Chapter 27

"Kailangan mo nang magpahinga." Tumayo na siya pero bago pa siya makaalis ay tinawag ko muna siya.

"Iyong bintana, p'wedeng pasara?" I said then he nodded.

"Ano pang kailangan mo?" tanong niya kaya napaiwas ako ng tingin at napalunok. Inaantok na rin naman na ako, e. Pero natatakot pa rin ako.

"Ikaw," sabi ko at ilang segundo pa ang lumipas pero hindi pa rin siya kumikibo kaya tiningnan ko na siya. Naistatwa lang siya sa kinatatayuan niya. "A-ang ibig kong sabihin, maaari bang dito ka na lang matulog? Tinakot mo 'ko, e," reklamo ko pero sana, huwag niyang bigyan ng malisya iyong request ko kasi natatakot talaga ako.

P'wede pa nga akong maniwala sa mga engkantong iyan kaysa sa makarating ako sa panahong 'to, e.

"Huwag kang mag-alala, wala akong gagawing masama sa iyo," sabi ko pa pero hindi pa rin siya kumibo. Nabigla ko yata talaga siya.

Sabagay, awkward na nga sa panahon nila na magkasama ang babae at lalaki sa labas, what more ang magkatab