay inaya siya ng lalaki sa salas.

"I just wanted to clear things out Lera."

Napataas ng parehong kilay si Lera. Bakit pakiramdam niya'y magbibigay na naman ito ng boundaries sa pagitan nila ng anak?

"Ayokong pumupunta ka dito nang hindi ko alam. Hindi ko g