Kabanata 4

LUNA AMARIS

Nang ibaba ko ang kumot na nakabalot sa katawan ko at tumingin sa salamin sa banyo ay napangiti ako. Kita ko ang mga bulang marka sa katawan ko. Masakit ang pagitan ng mga hita ko pero wala akong time para indahin iyon. Gumana ang plano ko, kaya alam kong makukuha ko na ang gusto ko. Si Theo.

Mabilis na ang naging kilos ko. Wala akong choice kundi ang isuot muli ang suot ko kagabi at nang masigurado kong maayos na ang suot ko ay humarap ako sa salamin at naglagay ng pulang-pulang lipstick. Ngumiti akong muli sa salamin bago bago tuluyan nang lumabas ako ng banyo ay agad kong kinuha ang bag ko pero paalis na sana ako nang makita ko ang cufflink sa sahig. Pinulot ko iyon. Bilog lang iyon pero napapalibutan ng maliliit na diamond sa gilid. Pinakatitigan ko iyon. Cufflink lang ito, pero alam kong hindi biro ang halaga dahil sa mga batong nakapalibot dito. Pinilit kong alalahanin kong may suot bang cufflink kagabi si Theo, pero hindi ko masyadong napansin.

Sinilid ko na lang iyon sa maliit na bag ko saka ako tuluyang lumabas ng hotel room. Naka-gown na suot ko pa ako kagabi.

Hindi ko alam kung saan ako pupunta kaya nagpalinga-linga ako. May lumapit sa aking isang babae at siya mismo ang nagsabi sa akin kung nasaan sina Lolo Thomas.

Mabilis akong pumunta sa hotel room na sinabi sa akin ng staff.

Kumatok muna ako bago ako tuluyang pumasok. Naabutan ko si Lolo Thomas na seryosong nakaupo sa sofa habang si Theo naman ay nakatayo. Nakaupo sa kaliwang side ni Lolo Thomas si Tita Maris na inaalo pa rin hanggang ngayon si Candice.

Alam kong ako ang kotrabida sa paningin ng lahat ngayon pero wala akong pakialam. Sinumulan ko na ito kaya kailangan kong panindigan ang pinasok ko.

Naupo ako sa katapat na sofa nang kinauupuan nina Tita Maris kahit hindi pa naman ako pinapaupo. Matalim na tumingin sa akin si Candice.

"Did he force you?" seryosong tanong ni Lolo Thomas sa akin.

"Lo! I did not force her," mabilis na sagot ni Theo.

"So, inamin mo talaga na may nangyari sa inyo? You have a girlfriend, pero ginalaw mo pa rin si Luna!" dumadagongdong ang boses na saad ni Lolo Thomas habang galit na galit siya kay Theo.

"It was a mistake," mahinang sagot ni Theo.

Kanina pilit niyang tinatanggi sa harap ko na wala siyang maalala sa nangyari pero hindi niya iyon magawa sa harap ni Lolo.

Tumingin ako sa ayos niya. Naka-white long sleeves lang siya na basta na lang tinupi hanggang siko niya kaya hindi ko nakita ang kapareha ng cufflink na hawak ko kung nasa kaniya pa ba.

"I was drunk and I don't —"

"Bullshit!" Napatayo pa si Lolo Thomas sa kinauupuan niya. "Kahit lasing ka, alam mo kung kanino itutusok iyang putanginang titi mo! Huwag mo akong gawing tanga, Theo. May nangyari sa inyo ni Luna at hindi pwedeng hindi mo siya panagutan!" lumalabas na pati litid sa noo ni Lolo Thomas habang nagsasalita siya habang matalim ang tingin niya kay Theo.

"Panagutan? Paano naman po ako?" singit ni Candice habang namumula ang matang nakatingin kay Lolo Thomas. "Ako ang girlfriend ni Theo. Hindi ba kung meron siyang dapat na panagutan, ako iyon? Isang gabing pagkakamali lang ang namagitan sa kanila ni Luna at sigurado akong sinadya iyon ng babaeng iyan." Matalim ang tingin na bumaling sa akin si Candice. "Alam kong matagal na niyang gusto ang boyfriend ko kaya hindi na ako nagtataka na ginapang niya ang boyfriend ko kaya may nangyari sa kanila. Kung may dapat sisihin sa nangyari, si Luna iyon. Alam niyang may girlfriend na si Theo pero pumayag pa rin siyang may mangyari sa kanila dahil gusto niyang maagaw sa akin si Theo," matatag na saad ni Candice habang nakatingin sa akin.

Lihim akong napangiti sa kaniya. Tama siya, iyon talaga ang nangyari pero hindi ko iyon aaminin.

Pinalungkot ko ang mga matang tumingin ako kay Lolo Thomas. He is my grandmother's bestfriend, close kaming dalawa kaya alam kong ipagtatanggol niya ako.

"Lo, sorry. Hindi ko gustong makasira ng relasyon. Tulog na ako ng may pumasok sa loob ng kwarto, hindi ko alam pero pakiramdam ko may naglagay ng gamot sa alak na nainom ko kaya nahihilo ako ng mga oras na iyon. Hindi ko nalabanan ang tukso, hindi ko alam na nakasira na pala ako ng relasyon," naiiyak na saad ko para mas magmukha akong kawawa. "Nawala ang pinakaiingatan ko, pero alam kong may girlfriend si Theo at ayaw kong makasira ng relasyon kaya kalimutan na lang natin ang nangyari," dagdag ko pa.

Hindi pwedeng ipagpilitan ko agad ang gusto kong mamgyari. Kailangang magmukha akong kawawa sa harap ni Lolo Thomas para mas maniwala siya sa sasabihin ko.

"Paano ako haharap kay Aria nito?" problemadong tanong ni Lolo Thomas, ang Lola ko ang tinutukoy niya. "Naisip n'yo ba na kapag nalaman niya ang totoo, ako ang pauulanan niya ng bala?"

Napayuko ako. Dating General ang Lola ko at kahit matanda na siya parang takot na takot pa rin sa kaniya si Lolo Thomas.

"Papa, alam kong magulo ang nangyari. Pero hindi natin pwedeng pilitin ang mga bata. Alam kong nag-aalala ka kay Luna pero paano si Candice? Kaya tama si Luna, kalimutan na lang natin ang nangyari. Wala naman na tayong magagawa pa. Nangyari na, pero hindi pwedeng iiwan ni Theo si Candice para panagutan si Luna," paliwanag ni Tita Maris.

Umismid si Lolo Thomas.

"Alam ko, pero paano kung mabuntis si Luna?" Galit na muling tumingin si Lolo Thomas kay Theo. "Naisip mo ba ang gulong ginawa mo? May girlfriend ka na pero ginalaw mo pa rin ang kaibigan mo, hindi ka ba nag-iisip? Nasaan ang utak mo?"

Marahas ang paghinga ni Lolo Thimas na tila ba tumataas na ang BP niya dahil sa nangyayari.

"Hindi ko nga sinasadya. Hindi ko alam kung paanong nandoon si Luna. Lasing ako," giit na katwiran ni Theo.

"Maidadahilan mo pa ba iyan kapag nagbunga ang nangyari sa inyo?"

"Isang gabi lang naman, baka naman hindi," singit ni Tita Maris. Tumingin si Tita Maris kay Theo na tila hindi alam ang gagawin ngayon. "Papa, kumalma kayo. Baka tumaas ang blood pressure ninyo. Isang gabi lang naman na may nangyari sa kanila. Hindi naman siguro mabubuntis agad si Luna. Pero kung sakaling mangyari iyon, ako mismo ang gagawa ng paraan para maikasal sila. Hindi ako papayag na magkaroon ng bastardo sa pamilya natin," matigas na saad ni Tita Maris.

Tumingin sa akin si Lolo Thomas, tila humihingi siya ng pasensya kaya ngumiti ako sa kaniya.

"Talaga ba? Hindi ba at may bastardo rin naman si Lolo? Nandito pa nga siya kagabi, hindi ba?" sarkastikong saad ni Theo kaya napabaling ang tingin ng lahat sa kaniya.

Napakunot ang noo ko sa sinabi niya. May iba pang anak si Lolo Thomas? Hindi ko alam ang tungkol sa bagay na iyon, pero kung totoo man iyon. Wala akong pakialam, ang mahalaga umaayon ang lahat sa gusto kong mangyari.

Maaring hindi ako magagawang panagutan agad ni Theo, pero may lamat na ang relasyon nila ni Candice. Unti-unti, magiging akin din siya.

Nakita ko ang pagtalim ng mukha ni Lolo Thomas. Si Tita Maris naman ay nag-aalalang tumingin kay Theo.

"Natatakot akong magkaroon ng bastardo? Pero hindi ba at meron din naman kayo?" ulit pa ni Theo.

Mas dumilim ang mukha ni Lolo Thomas. Mariing magkalapat ang mga mga labi niya habang ang mga mata ay parang tumutusok na sa pagkatao ni Theo.

"You even invited him last night."

"I never cheated," mariing saad ni Lolo. "We are different. So stop using him to save yourself. Ang isipin mo. Paano mo maaayos ang gulong pinasok mo. Binabantaan kita, ayoko ng kahihiyan sa pamilya natin."

"Umayos ka kung ayaw mong wala kang manahin mula sa akin," wika pa ni Lolo Thomas kaya napatayo si Tita Maris. Nagbabanta ang tingin niya kay Theo na para bang binabalaan niyang huwag na huwag itong sasagot pa kaya hindi na muling nakasagot si Theo.

Bumaling ako kay Candice na nanlilisik ang mga matang nakatingin sa akin. Alam kong ako ang sinisisi niya sa mga nangyari pero wala akong pakialam sa kaniya. Impostor siya.

“Dad, ako na po ang bahalang kumausap kay Theo,” saad ni Tita Maris na para bang pinapakalma ang matanda. “Pakakasalan niya si Luna. Kailangan niyang panagutan ang nangyari sa kanila.”

Nagtatakang tumingin naman ako kay Tita Maris. Kanina ay neutral lang siya. Ang sabi niya, kapag nabuntis lang ako ni Theo saka niya pipilitin ang anak jiya na pakasalan ako. Pero tila ang bilis na nagbago ng ihip ng hangin at maging siya ay gusto na rin na ipakasal si Theo sa akin ngayon. Dahil ba sa pagbabanta ni Lolo na walang mamanahin si Theo kapag hindi naayos ang gusot na meron kami ngayon?

Sinubukan muli ni Theo na magsalita para tumututol pero nakita kong pinanlakihan siya ni Tita Maris ng mga mata. Habang si Candice naman ay tila hindi makapaniwala sa narinig niya. Pabagsak na naupo siyang muli sa sofa. She looks lost.

“K-kasal?” garalgal na saad ni Candice. “How about me?” Tinuro niya ang sarili at nasasaktang tumingin siya kay Lolo. Muli siyang napatayo habang nanunumbat ang mga mata niya. “I am Theo's girlfriend. Hindi ba ninyo naisip ang nararamdaman ko? Si Luna lang ba ang mahalaga? Hindi ba... Hindi ba dapat nasa akin ang simpatya ninyo? Ako ang legal na karelasyon ni Theo, ako ang girlfriend, ako ang niloko. Ako ang girlfriend, kaya bakit kay Luna siya magpapakasal?” Bumaling siya kay Theo. “Don’t you love me?” naiiyak na tanong niya.

Agad na lumapit si Theo kay Candice pata aluin siya. Sinapo niya ang mukha nito.

“I love you,” masuyong saad ni Theo rito. “Kung may pakakasalan ako. Ikaw iyon.” Saka si Theo tumingin kay Lolo Thomas. “What happened was just a mistake, kung mabuntis si Luna. Handa akong maging ama, pero hindi ko siya pakakaksalan. Si Candice ang mahal ko, Lolo. You can't force me to marry someone I don't love,” matatag na saad ni Theo at mabilis niyang hinila palabas si Candice.

Napasunod na lang ako ng tingin sa kanila. Unti-unti akong napangisi. Nasasaktan ako sa sinabi ni Theo pero expected ko na iyon kaya alam ko na kung paano i-handle ang nararamdaman ko.

Marahas na napabuntong-hininga si Lolo Thomas. Napapailing ito habang si Tita Maris naman ay nakayuko lamang.

Ngumiti ako sa kanila upang ipakita na ayos lang ako.

“You don't have to worry about me. I am okay.” Nanatili ang ngiti sa mga labi ko. “I need to go. Baka hinahanap na ako ni Daddy.”

“Luna, I will talk to Theo. The situation is complicated, pero hindi ako papayag na maagrabyado ka. He needs to man up,” seryosong saad ni Lolo Thomas.

"Salamat po, pero tama naman po si Theo. Hindi niya ako mahal," yumuko ako para mas magmukha akong kawawa. "Pagkakamali lang ang nangyari sa amin... pero... pero hindi ko alam kung paano ko ipapaliwanag kay Dad ang lahat nang hindi siya magagalit."

"Kausapin mo ang anak mo Maris. Sumasakit ang ulo ko sa kagaguhan niya." Saka muling bumaling sa akin si Lolo. Humihingi ng pasensya ang mga tingin niya. "Huwag kang mag-alala. Hindi ako papayag na hindi ka panindigan ni Theo."

“Salamat po, pero hindi na po kailangan. Alam ko naman na kahit anong mangyayari si Candice ang mahal niya. Kasalanan ko, pumayag akong may mangyayari sa amin dahil mahal ko siya. Kaya huwag n’yo po akong alalahanin,” mababa ang boses na saad ko para mas maawa siya sa akin.

Nakita kong napahilot si Lolo Thomas sa noo niya. Lihim naman nangdiriwang ang loob ko. Alam kong lahat ay problemado ngayon, habang ako ay umaarte para matupad ang pinaplano ko.

"Mauna na po ako," paalam ko.

Ngumiti akong muli sa kanila at tumango bago ako tumalikod pero nang nakatalikod na ako ay nawala ang ngiti sa mga labi ko.

Hindi ko inaasahan na magagawang magmatigas ni Theo kahit na kay Lolo Thomas. Pero hindi ako papayag na hindi kami maikasal na dalawa.

Mabilis na akong sumakay ng elevator at nagtungo sa parking lot kung nasaan ang kotse ko pero nang mismong palabas ako ay nakita ko ang isang itim na sasakyang dumaan. Nakababa ang bintana noon kaya kita ko ang driver, lalo na ang matangos niyang ilong dahil naka-side view siya sa gawi ko.

Napahinto ako. Hindi ako pwedeng magkamali. Siya iyong lalaking gwapo at mabangong nakasalubong ko kagabi. Hindi ko siya kilala pero mukhang bisita din siya.

Dati, para sa akin si Theo ang pinakagwapong lalaki, pero ngayon, aminado akong walang-wala si Theo kapag tumabi siya sa lalaking iyon. Hindi ko namalayang natulala na naman ako saglit.

Pinilig ko ang ulo ko. Damn. Bakit ba natutulala ako dahil sa lalaking iyon? Yes, he is freaking handsome, but I should only focus to Theo. Si Theo ang gusto ko.