PAHINA 37

Pahina 37

"Hindi pwedeng tutunganga lang ako rito sa kwarto, kailangan kong makausap si Greg, tungkol sa ikinikilos ni Ivez na tugmang-tugma sa mga pasaring niya rito."

Kanina pa ako pabalik-balik sa paglalakad parito't paroon. Balisang-balisa ako ngayon. Nagsimula na akong magbihis at nag-ayos para nga puntahan si Greg, baka absent muna siguro ako ngayon sa bar.

Dali-dali kong isinilid ang telepono ko sa loob ng aking bulsa, pinihit ko na ang siradora nang bumungad sa akin ang mukha ni tita.

"Ay anak ng---tita?" mahinang pagkagulat ko.