CHAPTER 88: THE GOOD DAUGHTER

Kinabukasan ay maaga kaming nakarating ni Kuya Aaron sa diner na napili nina Tito Regan para sa meet-up ng aming pamilya. Si Papa nga sana ang mamimili ng lugar dahil alam naman niya ang mga gustong pagkain ni Lolo, pero mapilit si Tito Regan na doon nalang kami sa napili niya, dahil ayon sa kaniya, iyon ang paboritong kainan ni Lolo kapag pumupunta sila ng Metro Manila.

“Kuya, sa tingin mo ba, ito talaga ang paboritong kainan ni Lolo?” tanong ko kay Kuya Aaron pagkababa namin ng sasakyan niya.

Mataman niyang pinagmasdan ang pangalan ng diner na iyon at nag-isip.

“Maybe? I don’t know. Wala naman akong gaanong alam kay Lolo dahil hindi naman ako lumaking malapit sa kaniya. You know the story, right? Lumaki ako kina Lolo Arthur kaya mas kilala ko sila kaysa kay Lolo Raoul.”

Napanguso naman ako.

“Ganoon ba? Sayang naman. Siguro kung hindi ako nawala, alam na alam ko na kung anong mga paborito ni Lolo Raoul.”

Naningkit ang mga mata ni Kuya Aaron sa akin.

“Bakit? May ginawa ba akong masama