Chapter 64

Gusto ko siyang batukan. Halatang 'di marunong makiramdam, e'. Halata naman na may gusto sa kaniya si Zy o sadyang echosera lang talaga ako?

"Sige. Mag-ingat kayo," anito at saka ngumiti sa amin.

Tumango na lang ako at saka hinayaan na magpahila kay Am-Am.

Nang makarating kami sa parking lot ay agad ko siyang kinurot sa tagiliran niya ngunit hindi naman gano'n kasakit.

"Aray!"

"Ikaw talaga! Hindi ka ba marunong makiramdam?" tanong ko sa kaniya.

"What?!" He looked at me with his innocent eyes.

I just rolled my eyes to him.

"Anong 'what'?! Napakamanhid mo naman," ani ko.

"She's just my friend and I am just her friend... that's it," he murmured.

Nagkibit-balikat na lang ako bago nagpasiya na pumasok sa kotse.

Natigilan ako sa pagsusuot ng seatbelt nang mapansin na tila ibang sasakyan na ito.

"Hindi naman 'to 'yong sasakyan na ginamit mo kahapon, ah?" takang tanong ko sa kaniya.

"Nasiraan tayo ng sasakyan kahapon. Sasakyan 'to ng kaibigan ko na sumundo sa atin kahapon," paliwanag niya.