CHAPTER 3

Nagising na lang sila noon. Parehas na walang saplot kaya gulat na gulat si Zyra. Hindi na niya maalala kung ano ang nangyari sa kanila ng lalaking katabi niya. Nagmadali siyang magbihis para makaalis na pero pilit siyang pinipigilan ni Gaustav.

“Why? Hindi mo ba nagustuhan kung ano ‘yong nangyari sa atin kagabi? I’ll admit, nagustuhan ko talaga iyon and I’m hoping another one,” deretsahang sabi ni Gaustav na labis na kinagulat ni Zyra.

“Really now? Alam mo, kung ano man ‘yong nangyari sa atin, wala na iyon. Ibaon mo na sa limot dahil kahit kailan ay hindi na kita makikita pang muli. Pangako iyan,” sagot ni Zyra.

“Are you sure? What if I tell you that I want to get you pregnant, Ms. Zyra Bermudez?” sabi ni Gaustav kaya agad siyang sinampal ni Zyra.

“Ouch! Why? Ginusto mo naman kung anong nangyari kagabi, ‘di ba? Bakit ngayon, nag-iba yata ang ihip ng hangin?” sabi ni Gaustav, hawak pa riin niya ang kanyang pisngi dahil sa sampal ni Zyra sa kanya.

“Maybe I wanted it but I will never do that again!” sigaw ni Zyra pagkatapos ay inayos na ang kanyang sarili para makaalis.

“I will give you 10 billion pesos. Have a kid with me and be my wife,” malinaw na sabi ni Gaustav, sa mga linyang iyon ay para siyang nag-uutos kay Zyra.

“Nasisiraan ka na ba? Kakakita lang natin kagabi sa bar, gusto mo na agad akong maging asawa? No way!” sigaw ni Zyra pagkatapos ay lumabas na siya ng condo ni Gaustav.

Nang siya ay naglalakad na ay bigla namang tumunog ang cellphone niya. Sinagot niya iyon nang hindi natingin kaya rinig na rinig sa kabilang linya ang inis na kanyang nadarama.

“Hello?! Ano ba iyon? Ang aga-aga ay tawag agad kayo nang tawag-” hindi na natapos ni Zyra ang kanyang sasabihin dahil sumagot agad ‘yong tao sa kabilang linya. Takot na takot ito at iyak nang iyak.

“Z-Zyra, anak? Si Leo! Hinuli ng mga pulis kagabi. Nagnakaw daw ang kapatid mo. Sinabi naman niya sa akin na hindi niya raw iyon ginawa. Niloko raw siya ng kasamahan niya sa trabaho!” sabi ni Cynthia.

“Po? Paano naman po nangyari iyon? Sige, i-text niyo po ako kung saang presinto para mapuntahan ko po agad. Huwag na po kayong umiyak, ‘nay. Ilalabas natin si Leo sa kulungan. Pangako iyan,” sagot ni Zyra pagkatapos ay pinatay na ang tawag.

Ang hindi niya alam ay nakikinig pala si Gaustav sa di kalayuan. Nalaman tuloy nito na kailangan ni Zyra ng pera pampyansa sa kanyang kapatid. Nagulat na lang si Zyra nang may magsalita sa likod niya.

“You need money? Accept my offer. Hindi mo lang mailalabas sa kulungan ang kapatid mo. Mabibigyan mo rin siya ng magandang buhay. Pwede ko pa nga siyang bigyan ng trabaho.

Humarap naman si Zyra kay Gaustav. Ang mga mata nito ay galit pa rin sa kanya.

“Sa tingin mo, ganoon lang kadali ang lahat? Ibebenta ko lang ang sarili ko sa iyo, tapos okay na ang buhay ko? Ni hindi nga kita kilala. Ang alam ko lang, nagkaroon tayo ng one night stand! Iyon lang iyon. So please, hayaan mo na ako sa problema ko!” sigaw ni Zyra.

“Okay, bumalik ka na lang kapag kailangan mo na ang pera ko. This is my contact number in case hindi mo ako madatnan dito sa condo ko,” sabi ni Gaustav pagkatapos ay binigay na kay Zyra ang kanyang calling card.

Tiningnan lang iyon ni Zyra pagkatapos ay nilagay sa wallet. Hindi na nga niya nakuhang lingunin si Gaustav dahil gusto na talaga niyang puntahan si Leo para makausap ito.

Pagdating sa presinto ay agad niyang nakita si Leo, kasama nito si Cynthia. Nakikiusap sila sa mga pulis na palayain na si Leo dahil wala naman daw itong kasalanan sa nangyari.

“Nay, nandito na po ako. Ano po bang nangyari?” may pag-aalalang tanong ni Zyra sa kanyang ina.

"O, anak. Bakit ba hindi ka umuwi kagabi? Anong nangyari sa iyo? Hindi kita matawagan. Dinadakip na nga itong kapatid mo tapos nawawala ka pa. Para na akong mababaliw!” sabi ni Cynthia.

“A-Ah, nakitulog po kasi ako sa isang kaibigan. E, na-lobat po ang phone ko kaya kanina lang po nagbukas. Pasensya na po kayo kung ngayon lang ako dumating,” sagot naman ni Zyra, inis na inis siya sa kanyang sarili dahil kailangan pa niyang magsinungaling sa kanyang ina.

“Anak, kapag ganoon naman ay maki-text ka sa kaibigan mo ha? Para hindi doble-doble ang pag-aalala ko sa inyo nitong si Leo. Pero, anak. Paano ito? Mukhang ayaw talaga nilang maniwala na walang kinalaman ang kapatid mo roon sa nakawan,” sabi ni Cynthia, iyak na ito nang iyak.

“Nay, gagawa po ako ng paraan ha? Alam kong kailangan muna nating magtiis pero gagawan ko ito nang paraan. Ako pa ba? Hindi ko naman pababayaan si Leo,” sagot ni Zyra.

“Salamat, anak. Napakabait mo talaga. Ang swerte ko dahil ikaw ang kapatid ni Leo,” sagot naman ni Cynthia sa kanyang anak pagkatapos ay niyakap itong mahigpit.

Pilit na ginawan ng paraan ni Zyra ang pagkakakulong ni Leo. Humiram pa nga siya sa lahat ng kanyang kaibigan, unang-una na si Lenie pero hindi pa rin iyon sapat dahil lahat ng pagnanakaw na ginawa noong katrabaho ni Leo ay siya ang sumalo. Patong-patong tuloy ang kaso sa kanya.