006: NANNY

WALA KANG IBANG MARIRINIG sa loob ng office ni sir Alex kundi ang hagikhik ng anak ni sir Alex na si Theo. Naglalaro kasi ito ng baril-barilan habang nasa kandungan ko. Kalaro naman nito ang isa sa kaibigan ni sir Alex na nagngangalang Clint.

'Parang nakita ko na ang dalawang bisita ni sir Alex'

Nakaupo ako ngayon sa pang-isahang upuan tapos si sir Alex ay nakikipag-usap nang masinsinan malapit sa table niya kasama ang isa pa niyang kaibigan. Tinitigan ko naman ang mukha ng lalaking nasa harapan ko at pilit na inaalala kung saan ko siya nakita pero sumasakit lang ang ulo ko.

'In fairness naman, gwapo silang tatlo pero mas nangingibabaw para sa akin ang kagwapuhan ni sir Alex'

Sa hitsura nila mukhang wala lang sa kanila ang nangyari kanina pero ako, hindi ko maipaliwanag ang nararamdaman ko. Naghalo ata ang pagiging curios at hiya ko ngayon.

"Let's go, Clint" saad ng isang kaibigan ni sir Alex. Nginitian naman niya ako pero hindi ko magawang suklian 'yon.

Sinundan ko nang tingin ang isang kaibigan ni sir Alex na hila-hila si sir Clint palabas ng office. Ngayong kaming tatlo na lang ang nandito sa loob ng office ay nagsimula akong kabahan. Parang gusto ko mag-cr.

"Let's talk, Tatiana"

Nagsitayuan ang balahibo sa buong katawan ko nang marinig ko ang seryoso at malamig na boses ni sir Alex. Napalingon naman si Theo sa ama niya.

"Why do you want to talk to my mommy, daddy?" kunot noong tanong ni Theo habang inilalakbay nito ang laruan niya sa aking kamay.

Heto pa, hindi ko alam kung saan nakuha ni Theo ang tawagin akong mommy niya. Sa dami ng kasambahay dito sa mansiyon, bakit ako pa?

"It's an adult staff, buddy" marahang sagot naman ni sir Alex.

Mukhang naintindihan naman iyong ni Theo dahil umalis siya mula sa pagkaka-upo sa hita ko saka umupo sa mahabang sofa kung saan nakaupo ang mga kaibigan ni sir Alex kanina.

Marahan akong tumayo saka naglakad palapit sa lamesa ni sir Alex nang hindi siya tinitignan. Mas maayos na tong ganito dahil kapag nakikita ko ang mukha niya ay lalo kong naaalala ang nakita ko kagabi.

"Ano po 'yon, sir Alex?" tanong ko pero nasa mesa ang tingin ko kaya hindi ko makita kung anong reaksyon niya.

"Why are you looking at the table?" nagtataka nitong tanong.

Napalunok ako, "Maganda kasi 'yong ballpen mo, sir Alex" pagrarason ko saka itinuro iyong ballpen na nasa ibabaw ng napakaraming papel.

Napangiwi ako nang marinig ko ang pagtawa nito. Kahit ako siguro ay matatawa rin kung gano'n ang rason na maririnig ko.

"Okay, if you say so" suko nito.

Umupo na ako nang umupo na rin si Sir Alex sa upuan niya. Hindi na ako makapaghintay na matapos itong usapan namin ni Sir Alex para makaalis kaagad ako dito. Ayokong magtagal sa presensya niya.

Sa pagkakaalala ko ay ito ang pangalawang beses na seryoso kaming mag-uusap. Ano naman kaya ang pag-uusapan namin ngayon?

"Were you the one who baked cookies for Theo?" he asked curiously.

'Mukhang naikwento ni Theo ang nangyari kagabi sa kusina'

Tumango ako, "Opo, Sir. Nauuhaw po kasi ako kagabi kaya pumunta ako sa kusina tapos nandoon din po pala si Theo tapos sabi niya nagugutom siya ng cookies kaya nag-bake ako" mahabang paliwanag ko.

Kita ko sa gilid ng aking mata ang pagsandal nito sa upuan niya, "And because of that he starts calling you mommy?"

"Hindi ko po alam sir Alex" amin ko. Hindi ko naman talaga alam kung ano ang dahilan ni Theo kung bakit niya ako tinawag na mommy. Nagulat din ako kanina sa tinawag niya sa akin, hindi ko iyon inaasahan.

Rinig ko ang pagbuntong hininga nito, "Okay, I want to offer you something"

Nakuha nito ang pansin ko. Gusto ko mang tignan si Sir Alex pero pinigilan ko ang sarili ko. Ayokong maalala ang ginawa niya kagabi habang seryoso kaming nag-uusap. Baka mamaya mamula pa ako dito.

"Anong something po iyon?"

"I want you to be my sons' nanny" diretsahang saad nito sa akin na siyang ikinagulat ko.

Nagtaas ako ng tingin sa kanya dahil sa gulat, "Nanny? Bakit ako po?" iniwas ko kaagad ang mata ko sa mukha niya pagkatapos ko siyang sagutin.

"It's obvious that my son likes you, Tatiana. Kapag ibang tao 'yan ay hindi niya agad ito magugustuhan"

Napatingin ako sa sofa kung saan nakaupo si Theo. Napangiti ako nang makitang nakatingin siya sa amin tapos kumukurap-kurap pa ang mata. Parang nagpapa-cute.

"Payag po ako, sir Alex" ani ko habang nakatingin pa rin kay Theo na ngayon ay tumatayo na sa sofa.

'Ayos lang sa akin na alagaan ang batang ito, tutal naman ay magaan ang pakiramdam ko sa kanya'.

"I'm so happy to hear that, Tatiana, but you look like you didn't sleep good last night"

Nauwi sa ngiwi ang ngiti sa labi ko nang narinig ko ang komento ni sir Alex. Akala ko ay hindi niya iyon mapapansin. Buti na lang at may naisip kaagad akong isasagot sa kanya.

"Malakas kasi ang hilik ni Adrianna kagabi, sir" rason ko. Gusto ko na lang sampalin ang mukha ko sa ginawa kong rason. Sorry Adrianna!

Tumingin ako kay sir Alex na sana ay hindi ko na ginawa dahil sobrang lapit ng mukha niya sa akin. Sa sobrang lapit ay isang tulak na lang ay magdidikit na ang labi naming dalawa.

Nakatayo ito saka nakasuporta ang dalawang kamay sa ibabaw ng mesa para mailapit ang mukha niya sa mukha ko. Hindi ko man lang naramdamang ginawa niya ito!

Napalunok ako habang nakatitig sa mata niyang mabibigat ang tingin sa akin. Naikuyom ko ang kamay ko nang makita kong bumaba ang tingin nito sa aking labi pero bumalik agad iyon sa aking mata saka ngumisi na para bang may mali akong sinabi sa kanya.

"You're not good at lying, Tatiana" he huskily said which made him more even attractive.

Agad nanlaki ang mata ko sa narinig. Ibig sabihin alam niya na sumilip ako kagabi sa kwarto niya?! What the h*ll! Nakakahiya na Tatiana. Gusto ko nang maibaon sa lupa ngayon din!

Mariin akong pumikit saglit dahil sa kahihiyan pero minulat ko ko kaagad iyon nang maramdaman ko ang pagdampi ng labi ni sir Alex sa aking labi.

Saglit lang iyon pero malaki ang impak na nagawa no'n sa katawan ko. Gulat akong napatingin kay sir Alex pero ngumisi lang ito saka kinuha ang cellphone sa ibabaw ng mesa at tinalikuran ako.

Wala sa sariling napahawak ako sa aking labi. Ramdam ko na rin ang pamumula ng aking mukha.

'Did he just kiss me!?'

Iyan ang isa sa tatlong katanungan sa isip ko ngayon. Pangalawa ay kung bakit niya iyon ginawa!? Pangatlo, nababaliw na ba siya?!