Dahan-dahan niyang idinilat ang mga mata nang marinig ang matigas na boses na iyon. Nakita niyang napigilan pala ni Sean ang kamay ng pinsan niya bago pa iyon dumapo sa mukha niya."Isa ka pa! Manloloko! Andaling bilugin ng ulo mo. Akala mo ba inosente itong pinsan kong ito, ha? Mang-aagaw ito at malandi!" Nagwawalang sabi ni Carrie na pilit binabawi ang kamay nitong hawak ng lalaki.Hindi iyon binibitiwan ni Sean. Bumaling ito sa kapatid niyang nakatulala rin sa pangyayari."Mr. de Lara, please take her away from here," utos nito sa kapatid niya kasabay ng paggalaw ng leeg nito na nagtuturo sa labas.Tiningnan siya saglit ng lalaki para ipaalam sa kapatid niya na siya ang tinutukoy nitong dalhin palayo sa lugar na iyon.Napakurap-kurap lang ang kapatid niyang nakatingin sa boss nito."Mr. de Lara!" Medyo napalakas na ang boses ng lalaki para pukawin ang diwa ng kapatid niya lalo pa't pilit pa rin siyang inaabot ni Carrie.Dalawang kamay na nito ang itinataas sa ere at parang gustong
Nang mapahupa na niya ang pagwawala ni Carrie sa tulong ng mga magulang nito ay mabilis na nilapitan niya si Joshua."Where did you take her?" Ang tinutukoy niya ay ang babaeng pinagdiskitahan ni Carrie pagkatapos niyang ianunsiyo na walang kasalang magaganap.Nakatanga lang si Joshua sa kanya na parang lutang."Mr. De Lara!" Gusto na niyang mainis dito.Napatingin pa siya sa mga bisitang isa-isa nang umalis sa bahay ng babaeng pakakasalan niya sana. Ang iba sa mga iyon ay tinatapunan siya ng masamang tingin but he doesn't care at all."S-she's actually my sister, S-sean. I mean, S-sir."Siya naman ang napatitig sa mukha ng empleyado ng kompanya nila. Kapatid nito ang babaeng iyon?Napakunot-noo siya. Alam niyang malaki ang sweldong natatanggap ni Mr. De Lara bilang accountant ni Mr. Rado na isa sa mga kasosyo niya sa kompanya.Paanong nagawang ibenta ng kapatid ni Mr. De Lara ang pagkababae nito gayong maganda naman ang trabaho ng lalaki?Sumagi kasi sa isip niya na baka nga dala n
Pinatayan na siya ng phone ni Yazmin. Gusto niyang sanayin ang sarili na tawagin ito sa totoo nitong pangalan dahil desidido siyang mapapayag ito sa alok niya.Dumiretso siya sa library pagkarating ng bahay. Agad na kinuha niya ang isang bote ng alak at nagsalin sa baso bago umupo sa harap ng mesa sa loob ng library. Doon siya madalas tumatambay kapag may mga tinatapos siyang trabaho pagkatapos ng office hours. Hindi niya ugaling mag-overtime sa opisina dahil ang library sa bahay niya ang nagiging parang opisina niya kapag nando'n siya.Pabagsak na umupo siya at tinungga ang alak nang diretso habang binubuklat ang folder na kinuha sa drawer.Binasa niya uli ang nakasulat doon. Iyon ang kopya niya sa last will and testament ng amang namatay last year.Gusto niyang patawarin ito sa lahat ng mga kasalanan nito no'ng ito'y nabubuhay pa pero hindi niya makapa sa puso ang pagpapatawad na iyon. Saksi siya sa pasakit na pinagdaanan ng Mama niya hanggang sa namatay ito dahil sa matinding depre
Maaga siyang bumiyahe pauwi sa kanila. Hindi rin naman kasi siya nakatulog nang maayos. Hindi niya alam kung nakauwi na ang mga magulang niya o ando'n pa rin ang mga ito sa bahay ng Tita Ellen niya. Buong gabi yata niyang pilit isinasaulo ang paliwanag na gagawin sa mga ito pero hanggang sa mga oras na iyon ay hindi pa rin niya alam kung paano ipapaliwanag ang nangyari.Alangan namang sabihin niyang nakilala niya ang lalaki sa bar at may nangyari sa kanila nang gabi ring iyon?Bahala na...Nakatayo siya sa labas ng kahoy na tarangkahan nila at nagdadalawang-isip pa rin na pumasok. Mag-aalas diyes pa lang ng umaga nang dumating siya. Pumikit pa siya bago niya binuksan ang tarangkahan nila.Napatingin siya sa mga damit na nasa labas ng bahay nila.Mga gamit at damit niya ang mga iyon!Basta na lang nakakalat ang mga iyon sa lupa katabi ng isang malaking maleta na walang laman. Mas lalo siyang nabahala sa nakita. Alam niyang magagalit talaga ang mga magulang niya sa kanya kahit hindi pa
Wala siyang nararamdamang sumusunod sa kanya kaya't nagmamadaling naglakad na siya. Nakakailang hakbang pa lang siya nang matigilan. Papunta kasi sa kanya si Dino. Ngayon lang talaga sila nagkaharap muli pagkatapos ng ilang linggo."Yaz..." Pagkabanggit pa lang ng pangalan niya ay nagsusumamo na agad ang boses nito.Kailangan ba talagang sirain ng dalawang lalaki ang araw niya o buong buhay niya?!Ito naman ang natigilan nang mapansin ang mga mata niya at ang dalang maleta."Saan ka pupunta? Galing ka ba sa pag-iyak?" Nag-aalalang tanong nito."Huwag ngayon, Dino. Pagod ako. Huwag mo muna akong kulitin," nahahapong sagot niya na iniiwas ang katawan sa lalaki."Yaz, we need to talk." Pilit na hinaharangan nito ang daan niya.Napahugot siya nang malalim na hininga."Marry me this instant, please."Oh my! Ilang alok ng kasal ba ang matatanggap niya sa araw na iyon?"Please, Yaz... Pagkatapos ng kasal natin ay magpakalayo-layo tayo rito."Napatitig siya sa mukha ng dating nobyo. Kitang-ki
"Are you done sulking?"Napapitlag pa siya sa baritonong boses na iyon. Nawala sa isip niya na nasa loob pala siya ng sasakyan nito habang busy ang utak niya kina Mhariel at Dino.Saka lang niya napansin na parang kanina pa yata nila nilagpasan ang terminal. Agad na bumaling siya sa lalaking nagmamaneho."Bakit hindi mo ako ibinaba sa terminal?" Kumunot pa ang noo niya nang itanong iyon.Luminga lang ito saglit sa kanya bago sumagot."Do you even know where to go?" Itinuon na uli nito ang tingin sa daan.Natahimik siyang muli."Just as I thought," agad na dugtong ng lalaki.Biglang bumalik ang inis niya rito. Parang gusto niyang ibuhos dito ang lahat ng nararamdaman niyang galit kay Dino at Mhariel."It's none of your business! Ibalik mo ako sa terminal or kakasuhan kita ng kidnapping!"Pumalatak lang ito saka tumawa nang mahina na hindi man lang tumingin uli sa kanya."Fine! Itigil mo ang sasakyan at bababa ako!" Mas lalo siyang nainis dahil sa reaksiyon nito."I get it. You're too e
"I'm sure, Mister... S-sean, maraming babae ang willing magpakasal sa'yo. Hindi ko maintindihan kung bakit sa akin mo inaalok iyan. Hindi ko rin alam kung bakit kailangang magpakasal ka agad-agad after mong ikansela ang kasal ninyo ng pinsan ko. Nanghihinayang ka ba sa nagastos mo sa wedding preparations kung meron na nga kaya't gusto mong matuloy pa rin ang kasal mo kahit sa ibang babae na?" Hindi niya mapigilang itanong.Nagtataka kasi siya kung bakit kailangan pa nitong mam-blackmail para lang pumayag siyang magpakasal dito. Hindi sila magkakilala talaga at ang kasal ay isang bagay na hindi mo basta-basta inaalok kung kanino lang.Tumawa ito sa sinabi niya."Do you think I care about the money? Kaya kong pakasalan ang ilang babae nang sabay-sabay nang hindi mag-aalala sa gastos. I'm not bragging but I'm stating a fact. Truth is I never ever want to get married kung ako lang ang masusunod."Mas lalo siyang naguluhan sa sinabi nito. Ayaw naman pala nitong magpakasal."Then why...""I
Hindi siya pumayag na sa bahay nito sila mag-usap kaya't sa isang restaurant na lang siya dinala nito.Hindi pa siya handang tumungtong uli sa bahay nito dahil alam niyang mas magiging awkward iyon sa kanilang pareho. Maalala na naman nila ang isang gabi ng kapusukan dahil sa bahay nito iyon nangyari.Juice lang ang inorder niya pero andami nitong inorder na pagkain kaya't napilitan na rin siyang sabayan ito. Pagkakain ay pinaligpit muna nito ang pinagkainan nila sa isang waiter saka ito humingi ng papel at ballpen.Nagtaka pa siya nang iabot nito iyon sa kanya."You can write the things that you want to be included in our deal on that piece of paper."Walang imik na kinuha niya naman iyon. Nakita niyang may papel at ballpen din ito at nagsimula nang magsulat. Naisip niyang mabuti nga iyon at nang magkalinawan silang pareho. Abala na siya sa pag-iisip ng mga bagay na gusto niyang mailagay sa kung ano mang kontratang meron sila. Napatingin pa siya rito nang wala pang sampung minuto