Chapter Twenty-eight

Tahimik lang ang babae na kumakain katapat ko. Magana pero tahimik. Nahihirapan siyang gumamit ng kutsara sa pagkain kaya tinuruan ko pa siya. Nahuli kong tumingin sa gawi namin ang isang waiter, binabantayan ang kasama kong pulubi, natatakot na baka baliw ito at gumawa ng gulo sa loob ng restaurant.

"Rebekah," nagsalita ako.

Huminto siya sa pagkain at tumingin sa akin, puno pa ang bibig. "Po?"

"Rebekah muna tatawag ko sa'yo kung wala kang pangalan." Tumango-tango ako sa sarili ko.

Mabilis siyang ngumuya para makasagot sa akin. "Sige po."

"Hindi mo ba 'ko tatanungin kung bakit Rebekah?"

Umiling siya. "Mas maganda 'yong Rebekah kaysa sa Baliw na pangalan."

"Sabagay." Kumain na rin ako kasabay niya. Iyon lang ang unang pangalan na pumasok sa isip ko dahil iyon ang pangalan ng babae sa huling movie na napanood ko nakaraan.

We were in the restaurant called Sweet and Delicacies, maganda at pangsusyalin na restaurant, masarap din ang mga pagkain pero mahal. Pero may credit card ako