Kabanata 48

Maaga pa ngunit nakabihis na si Lera. Hindi niya alam kung totoong maglilibot sila ni Lucas sa farm ngayon. Gayunpaman, may plano siyang bisitahin ang anak kaya magkikita pa din sila ng lalaki sa araw na ito.

"Kailan ba namin pwedeng makita at mabisita ang apo ko?"

Kasabay ni Lera ang ina at kapatid, na si Mikoy, sa agahan. Si Maris ay tulog na tulog pa dahil sobra itong nalasing kagabi.

"Oo nga ate. Miss na miss na namin si Arim."

Malungkot na napangiti si Lera. Kung siya nga na nakakasama ang anak ay namimiss pa din ito sa tuwing umuuwi siya, paano pa kaya ang kan'yang pamilya.

Matapos kumain ay nagmaneho siya patungo sa condo unit ni Lucas.

Kumatok siya sa pintuan. 

Bumukas ito subalit hindi niya inaasahan ang bubungad sa kan'ya.

Napaatras siya ng isang hakbang nang lumantad ang walang pang-itaas na si Lucas.

"Ang aga mo." Wala sa sariling saad ni Lucas. Huli na para mapagtanto niyang natulala sa kan'yang katawan