Chapter 30

Hindi mawala-wala sa isip ni Laura ang napag-usapan nila ni John. Ibig sabihin magkikita na sila ng misteryosong CM na iyon? Pero bakit silang dalawa lang?

Pasalampak na naupo siya swivel chair at hinarap ang mga papeles. Monday ngayon, marami-rami siyang gagawin para sa nagdaang linggo.

Hindi pa man nag-iinit ang puwet niya ng makatanggap ng tawag sa mismong telepono niya. Unknown number kaya hinayaan niya lang hanggang sa mamatay iyon.

Ilang sandali pa ay nakatanggap siya ng mensahe na nagmumula sa numerong iyon. Napa-angat siya ng kilay ng mabasa ang pangalan na inilagay nito sa dulo ng mensahe. Love, CM.

Natawa siya ng mahina. Seriously? Mukhang pinagloloko siya nito. Binasa niya ang buong mensahe nito.

Napangiwi siya sa banta nito sa kaniya. Hahalikan daw siya nito kapag nalaman nitong nag-jogging siya na ganoon ang suot.

Namalayan na lang niya ang sariling nakangiti na naman. Parang masarap sa pakiramdam na may nagbabawal sa kani