Kabanata 54

Kabanata 54

ABSENCE makes the heart grow fonder. Iyon ang kasabihan na palagay ni Odette, ngayon ay totoo. It is an old saying but applicable to what she feels right now. Pakiramdam niya ay mawawala siya sa oras na magtagal na magkalayo sila ni Helios at hindi sila nag-uusap. Pero paano? Handa na ba ang puso niya? Kahapon lang niya iyon nalaman at totoong masakit pa rin ang kalooban niya.

Tapos na siya sa pag-aasikaso ng kanyang requirement.

“Are you okay, Odette?” Dixon asked so she got back to reality. Nasa harap siya ng lalaki at nagsumite ng mga kailangan, dahil siya lang naman ang may hawak ng mga iyon.

“Opo. May kailangan pa po ba?” Matabang na tanong niya rito pero nanatili itong nakatitig sa kanya.

“Totoo ba ang narinig ko kanina kina Ronnie? Si Helios ang ama ni Ammiry? Hindi naman sa pagiging tsismoso.”

She sighed and nodded, “Aalis na po ako, Prof kung wala na pong kailangan. Kailangan ko pa pong bantayan ang anak ko.” Papaiwas na sagot niya dahil ayaw niyang magkwento pa.