Chapter 15

“I swear in my life, Nancy,” ani Stephanie. “If you harm her in any way, I’m going to ki.ll you right here, right now!”

Ang tanging nagpipigil na lamang ngayon sa dalaga na sugurin ang babaeng kaharap ay ang kapakanan ni Avaluan. Hindi pa rin kasi niya nakikita ito at hindi siya sigurado kung nasa mabuti ba siyang kalagayan.

Ngunit sa oras na bigyan siya ni Froilan at Wyeth ng hudyat na ligtas na si Avaluan, wala na siyang pakialam sa kung ano ang mangyayari kay Nancy at sa mga tauhan nito.

Nasa isa silang construction site. Walang ibang gamit sa paligid kung hindi ang mga semento at hollow blocks na ginagamit ng mga construction worker. Halos patapos na rin ang konstruksyon sa paligid kaya ang ilang mga silid ay may pinto na.

Hinuha ni Stephanie, nasa isang silid si Avaluan ngayon. Ang malaking tanong na lang ay kung nasaan ito at kung ligtas ba siya.

Napatingin siya kay Nancy nang magsalita ito. “Calm down, tigress. Nasa mabuting kalagayan ang iyong iniirog.” Natawa pa siya nang ban