Sold To A Billionaire

Masayang nag-uusap sina Zyra at Lenie sa isang coffee shop malapit sa Ramirez Group of Companies. Halos isang oras na silang nakatambay doon nang biglang nakita ni Zyra ang kanyang boyfriend na may kasamang iba. Hindi agad nakita ni Jeremy si Zyra dahl malayo ang dalawa sa pinto ng coffee shop.

Gulat na gulat si Lenie nang makita si Jeremy. Agad siyang napatingin sa kaibigan dahil alam niyang ito ay boyfriend ni Zyra. Biglang tumayo si Zyra para puntahan ‘yong dalawa kaya sumunod agad si Lenie sa kanya.

“Really now, Jeremy? Dito mo pa talaga dinala ang babaeng iyan sa coffee shop malapit kung saan ako nagtatrabaho? Binabalandra mo ba talaga sa akin na may iba ka?” sabi ni Zyra, nagulat naman si Jeremy nang makita ang kanyang girlfriend.

“A-Ah, Let me explain, Zyra. Sinamahan ko lang si Kristine to meet her friend. Baka kasi-” hindi na natuloy ni Jeremy ang kanyang sinasabi dahil sinampal agad siya ni Zyra.

Agad namang tumayo ‘yong babae para harapin si Zyra. Galit na galit ito kahit sila na ang nanakit. 

“How dare you! Wala namang ginagawa sa iyo si Jeremy! Isa pa, ex-girlfriend ka na niya, hindi ba? Bakit nangingialam ka pa sa amin?! Right, Jeremy?” sigaw noong babae, wala siyang pakialam kahit na nakatingin na ‘yong ibang tao sa coffee shop.

“Ah, kaya pala ang lakas niyong lumabas sa public place. Iyon pala ang sinabi niya sa iyo. Oh, well. Nakikita mo naman siguro ‘yong singsing na ‘to sa kamay ko, hindi ba? Binigay lang naman sa akin ito ni Jeremy dahil ikakasal na kami!” sagot ni Zyra roon sa babae, pansin namang nagulat ito at walang alam sa sinasabi ni Zyra.

“No! That is not true. He promised me na ako ang papakasalan niya! ‘Di ba, Jeremy? Ako lang ang babae sa buhay mo?” tanong noong babae pero ramdam sa kanyang boses ang pangamba.

“Y-Yes. I-Ikaw lang ang babaeng papakasalan ko. Wala nang iba,” nauutal na sagot ni Jeremy. 

Doon na sumabog si Zyra at nasampal niya ang kanyang pinakamamahal. Pagkatapos noon ay hinila niya ang buhok noong babae palabas ng coffee shop. Nakita tuloy nang iba pang nadaan ‘yon at pinagtawanan ang pangyayari. Agad naman siyang sinundan ni Lenie.

“Go, Zyra! Go! Gawin mo lang ang nararapat sa mga ganyang klase ng babae!” cheer ni Lenie.

“Zyra, matagal ko nang tinapos kung anong meron tayo ‘ di ba? Alam mo iyan. ‘Yong singsing na suot mo, matagal na iyang walang bisa. Hayaan mo na kami ni Kristine na maging masaya. Please?” pagmamakaawa ni Jeremy.

“Oo, alam kong nakikipaghiwalay ka na sa akin noon. Pero, nitong nakaraan lang ay nagbabalak tayong ayusin kung anong nasira natin, hindi ba? Nangako ka sa akin. Sabi mo, susubukan natin ibalik ang dati! Kaya, umasa ako Jeremy!” sigaw ni Zyra, sa pagsigaw niya ay lalo pang nahigpit ang hawak niya roon sa buhok noong babae.

“Please, Jeremy. Kausapin mo siya! Ayaw kong makalbo ako sa harap ng maraming tao!” sigaw noong babae.

“Zyra, alam kong mali ako roon. Hindi na dapat ako nagsabi sa iyo kung hindi ko  rin naman matutupad. Pero, totoo iyon. Makikipagbalikan sana ako sa iyo kaso biglang sinabi sa akin ni Kristine na buntis siya. Pasensya ka na kung mas pipiliin ko sila kaysa sa iyo,” nakaluhod na sa harapan ni Zyra si Jeremy, naiiyak na rin siya.

Napabitaw na si Zyra sa buhok noong babae nang malaman niyang buntis ito. Parang bumagsak ang kanyang mundo, hindi alam kung ano ang isasagot niya kay Jeremy.

“B-Buntis siya? I-Ilang buwan?” nauutal na tanong ni Zyra.

“Tatlong buwan na, Zyra. Kaya, nakikiusap ako. Hayaan mo na kami ni Kristine na maging masaya. Promise, hindi na ako magpapakita sa iyo kahit kailan. Basta, huwag mo lang siyang patulan ngayon,” sagot ni Jeremy.

Wala nang sinabi si Zyra noon. Sinampal na lang niya nang sinampal si Jeremy. Tinanggap naman iyon noong lalaki dahil alam niyang siya ay nagkamali. Dahan-dahan na inalalayan ni Jeremy ‘yong babae. Kitang-kita naman na inis na inis ito sa mga taong nadaan.

“What? Ngayon lang ba kayo nakakita ng dalawang babae na nag-aaway? Oo na, kabit kung kabit! Masaya na kayo?!” sigaw noong babae.

“Hey, umalis na tayo rito. Ang dami nang nakatingin sa atin. Hindi ka ba nahihiya?” sagot ni Jeremy.

“Ikaw, hindi ka ba nahihiya na pinagsabay mo kami? You told me na nakipaghiwalay ka na sa kanya bago mo pa malaman na buntis ako! Tapos malalaman ko ngayon na gusto mo palang ayusin ‘yong relasyon na meron kayo?!” sigaw noong babae.

“Ikaw na nga ang pinili, ‘di ba? Let’s go! Sa bahay na tayo mag-usap dahil stressed na ‘yang bata sa tiyan mo!” sigaw ni Jeremy.

Iyak na iyak si Zyra nang pumasok sa coffee shop para kunin ang gamit niya. Sumunod naman si Lenie sa kanya. Hindi niya lubos maisip na ‘yong lalaking limang taon na niyang kasama ay mapupunta pala sa iba. Hindi na tuloy niya alam kung paano ulit magsisimula.

“BFF, kalma ka lang. Babalik pa tayo sa RCG. Hindi pwedeng makita ka nilang ganyan. Mamaya mo na lang iiyak ang lahat, ha? Mag-iinom tayo mamayang gabi! Treat ko!” sabi ni Lenie.

“Lenie, kaya ko rin namang mabuntis, ‘di ba? Bakit hindi na lang ako ang binuntis niya? Sa iba pa talaga! Tapos, sabi niya tatlong buwan na raw ‘yong bata sa tiyan, eh dalawang buwan pa lang kaming hindi nagkakaintindihan!” sabi ni Zyra, ni hindi pinansin ang sinabi ni Lenie.

“Alam mo, hindi ko rin iyan masagot. Noong niloko ako ni Dexter, nawala rin ako sa sarili. Feeling ko, may kulang sa akin. Iyon pala, hindi lang talaga siya marunong makuntento,” sagot ni Lenie.

“Hay. naku. Buti na lang talaga dahil may Alexis Ramirez na sumalo sa iyo. Ako, kailan kaya? Wala naman sigurong bilyonaryo na magkakamali sa akin,” sagot ni Zyra, natatawa pa.

Alam ni Lenie na sobrang hirap noon para sa kaibigan. Bukod kasi sa engaged na ito kay Jeremy ay buntis pa ‘yong babaeng pinalit sa kanya.  Sobrang bigat talaga ng sitwasyon ni Zyra. 

Pagbalik nila sa RCG ay inayos ni Zyra ang kanyang sarili. Ayaw din naman kasi niya na maging topic ng mga chismosa roon.  Sinabihan niya si Lenie na kung maaari ay huwag na sanang kumalat pa kung ano man ang nangyari roon sa coffee shop.