CHAPTER 46

‘’Alam ko na friend kung ano ang gagawin natin para maging okay na ulit ang friendship nating apat,’’ sabi ni Dansel sa kanya habang nakangiti. Tulad niya ay mukhang desperado na rin ito, lahat na lang ay gagawin para manumbalik ang friendsip nila.

Miss na ,miss niya na ang dating sila, na miss na niyang kasama si Athena, si Amy at na miss niya ng magkasama silang apat lalo na sa mga friendship dates nila.

‘’pano kaya kung gayahin natin ang ginawa ni DJ? Ang pagsuyo niya sayo, susuyuin din natin sina Athena at Amy’’ pukaw ni Dansel sa katahimikan ni Dianne, okupado kasi ang isip niya sa mga ala-alang magkasama pa silang apat.

‘’Effective kaya yan?’’ tanong ni Dianne.

Nakita niyang umiba ang ekspresyon ng mukha ni Dansel.

‘’Seguro, naging effective sayo ang ginawa ni DJ di ba?’’ Wika ni Dansel na hindi maikakaila ang pagkadesperado nito sa mukha.

‘’Pupunta tayo sa kanilang bahay at magdala tayo ng karaoke at microphone, kung hindi tayo papasukin sa bahay nila. E, di sa labas na la