Chapter 16

"SERYOSO po ba kayo? Itong malaking bahay na ito ang regalo niyo kay Aliyah?" gulat na gulat at tila hindi makapaniwalang tanong ni papa kay Mr. Saavedra ngayon.

Bago niya nga ihatid sila mama at papa sa bahay ay may dinaanan muna kaming isang private subdivision. Ilang ikot lang ang ginawa niya bago siya tumigil sa isang bahay at ipinababa kami doon.

"Yes, since this is the first work of Aliyah in my company, I want to congratulate her and give her a gift. This house." sagot ni Mr. Saavedra at kinuha ang isang susi sa kanyang bulsa at maya-maya nga lamang ay binuksan ang pintuan ng bahay.

"Wow! May gamit na din dito sa loob. Eh di bigay mo na din ito sa kanya?" tanong ulit ni papa patungkol sa mga gamit sa bahay. Tila manghang-mangha ito.

Kumpleto na ang bahay na ito sa gamit. Mula sa living room na may malaking flat television at chandelier sa kisame hanggang sa dining room na may tila kabinet na refrigerator at mahabang lamesa.

"Eh hindi ba stay in ang anak ko sa kompanya mo, p