CHAPTER 47

Nang makita ni Athena na papalapit sa kanya si Gemma aymabilis niyang pinahiran ang luha sa pisngi at inayos ang mukha. Para hindi nito mahalata na umiyak siya.

‘’Athena. Pwede mo bang kausapin ang mga kaibigan mo sa labas?’’ tanong ni Gemma sa kanya ng makalapit ito.

‘’Baka kasi makaisturbo sa mga kapit-bahay dahil maingay, nakakahiya sa mga kapit bahay nyo,’’ dagdag pa ni Gemma.

Naisip ni Athena na tama nga si Gemma, nasa labas pa naman ng gate nila sina Dianne at Dansel.

Simula na maging magkaibigan sila ni Gemma ay halos araw araw itong nasa bahay nila.

Inutusan niya ang katulong na pagsabihan ang guard na pahintuin sina Dianne at Dansel. Kaya naman ginawa rin ng katulong ang sinabi ni Athena.

Napahinto sina Dianne at Dansel nang sabihan sila ng guard, malungkot at nagngingitngit ang damdamin ni Dansel habang inaayos ang mga gamit na ginamit nila sa kanilamg pagpapatugtog.

‘’Hindi ko talaga maintindihan kung bakit ganoon na ang turing sa atin ni Athena, parang wala tayong pinagsa