Chapter 11

Pagkatapos ng tagpong 'yon ay ipinagpatuloy ni Eleonor ang kaniyang paglalakad. Sa isang gilid na kung saan ay maraming tao ang nagku-kumpulan ay napansin niya ang kaunting kababaihan na naka-suot ng pormal na panamamit at may takong na hindi kataasan. Pagod na ang ekspresiyon sa kanilang mga mukha na nahalata ni Eleonor, ngunit pilit nila itong ikinu-kubli sa pamamagitan ng kanilang ngiti habang inaasikaso ang mga mamimili.

Ibinaling niya ang kaniyang paningin sa tapat ng kanilang glass door at doon ay nabasa niya na naghahanap sila ng mga Sales lady. Sa tingin niya'y disente naman ang ganitong trabaho kaya nag-isip siya nang mabuti.

At sa kaniyang pagbabalik sa kanilang pwesto ni Matilda'y naabutan niya'ng may hawak na itong mga supot ng damit at tsinelas. Saglit siyang napa-hinto dahil hindi niya inaasahan na may sapat na salapi pala si Matilda upang bilhin ang mga ganitong gamit.

"Nandiyan ka na pala.