KABANATA 53

Kanina pa nagpaalam si Bianca pero nang tingnan niya si Sean ay parang nasa Cloud 9 pa rin ito.

Maya't-maya kasi ang biglang pagngiti ng lalaki, tapos ay napapatitig pa sa picture sa ibabaw ng mesa nito.

Gusto niyang pumikit at magbulag-bulagan sa mga nakikita pero iyong sakit sa puso niya ang ayaw magpatahimik sa kanya.

Kung pwede nga lang ay kanina pa siya nag-walk out.

Bakit kailangang may nararamdaman na siya sa lalaki saka niya nasaksihan ang lahat ng ito? Kung nauna siguro ang pag-uwi ni Bianca, kung umuwi sana ito no'ng wala pa siyang nararamdaman kay Sean ay baka napigilan na niya agad ang damdamin.

Kahit wala sa trabaho ang isip ay pinipilit niyang mag-focus do'n at baka mahalata pa siya ni Mrs. Nieves.

Malapit nang mag-uwian. Hindi tuloy niya alam kung sasabay sa pag-uwi si Sean o hindi.

Eksaktong alas singko nang tumayo na si Sean bitbit ang gamit nito. Lumapit ito sa mesa niya. Akala niya ay aayain na siya sa pag-uwi pero magpapaalam lang pala ito.

"Mang Rogelio is waiti