Kabanata 46

"Sorry na nga. Malay ko ba'ng hindi unan ang kayakap ko. Saka hindi ko naman alam na nandito ka."

Nakapameywang na humarap si Lera kay Lucas. Napagkamalan siya nitong unan. Hindi iyon makatarungan.

"Papa, tara na po." Kapwa sila napaayos ng tayo nang sumulpot si Arim.

Kanina pa nais komprontahin ni Lucas si Lera kung bakit naroon iyon sa kan'yang condo unit subalit hindi niya magawa dahil abala ang babae sa pag-asikaso sa kanilang anak.

Kinuha ni Lera ang kan'yang bag. Mabuti na lamang ay may dala siyang ekstrang damit. Palagi niyang inaantisipa na bawat pagpunta niya sa condo ni Lucas ay makakatabi niyang muli ang anak sa pagtulog at kagabi nga ay nangyari iyon nang magpaalam sa kan'ya ang yaya ng anak.

Sumabay siya kay Arim sa paglalakad habang si Lucas naman ay nasa kanilang likod na magkasalubong na magkasalubong ang mga kilay. Magdamag na magkasama ang kan'yang anak at si Lera, kaya kitang-kita niya ang closeness nito. Minsan nga'y napapa