Chapter 8

"Tita, kailangan po ba talaga gan'yan kaganda ang stage?" Tanong ko kay Tita Merly habang pinapanood namin ang mga nagdidisenyo ng stage.

"Ano ka ba naman Ivory, gan'yan talaga kapag debut. Magarbo. Stage pa lamang 'yan, hintayin mo matapos nilang lahat 'yan." Ani Tita Merly.

Dumating ako sa bahay ni Tita Merly na maraming tao at maraming mga nagkalat na kurtina at mga lamesa. Sabi ni Tita pinaayos na raw n'ya ngayong gabi, para raw bukas ay konti na lamang ang gagawin ng mga ito.

May dalawang klase ng magarang gown ang ipinasukat ni tita. Ang isa raw ay para sa simula, at ang isa ay sa kalagitnaan na ng program.

Umakyat muna ako sa aking kwarto at hinanap ang aking cellphone. Ilang buwan na ako rito pero de keypad pa rin ang gamit ko. Mas madali naman ito gamitin pantext.

"Hello Nay!" Masigla kong bungad sa kausap.

[Oh anak! Buti napatawag ka. Kumusta ka na?]

"Ayos lang po ako inay. Medyo busy lang po talaga kaya hindi ako makatawag ng madalas." Sabi ko kay Nanay.

[Ganoon ba, ayos la