Chapter Twenty-eight

Sa hindi na mabilang na kung ilang beses ay sumulyap ulit si Zayn Eros sa labas ng bintana ng sasakyan ng kapitan. Wala pa rin siyang makitang bakas ni Eleuthera.

Matapos kasing alalayan nitong umalis si Scout ay naglaho ang dalawa sa dilim kaya hindi na niya nasundan kung saan ang mga ito nagtungo. Hindi rin kasi niya mapigilan ang sarili na makiusyoso sa kung anong hakbang ang gagawin ng kapitan sa myembro ng kino-command nito at siyang halatang umiibig kay Eleuthera.

Sa tulong niya ay nadala nila ni Auden ang mga kasamahan nito sa kotse ng lalaki. Kahit nga lasing si Auden ay nagawa nitong kargahin na parang sako si Lennox habang siya ay kinarga na lang ng bridal style si Piper na magaan naman at hindi naman siya pinahirapan.

Sa labas ng kotse ay makisig na nakatindig si Auden na daig pa ang security guard ng isang malaki at striktong kompany at sa nagbabantay sa isang presedente o maharlika sa pagmamasid nito sa paligi