EPILOGUE

JACOB’S POV

“Aminin mo na pare, kaya mo siya gusto kasi nakikita mo sa kaniya si Gabriella,” saad ni Martin habang kasalukuyan kaming nag-iinuman sa labas ng condo niya. May balcony roon na maliit at iyon ang ginagawa naming tambayan sa tuwing magyayaya siya ng inom.

Gustuhin ko man siyang yayain na uminom sa labas, tumatanggi siya dahil ayaw niyang mag-alala si Kathy sa kaniya. Such a loyal man to her woman. Like I am for my first love, Gabriella Mari Benitez Del Rio.

Umiling ako sa sinabi ni Martin at inabot ang panibagong bote ng alak at binuksan iyon.

“Ang tagal na noon, pare. Hindi ka pa talaga nakaka-move on? Have you even bed other women? Kasi ako, hindi ako naniniwala sa mga balita lalo na yung galing lang sa mga tabloids. Laman ka palagi no’n eh.”

Mahina akong tumawa.

“Yung totoo, pare? Virgin ka pa yata eh!”

Inis na kumuha ako ng piraso ng popcorn at binato ko iyon sa kaniya.

“Siraulo. Siyempre hindi na. I had tried that too.”

Umangat ang kilay ng kaibigan ko.

“Oh, bakit par