CHAPTER 19

TASHA

Ilang sandali pa akong nanatili sa pintuan ng kan'yang k'warto.

Huminga muna ako ng malalim.

Kinalma ang medyo naghuhurumintado kong dibdib.

'Yong tipong nasabik akong makita siya pero kabadong-kabado naman akong humarap sa kan'ya?

Muli, huminga ako ng malalim, bago marahang kumatok ng tatlong beses.

Pipihitin ko pa lamang ang pintuan ay narinig ko na ang galit nitong boses.

"Sinabi kong ayaw kong makita ang kahi--" naiwan sa ere ang iba pa nitong gustong sabihin nang makita ako.

Saglit na nagtama ang mga mata namin.

Napalunok ako sa 'di inaasahang itsura niya.

Napaiwas ito ng tingin at bumalik sa pagkakahiga. Tumalikod pa ito sa akin.

Pero kahit tumalikod ito, hindi na naalis sa isip ko ang itsura ng mukha niya.

Nangingitim ang panga niya. Putok din ang labi at kilay niya.

Agad na nag-init ang mga mata ko at nanlabo ang paningin ko dahil sa namuong luha. Ano bang nangyari sa kan'ya?

Kanino siya nakipag-away?

Nakita ko sa ibabaw ng night stand ang ilang panlinis at gasa s