Kabanata 5

LUNA AMARIS

Mabilis na akong sumakay sa sasakyan ko. Kinuha ko muna ang bag ko at tiningnan ang phone ko bago ako mag-drive at mariin akong pumikit nang makita ko ang mga missed calls ni Daddy. Naka-silent ang phone ko kaya hindi ko namalayan. Sigurado akong hinahanap na niya ako dahil hindi pa ako umuuwi. Kahit matanda na ako, istrikto pa rin sa akin ang ama ko na para bang may gagawin ako laging kalokohan. Mas may tiwala pa nga siya kay Candice kaysa sa akin. Kaya lagi siyang pinagmamalaki ni Tita Camille.

Mabilis na akong nag-drive pauwi. Siguro naman, hindi pa alam ni Daddy ang nangyari kaya hindi pa niya ako mapapagalitan maliban sa hindi ako nakauwi kagabi na pwede kong gawan ng paraan. Pagdating ko sa bahay namin ay nakita ko ang ama ko nanagbanasa ng dyaryo habang nakaupo sa sofa at hinihintay ako.

Nag-angat siya ng tingin at matalim na tingin ang binato niya sa akin kaya alanganin akong ngumiti sa kaniya.

“Naparami ang inom ko kagabi kaya nalasing ako. Hindi na ako nakauwi dahil sa hotel ako natulog,” mabilis na paliwanag ko kahit na hindi pa siya nagtatanong.

Hindi siya nakapunta sa party kagabi dahil nang umalis kami ay hindi pa siya dumarating galing Manila.

Mas tumalim ang tingin niya sa akin.

“Nalasing ka kagabi? Kaya ba nagawa mong makipagsiping sa lalaking may girlfriend na?” mababa ang boses ng ama ko pero may talim ang bawat salita niya.

Natigilan naman ako sa sinabi niya. Alam na agad niya ang nangyari. Nakita kong lumapit sa amin si Tita Camille. Sigurado akong siya ang nagsabi kay Dad. Maaring sinabi sa kaniya ni Candice at agad siyang nagsumbong sa ama ko. Sumbungera pa naman ang babaeng ito. Tuwang-tuwa siya palagi kapag napapagalitan ako ng ama ko.

“Dad, let me explain. Lasing talaga ako,” giit ko.

Kailangang panindigan ko ang kasinungalingan ko dahil malilintikan ako sa ama ko kapag nalaman niya ang totoo.

“Hindi ko alam ang nangyari, nang magising ako, nasa... nasa tabi ko si Theo... na-nagulat din ako.”

Aminado akong sanay na akong magsinungaling at magpalusot sa ama ko kaya kailangan ko lang galingan para mapaniwala ko siya.

Bumaling si Daddy sa asawa niya.

“Tawagan mo si Theo. Gusto ko siyang makausap,” mariing utos ng ama ko.

“Marcus, anong gagawin mo? Pipilitin mo siyang panindigan si Luna? Paano si Candice?” nag-aalalang tanong ni Tita Camille. Nag-aalala siya kay Candice.

“Pero hindi pwedeng hindi niya panagutan ang anak ko!” tumataas na ang boses ng ama ko kaya napayuko ako perp lihim akong napapangiti.

“Marcus, calm down. I think you better talk to Luna first. Kilala mo si Theo, he is a loyal man. Mahal niya si Candice, kaya paano kung wala talaga siyang kasalanan?”

Tumingin sa akin si Tita Camille na para bang sinasabi niya na ako ang tunay na salarin at dapat sisihin kaya tinaasan ko siyang kilay.

“If he is loyal, why did he sleep with my daughter?” galit na tanong ni Dad.

“Dad, I think kalimutan na natin ang nangyari. Tama naman si Tita Camille, mahal ni Theo si Candice. Siguro pagkakamali lang ang nangyari sa amin. Isa pa, alam ko naman na hindi ako mahal ni Theo kaya walang dahilan para panagutan niya ako,” mahinang saad ko para mas magmukha akong kawawa.

Marahas na napatayo ang ama.

“Kalimutan? You are my daughter, hindi ako papayag na kalimutan na lang ang lahat. Hindi pwedeng hindi siya managot sa nangyari sa inyo," matigas na saad ng ama ko.

"Marcus, kapag pinilit mong magpakasal si Theo kay Luna. Masasaktan si Candice. Paano siya? Hindi mo ba na naisip na ngayon pa lang ay nasasaktan na siya dahil sa nangyari. Isipin mo rin naman ang mararamdaman niya," pakiusap ni Tita Camille.

Marahas na napabuntong-hininga si Dad. Para bang nahihirapan siyang magdesisyon.

"Damn it." Tumingin sa akin si Dad.

"Luna, alam mong may relasyon na sina Candice at Theo, pero paano mo nagawang hayaang may mangyari sa inyong dalawa? Hindi ba dapat umiwas ka? O sinadya mo ang nangyari? Sinadya mong para makuha mo si Theo dahil hindi naman lingid sa ating lahat na gusto mo siya," pag-aakusa sa akin ni Tita Camille.

"Gaya ng sinabi ko. Lasing ako, nauna pa nga akong umalis sa party. I went to a hotel room to rest, then suddenly, someone is kissing me," paliwanag ko.

Totoo ang sinabi ni Tita Camille pero hindi ako aamin kahit na anong mangyari.

"You should push him away. Malan—"

"ENOUGH!" dumadagongdong ang boses na saad ng ama ko. Matalim ang mga matang tumingin sa akin si Dad. "Go to your room.” utos ng ama ko kaya mabilis akong tumango at nagtungo sa kwarto ko.

Hindi ko alam kung ano ang gagawin ni Dad, pero hindi ko mapigilang mapangiti nang makapasok na ako sa kwarto ko.

Talagang umaayon ang lahat sa plano ko.

Mabilis akong naligo at nagbihis ng damit ko. Saka ako lumabas muli ng kwarto ko. Nagtungo ako sa veranda at naupo doon. Ayon sa kasambahay namin ay umalis na raw ang ama ko.

Si Lolo Thomas at si Dad, pareho nilang gusto na panagutan ako ni Theo dahil sa nangyari kaya sigurado akong mahihirapan si Theo na balewalain ako mula ngayon. May mga kakampi na ako.

“Are you happy?”

Lumingon ako at nakita ko si Tita Camille. Humakbang siya papalapit sa akin at naupo sa tapat ko.

“Masaya ka ba sa ginawa mo? Sisirain mo ang isang masayang relasyon dahi sa pagiging selfish mo,” matalim na saad niya.

Hindi talaga kami magkasundong dalawa. Asawa siya ng ama ko pero hindi kami close.

“Masayang relasyon? Magiging masaya ba sila kung hindi dahil sa akin?” makahulugang tanong ko sa kaniya. “Binabawi ko lang ang dapat ay akin.”

She gave me a sarcastic smile.

“Wala ka nang babawiin, Luna. Sila na ni Theo, mahal na siya ni Theo. Kaya tantanan mo na ang pamangkin ko.”

“Magiging masaya ba sila kapag sinabi ko kay Theo ang totoo? Na ako iyon. Iyong nagbibigay ng mga encouraging messages sa kaniya dati, iyong nagligtas sa kaniya noong naligaw siya sa gubat. Ako lahat iyon, pero dahil sa kasinungalingan mo, sinabi mong si Candice. Kaya niya niligawan si Candice, kaya kung nasasaktan ngayon ang pamangkin mo, kasalanan mo,” paninisi ko sa kaniya.

Close naman kami ni Theo dati. We were friends, pero bigla siyang lumayo sa akin hanggang sa malaman kong sila na ni Candice. Hindi lang iyon. Nalaman ko na nagpanggap si Candice na ako. Iyong mga bagay na palihim kong ginagawa sa kaniya, lalo na kapag napapagalitan siya ni Lolo Thomas, lahat iyon, inako ni Candice. Ang gusto ko lang naman dati, tahimik na suportahan at pasayahin si Theo dahil ayaw kong malaman niya na gusto ko siya. Pero hindi ko akalain na may isang taong magsasabing siya ang gumagawa ng mga ginagawa ko at aagawin ang lalaking gusto ko.

Mananahimik na lang sana ako. Pero may isa pa akong nalaman kaya nagdesisyon akong agawin na lang siya. Maaring masaktan si Theo ngayon, dahil sa ginagawa ko pero mas mabuti na iyon para maka-move on agad siya at hindi na masaktan pa lalo kapag nalaman niya ang totoo.

“Yes, maaring nagsisinungaling ako para mapansin ni Theo si Candice pero mahal na niya ngayon si Candice at wala ka nang magagawa doon. Move on, Luna. Hindi mo na siya mababawi pa.”

Nagtama ang mga mata naming dalawa. Parang may mga kuryenteng lumalabas pareho sa mga mata namin.

Pinipigil ko ang sarili ko na kalmutin ang mukha niya. Kung sinungaling ako, mas sinungaling si Tita Camille. Sa kaniya lang naman ako natuto. Kaya alam kong kapag sinaktan ko siya, babaliktarin niya ako kay Dad.

“Let us see.” Ngumiti ako sa kaniya. “Kilala mo ako. Nakukuha ko lahat ng gusto ko.”

“You don't love Theo, you just don't like the idea that someone can snatch something from you,” giit pa niya. “Itigil mo na ang gulong sinimulan mo. Huwag mo siyang pilitin na panagutan ka dahil sigurado ako na sinadya mo ang nangyari at biktima lang siya.”

Tumaas ang kilay ko sa sinabi niya.

“Maaring totoo ang sinabi mo, pero may maniniwala ba sa iyo?" Ngumisi ako sa kaniya. "His family caught us, we already did the deed. Kaya wala ka nang magagawa."

“Are you really going to ruin their relationship?” hindi pa rin makapaniwalang tanong niya sa akin. “Luna, kahit pakasalan ka ni Theo, he will never love you.”

Tumalim ang tingin ko sa kaniya.

Kung magagawa ko si Theo na pakasalan ako. Magagawa ko rin na mahalin niya ako.

Nasimulan ko na. Hindi pwedeng ngayon pa ako hihinto.

“Hindi mo siya mahal, gusto mo lang gumanti sa akin. Pero huwag si Candice ang saktan mo, she's innocent.”

Pamangkin niya si Candice, pero bilib ako sa pagmamahal na meron siya para dito. Siya ang nagpalaki at tumayong ina nito. Kaya nga nang nagpakasal sila ni Daddy, pati si Candice, kasama niyang lumipat sa bahay namin.

At mula nang araw na iyon. Sinimulan na nilang agawin ang mga bagay na dapat ay akin.

Matagal kong hinayaan si Candice na namnamin ang pagiging girlfriend ni Theo, pero ngayon. Matatapos na iyon.

Kahit magmukha akong masama ngayon. Wala akong pakialam alam.

Hindi ko lang binabawi si Theo because for the second time, I am saving him.